جاپونيا بۇقاراسى ەرەۋىل وتكىزىپ، ۇكىمەتتىڭ يادرولىق قارۋ ماسەلەسىندە ءسوزى مەن ارەكەتىنىڭ بىردەي بولماعاندىعىنا نارازىلىق ءبىلدىردى

  • كەلۋ قاينارى: ىلە گازەتى
  • 04:47:45 12/04/2016

   

    7 ەل توبى سىرتقى ىستەر مينيسترلەر ءماجىلىسىنىڭ ءساۋىردىڭ 10 - كۇنى جاپونيانىڭ حيروشيما قالاسىندا اشىلۋ قارساڭىندا، جۇزگە جۋىق بۇقارا توپتىق ەرەۋىل وتكىزىپ، جاپونيا ۇكىمەتىنىڭ يادرولىق قارۋ ماسەلەسىندە ءسوزى مەن ارەكەتىنىڭ بىردەي بولماعاندىعىنا نارازىلىق ءبىلدىردى ءارى جاڭا حاۋىپسىزدىكتى قورعاۋ زاڭىنا قارسىلىق تانىتتى.

    جاپونيانىڭ اقپارات قۇرالدارى بىلاي دەدى: سول كۇنى اشىلاتىن 7 ەل توبى سىرتقى ىستەر مينيسترلەرىنىڭ ءماجىلىسى «حيروشيما ۇندەۋىن» ماقۇلداپ، يادروسىز الەم قۇرۋعا ۇندەدى. سول كۇنى تۇستەن كەيىن يادرولىق قارۋعا قارسى بۇقارالىق ۇيىمداردان جۇزگە جۋىق بۇقارا حيروشيما قالاسىنىڭ ورتالىعىنداعى بەيبىتشىلىك ەسكەرتكىش باقشاسىنىڭ ماڭىندا ەرەۋىل وتكىزىپ، «يادرولىق قارۋعا قارسى تۇرايىق»، «سينزو ابە ۇكىمەتى بيلىكتەن كەتسىن» دەپ ۇرانداتتى.

    قالا تۇرعىنى سۇڭكوۋ گۇڭزى شينحۋا اگەنتتىگىنىڭ تىلشىسىنە بىلاي دەدى: جاپونيا ۇكىمەتى اۋىز جۇزىندە يادرولىق سوعىس ازىرلىگىن قىسقارتىپ، «يادروسىزداندىرۋعا» ۇندەگەنىمەن، امالياتتا كوپ مولشەردە يادرولىق ماتەريالدار ساقتاپ ادامدى قاتتى الاڭداتۋدا. ول بىلاي دەدى: جاپونيا بيلىك كەڭسەسىنىڭ ءماجىلىسى ءساۋىردىڭ 1 – كۇنى جاۋاپ قايتارۋ حاتىن ماقۇلداپ، نەگىزگى زاڭدا يادرولىق قارۋعا يە بولۋ مەن ونى قولدانۋعا تيىم سالىنباعان دەپ يادرولىق قارۋ ماسەلەسىندەگى پوزيتسياسىن جۇمسارتىپ وتىر، « ۇكىمەتتىڭ 7 ەل توبى سىرتقى ىستەر مينيسترلەرىنىڭ ماجىلىسىندە يادرولىق قارۋدى جويۋ ماسەلەسىن كوتەرۋگە ەشقانداي تولىمدىلىعى جوق»، «جاپونيا شاپقىنشىلىق تاريحتى باسىنان وتكىزگەندىكتەن، يادرولىق قارۋعا يە بولۋىنا بولمايدى».

    حيروشيما ۋنيۆەرسيتەتىنىڭ تۇلەگى سىنتيان بىلاي دەپ قارادى: جاپونيا ۇكىمەتى حيروشيماداعى يادرولىق جارىلىستىڭ زيانكەستىگىنە ۇشىراعانداردىڭ ۇنىنە قۇلاق اسپاي، جاڭا حاۋىپسىزدىكتى ساقتاۋ زاڭىن زورلىقپەن ماقۇلداپ، سوعىس جۇرگىزۋ مۇمكىندىگى بار ءتۇزىلىس ورناتتى، تاعى نەگىزگى زاڭعا وزگەرىس ەنگىزۋگە ۇمتىلىپ وتىر. جاپونيا ۇكىمەتىنىڭ حيروشيما قالاسىن 7 ەل توبى سىرتقى ىستەر مينيسترلەرىنىڭ ءماجىلىسىن اشاتىن ورىن ەتىپ تالداۋى ءوزىنىڭ اتالمىش بەيبىتشىلىكتى سۇيەتىن وبرازىن جاراتۋ ءۇشىن عانا، بۇقارانىڭ ۇكىمەتتىڭ نەگىزگى زاڭعا وزگەرىس ەنگىزۋ سىندى سايقال ساياساتىنا دەگەن قىراعىلىعىن تومەندەتۋ. بۇنداي الداۋسىراتۋ ءتاسىلى يادرولىق جارىلىس زاردابىن تارتىپ وتىرعانداردى قورلاعاندىق.

    (شينحۋا اگەنتتىگى)

جاۋاپتى رەداكتور: گۇلدەن ماقسات قىزى