يندياداعى بۇتحاناعا ءورت كەتىپ 110 ادام قازا بولدى

  • كەلۋ قاينارى: ىلە كەشى گازەتى
  • 04:22:09 13/04/2016

    

    ينديانىڭ باتىس وڭتۇستىگىنە ورنالاسقان كەرالا ولكەسىنىڭ باستىعى ۋمان ءساۋىردىڭ 10 – كۇنى بىلاي دەدى: سول كۇنى تاڭەرتەڭ وسى ولكەدەگى ءۇندى ءدىنى بۇتحاسىندا ءورت كەتىپ، قازىرگە دەيىن 110 ادام قازا بولىپ، 390 ادام جارالاندى.

    جەرگىلىكتى ورىنداعى اقپارات دانەكەرلەرى ساقشىلاردىڭ سوزىنەن سيتات كەلتىرىپ بىلاي دەگەن: ءورت اپاتى سول جەر ۋاقىتى ساعات 3 تەن 30 مينۋت وتكەن مولشەردە تۋىلعان، اتاپ ءوتۋ قيمىلىن وتكىزۋ ماقساتىندا دايىندىق كورىپ بۇتحاناعا ءۇيىپ قويىلعان تورسىلداقتىڭ جارىلىس سەبەبىنەن ءورت كەتكەن بولۋى مۇمكىن. ۇعىسۋعا قاراعاندا، ساقشىلار ءورت اپاتى تۋىلۋدان بۇرىن بۇتحانا ىشىنە تورسىلداق قويماۋدى ەسكەرتكەن ەكەن.

    حابارعا قاراعاندا، وسى كۇنى تاڭەرتەڭ ساعات 7 دە ءورت مەڭگەرىلگەن. ءورت تۋىلعاندا، بۇتحانادا 10 - 15 مىڭ ادام بار ەكەن. قازا بولعاندار سانى كوبەيۋدە، ولاردىڭ دەنى ايەلدەر مەن بالالار. قازىر جارالانعاندار شيپاحاناعا جەتكىزىلىپ، ارميا جاعى تىك ۇشار جىبەرىپ قۇتقارۋ، كومەك بەرۋگە ات سالىسقان.

جاۋاپتى رەداكتور: جازيرا بولاتباي قىزى