سيريا مەديالارى «ءىسلام مەملەكەتى» سيمونت زاۆودتىنداعى 344 جۇمىسشىنى بارىمتالاعانىن حابارلادى

  • كەلۋ قاينارى: حالىق تورابى
  • 04:36:41 08/04/2016

 

    حالىق تورابى، 7 – ءساۋىر، بەيجيڭ. سيريا مەديالارىنىڭ 6 – ءساۋىر كۇنى حابارلاۋىنشا، ۇشقارى ۇيىم ــ «ءىسلام مەملەكەتى» قارۋلى ەلەمەنتتەرى جاقىندا استانا داماسكى قالاسىنىڭ شىعىس سولتۇستىگىندەگى ءبىر سيمونت زاۆودتىنا شابۋىل جاساپ، اتالعان زاۆودتاعى 344 جۇمىسشىنى بارىمتالاعان.

    جەرگىلىكتى تەلەۆيزيانىڭ حابارلاۋىنشا، استانا داماسكى قالاسىنىڭ شىعىس سولتۇستىگىندەگى دۋمەير قالاشىعىنداعى جەكەلەر يەلىگىندەگى سيمونت زاۆود 4 – ءساۋىر كۇنى «ءىسلام مەملەكەتى» قارۋلى ەلەمەنتتەرىنىڭ شابۋىلىنا ۇشىراعان، بارىمتالانعان بارلىق جۇمىسشى قاراپايىم بۇقارا بولىپ، قازىر قۇتقارۋ قىزمەتى باستاپ ورىستەتىلگەن.

    حابارعا قاراعاندا، «ءىسلام مەملەكەتىنىڭ» شابۋىلى جەرگىلىكتى قارۋلى توپتىڭ كومەگىنە يە بولعان. سيريا اۋە ارمياسى ۇشقىشسىز ۇشاقپەن سيمونت زاۆودتىنا بارلاۋ جۇرگىزۋ بارىسىندا مۇنداعى جۇمىسشىلار مەن زاۆود سايماندارىنىڭ مۇلدەم جوق ەكەنىن بايقاعان.

    دۋمەير قالاشىعى داماسكى قالاسىنىڭ شىعىس سولتۇستىگىنەن 40 كيلومەتر عاشىقتىققا ورنالاسقان، قازىر سيريا ۇكىمەت ارمياسى، ۇشقارى ۇيىم جانە قارسى توپ قارۋلى توبى بۇل قالاشىقتاعى تۇرلىشە وڭىرلەردى يەلەپ وتىر. «ءىسلام مەملەكەتى» سيمونت زاۆودتىنا شابۋىل جاساۋمەن بىرگە، سيريا ۇكىمەت ارمياسىنىڭ دۋمەير قالاشىعىنداعى اۋە ارميا بازاسىنا دا شابۋىل جاساعان، ءبىراق ۇكىمەت ارمياسى جاعىنان سوققىلاۋعا ۇشىراعان.

جاۋاپتى رەداكتور: بەرىك وقاباي ۇلى