بيرمادا 6.8 بال جەر سىلكىندى كورشىلەس ەلدەردە سىلكىنىس ءدۇمپۋى سەزىلدى

  • كەلۋ قاينارى: حالىق تورابى
  • 10:59:11 14/04/2016

    كورشىلەس ەلدەردە سىلكىنىس ءدۇمپۋى سەزىلدى

 

    حالىق تورابى، 14 – ءساۋىر، بەيجيڭ. شينحۋا اگەنتتىگىنىڭ حابارلاۋىنشا، بيرمانىڭ باتىس سولتۇستىك بولەگىندە 13 – ءساۋىر كۇنى كەشتە 6.8 بال جەر سىلكىندى، ءۇندىستان، بەنگال، جۇڭگو قاتارلى كورشىلەس ەلدەردە سىلكىنىس ءدۇمپۋى سەزىلدى، قازىرگە دەيىن جارالانۋ، ءولىم – ءجىتىم جانە مال – مۇلىك شىعىنى تۋرالى مالىمەت بەرىلگەن جوق.

    بيىرما جەر سىلكىنىسى كوميتەتىنىڭ سول كۇنى ايتۋىنشا، جەرگىلىكتى ۋاقىت بويىنشا ساعات 20دان 25 مينۋت وتكەندە (بەيجيڭ ۋاقىتى بويىنشا 21دەن 55 مينۋت وتكەندە)، بيرمانىڭ باتىس سولتۇستىك بولەگىندە 6.8 بال جەر سىلكىنگەن، سىلكىنىس ورتالىعى بيرمانىڭ ساگاڭ ولكەسى گرەي ايماعىندا تۋىلعان، بيرمانىڭ بارلىق وڭىرلەرىندە سىلكىنىس ءدۇمپۋى سەزىلدى.

    ءۇندىستان استاناسى جاڭا دەلي مەن ءۇندىستاننىڭ شىعىس بولەگىندەگى جاكارتا قالاسىندا دا سىلكىنىس ءدۇمپۋى انىق سەزىلگەن. جەرگىلىكتى تەلەۆيزيا تاراتقان بەينە جازباعا قاراعاندا، تۇرعىندار ۇيلەرىنەن سىرتقا قاشىپ شىققان، ءىشىنارا جەرلەردە ساقتىق سەگنالى ەستىلىپ، جۇرتقا حاۋىپتى قۇرىلىستاردىڭ ماڭىنا بارماۋدى ەسكەرتكەن.

    بەنگال استاناسى داكادا سىلكىنىس ءدۇمپۋى انىق سەزىلىپ، قولفون سەگنالى ءبىر مەزەت ىقپالعا ۇشىراعان، قالا تۇرعىندارى ۇيلەرىنەن قاشىپ شىققان، بيرماعا جۋىق جەردەگى اتالعان ەلدىڭ ەڭ ءىرى كەمەجايلى قالاسىنا ورنالاسقان گيتتاگۇڭ كەمەجايىندا كۇشتى سىلكىنىس ءدۇمپۋى سەزىلگەن.

    جۇڭگو مەملەكەتتىك جەر سىلكىنىسى ستانسياسىنىڭ ولشەپ تۇراقتاندىرۋىنشا، 13 – ءساۋىر كۇنى ساعات 21دەن 55 مينۋت وتكەندە، بيرمادا 7.2 بال جەر سىلكىنگەن، سىلكىنىس قاينارى 130 كيلومەتر تەرەڭدىكتە. شيزاڭنىڭ لينجى قالاسى، رىكازى قالاسى، لاسا قالاسى، شاننان ايماقتارىندا سىلكىنىس ءدۇمپۋى انىق سەزىلگەن. شيزاڭداعى قاتىستى تاۋلار قازىر اپاتقا ۇشىراۋ جاعدايىن انىقتاۋدا.

جاۋاپتى رەداكتور: بەرىك وقاباي ۇلى