ءىسلام ەلدەرىنىڭ لاڭكەستىككە قارسى تۇرۋ اسكەري وداق جوبا قيمىل مەحانيزمى اتقارىلدى

  • كەلۋ قاينارى: ىلە كەشى گازەتى
  • 09:44:52 15/04/2016

    

    ساۋد ارابيا ەلى ۇيىمداستىرىپ قۇرعان ءىسلام ەلدەرىنىڭ لاڭكەستىككە قارسى اسكەري وداعى ناۋرىزدىڭ 27 – كۇنى ساۋد ارابيانىڭ استاناسى ريات قالاسىندا تۇڭعىش رەتكى جوعارى دارەجەلى اسكەري باسشىلار ءماجىلىسىن وتكىزىپ، بولاشاقتاعى وداقتىڭ لاڭكەستىككە قارسى قيمىل جوبا مەحانيزمىن قۇردى.

    ساۋد ارابيا مەملەكەت قورعانىس مينيسترلىگىنىڭ اقپارات مالىمدەمەشىسى احىمەت ماجىلىستەن كەيىن وتكىزىلگەن تىلشىلەر ماجىلىسىندە بىلاي دەدى: وداق اسكەري ىستەر، يدەيا، قارجى جانە ۇگىت – ءناسيحات سياقتى ءتورت جاقتان «ءىسلام ەلدەرىن» قامتىعان لاڭكەستىك ۇيىمدارعا سوققى بەرەدى. وداق ب م ۇ – نىڭ قاۋلىسى جانە حالىقارالىق شارتناما سۇلباسى نەگىزىندە ارەكەت قولدانادى. مۇشە ەلدەردىڭ ىشكى ىستەرىنە ارالاسپايدى، مۇشە ەل تالاپ ەتسە جاعداي باسقاشا بولادى.

    39 ەلدەن كەلگەن باس قولباسشىلاردى قامتىعان جوعارى دارەجەلى باسشىلار وسى ءبىر كۇندىك ماجىلىسكە قاتىناستى. ماجىلىسكە ەگيپەد، تۇركيا، اراب بىرىككەن امىرلىگى، مالايزيا، پاكستان جانە ءىشىنارا افريكا ەلدەرى قاتىناستى.

    وتكەن جىلى جەلتوقساندا، ساۋد ارابيا 34 ەلدەن قۇرالعان ءىسلام اسكەري ىستەر وداعىنىڭ قۇرىلعانىن، لاڭكەستىككە سوققى بەرەتىندىگىن جاريالادى. ءبىراق بۇل وداقتا سيريا، يراق جانە يران قاتارلى ەلدەر جوق.

جاۋاپتى رەداكتور: گۇلدەن ماقسات قىزى