حالىقارالىق فينانس قوعامى الەمدەگى كاسىپورىنداردىڭ قارىزى شىرقاۋ شەگىنە جەتكەندىگىن ەسكەرتتى

  • كەلۋ قاينارى: ىلە گازەتى
  • 09:36:26 11/05/2016

    

    حالىقالىق فينانس قوعامىنىڭ جۋىردا جاريالاعان ءبىر بايانداماسىندا بىلاي دەپ اتاپ كورسەتىلدى: الەمدەگى كاسىپورىنداردىڭ قارىزى شىرقاۋ شەگىنە جەتتى، كەيبىر مەجەلى كورسەتكىشتەر بويىنشا، اعايىندى لەحمان سەرىكتىگى كۇيرەۋدەن بۇرىنعى فينانس كوپىرشىگى كەزىندەگى دەڭگەيدەن اسىپ كەتكەن.

    اتالعان باياندامادا ەكى ءتۇرلى حاۋىپ جونىندە ەسكەرتۋ جاسالعان: سوڭعى 10 جىلدا جاڭادان گۇلدەنگەن ەكونوميكالىق تۇلعالارداعى كاسىپورىنداردىڭ قارىز كولەمى 5 ەسە ارتىپ، 250 ميلليارد امەريكا دوللارىنا جەتتى؛ سونىمەن بىرگە، ا ق ش جانە ەۆروپا سياقتى دامىعان ەكونوميكالىق تۇلعالاردىڭ تاراتقان قاتەرى جوعارى زايوم كولەمى ەڭ جوعارى دەڭگەيگە جەتتى.

    باياندامادا بىلاي دەلىندى: ا ق ش كاسىپورىندارىنىڭ جالپى پايدا كولەمى 2014 – جىلدان باستاپ ازايعانىمەن، ولار زايومدى ءالى دە كوپتەپ تاراتىپ وتىر، قارىز كولەمى مەن پايدا سالىستىرماسى 1.4/1 دەڭگەيىنە جەتىپ، 2007 – جىلداعى داعدارىستى مەزگىلدەگىدەن ءبىر ەسە ارتقان. الايدا زايوم ساتۋدان تۇسكەن قارجىلاردىڭ باسىم كوبى كاسىپورىنداردى قارجىلاندىرۋعا ەمەس، قايتا پايدا بەرۋ، جارنا ساتىپ الۋ سياقتىلارعا جۇمسالعان. امالياتتا كاسىپورىنداردىڭ كاپيتال شىعىسى 2012 – جىلدان بەرى قۇلدىراپ كەلەدى.

    حالىقارالىق فينانس قوعامى تاعى مىنانى اتاپ كورسەتتى: كەزەكتە كاسىپورىندار قارىزىنىڭ كۇردەلىلىك سيپاتى تومەندەگى جاقتاردان بەينەلەنۋدە: ءبىر جاعىنان، كوپتەگەن ءىرى كاسىپورىندار كولەمدى قارجىنى ىستەتپەي باسىپ وتىر، ماسەلەن، ا ق ش، ەۆروپا جانە جاپونياداعى ءىرى كاسىپورىندار قورىنداعى قارجى كولەمى جەكە - جەكە 16 ميلليارد، 22 ميلليارد جانە 20 ميلليارد امەريكا دوللارىنا جەتكەن؛ ەندى ءبىر جاعىنان، كوپتەگەن شاعىن كاسىپورىندار قوماقتى قارىز ارقالاپ وتىر.

    حالىقارالىق فينانس قوعامىنا جەر شارى بويىنشا 500 گە جۋىق ءىرى فينانس قۇرىلىمى مۇشە بولىپ، قوعامنىڭ باس شتابى ۆاشينگتونعا ورنالاسقان.

    (شينحۋا اگەنتتىگى)

جاۋاپتى رەداكتور: جازيرا بولاتباي قىزى