اۋعانستاننىڭ شىعىس بولەگىندە اۋىر قاتىناس شىرعالاڭى تۋىلىپ، 50 دەن استام ادام قازا بولدى

  • كەلۋ قاينارى: ىلە كەشى گازەتى
  • 04:35:21 13/05/2016

    

    اۋعانستان اقپارات دانەكەرلەرىنىڭ جاريالاعان حابارىنا قارعاندا، اۋعانستاننىڭ شىعىس بولەگىندەگى گازني ولكەسىندە مامىردىڭ 8 –كۇنى تاڭەرتەڭ اۋىر قاتىناس شىرعالاڭى تۋىلىپ، 50 دەن استام ادام قازا بولعان.

    گازني ولكەسى ساقشى جاعىنىڭ جاۋاپتىسى شينحۋا اگەنتتىگىنىڭ تىلشىسىنە بىلاي دەدى: سول جەر ۋاقىتى 8-مامىر ساعات 6 دان 30 مينۋت وتكەندە ەكى ۇزاق جولدى اۆتوبۋز بەن ءبىر جانارماي تيەگەن اۆتوكولىك استانا كابۋل مەن كانداحار سايراعىنىڭ جازني ولكە جولىنىڭ تۇيىلىسىندە سوعىلىپ، 3 ماشينا ورتەنىپ كەتكەن.

    گازني ولكەسى باستىعىنىڭ مالىمدەمەشىسى جاۋد سالانگۋدىڭ ايتۋىنشا، سول كۇنى اتالعان ەلدىڭ استاناسى كابۋلدان كانداحارعا باراتىن جوعارى قارقىندى تاس جولدىڭ گازني ولكەسى بولەگىندە جولاۋشىلار وتىرعان ەكى اۆتوكولىك پەن ماي تاسۋ اۆتوكولىگى سوعىلىسىپ، ءۇش اۆتوموبيلگە دە ءورت كەتكەن، ەكى اۆتوموبيلدە 120 جولاۋشى وتىرعان. جەرگىلىكتى ساقشىنىڭ ايتۋىنشا، كوپ ادامنىڭ جاراقاتى اۋىر بولعاندىقتان، قازا بولعانداردىڭ سانى ارتا ءتۇسۋى مۇمكىن.

    جول جاعدايى، اۆتوكولىك ساپاسى ناشار بولۋ، سونداي –اق كولىكتى مادەنيەتتى جۇرگىزبەۋ، ولشەمنەن ارتىق جولاۋشى سالۋ سياقتى سەبەپتەردەن اۋعانستاندا جىلىنا تالاي ادام كولىك اپاتىنان قازا بولۋدا.

جاۋاپتى رەداكتور: جازيرا بولاتباي قىزى