پاكيستاننىڭ لاحار قالاسىندا جانكەشتى بومبى جارىلىسى تۋىلىپ 63 ادام قازا بولدى

  • كەلۋ قاينارى: ىلە كەشى گازەتى
  • 09:53:22 15/04/2016

    

    پاكيستان پۇنجاب ولكەلىك ۇكىمەتىنىڭ اقپارات مالىمدەمەشىسى ناۋرىزدىڭ 27 – كۇنى كەشتە بىلاي دەدى: وسى كۇنى پاكيستاننىڭ لاحار قالاسىندا تۋىلعان جانكەشتى بومبى جارىلىسىندا قازا بولعاندار سانى 63 كە جەتىپ، 306 ادام جارالاندى. ەلىمىزدىڭ لاحار قالاسىندا تۇراتىن باس كونسۋلى بىلاي دەدى: قازىرگە دەيىن وسى رەتكى جارىلىستا ەلىمىز ازاماتتارىنان جارالانعاندار جوق.

    جارىلىس تۋىلعاننان كەيىن، لاحار قالاسىنداعى كوڭىل اشۋ باقشالارى تۇگەل جابىلعان. تۇرعىندارعا ۇيىندە بولىپ، سىرتقا شىقپاۋ جونىندە ۇقتىرۋ تۇسكەن. پاكيستان ارميا جاعى جارىلىس تۋىلعان ورىنعا جاعدايدى شۇعىل ءبىر جاقتى ەتۋگە ادام جىبەرگەن. سول ورىننىڭ ساقشى جاعى دا ناق مايداندا تەكسەرۋ جۇرگىزگەن.

    پاكيستان زۇڭليى وسى رەتكى شابۋىل ۋاقيعاسىن جازعىردى ءارى شيپاگەرلەردەن جارالانعانداردى قۇتقارۋدى تالاپ ەتتى.

    پاكيستانداعى تاليبانداردىڭ ءبىر تارماق قۇرىلىمىنىڭ اقپارات مالىمدەمەشىسى جەرگىلىكتى اقپارات ورىندارى ارقىلى بىلاي دەگەن: وسى رەتكى شابۋىلدى ءبىز جاسادىق. وسى اقپارات مالىمدەشىسى تاعى بىلاي دەگەن: بۇل -ءبىزدىڭ بيىل تۋدىرعان شابۋىلىمىزدىڭ ءبىر ءبولىمى.

جاۋاپتى رەداكتور: گۇلدەن ماقسات قىزى