پۋتين رەسەيدىڭ مەملەكەتتىك قورعاۋشى قوسىن قۇراتىنىن جاريالادى

  • كەلۋ قاينارى: حالىق تورابى
  • 09:38:44 06/04/2016

    حالىق تورابى، 6 – ءساۋىر، بەيجيڭ. رەسەي پرەزيدەنتى پۋتين 5 – ءساۋىر كۇنى، ىشكى ىستەر مينيسترلىگىنىڭ ىشكى قورعاۋشى قوسىنى نەگىزىندە جاڭادان مەملەكەتتىك قورعاۋشى قوسىنىن قۇرۋدى ۇيعارعانىن، بۇل قوسىن لاڭكەستىككە سوققى بەرۋ قاتارلى مىندەتتەردى وتەيتىنىن جاريالادى.

    رەسەي پرەزيدەنت تورابىنىڭ حابارلاۋىنشا، پۋتين سول كۇنى ىشكى ىستەر مينيسترى كولوكولچيۆ، ىشكى ىستەر مينيسترلىگىنىڭ ىشكى قورعاشى قوسىنىنىڭ قولباسشىسى زولوتوۆ قاتارلىلاردى قابىلداعان كەزدە: مەملەكەتتىك قورعاۋشى قوسىنى لاڭكەستىككە سوققى بەرەدى جانە ۇيىمدى تۇردەگى قىلمىستىق ىستەرگە قارسى كۇرەس جاسايدى، ىشكى ىستەر مينيسترلىگىمەن تىعىز بايلانىس جاساي وتىرىپ، جىلجىمالى ەرەكشە مىندەتتى قوسىننىڭ، جىلدام سوققى بەرەتىن ەرەكشە مىندەتتى قوسىننىڭ مىندەتتەرىن جالعاستى وتەيدى،- دەدى.

    رەسەي ىشكى ىستەر مينيسترلىگىنىڭ ىشكى قورعاشى قوسىنى 1992 – جىلى قۇرىلعان بولىپ، نەگىزگى مىندەتى ــ نەگىزگى زاڭ مەن تۇزىمدەردى قورعاۋ، مەملەكەتتىڭ ىشكى تىنشتىعى مەن الەۋمەتتىك اماندىقتى قورعاۋ، ازاماتتاردىڭ زاڭدى ۇقىعى مەن ەركىندىگىن قورعاۋ، قىلمىستىق ارەكەتتەرگە سوققى بەرۋ.

جاۋاپتى رەداكتور: بەرىك وقاباي ۇلى