جاپونيا «بوبەكتەردىڭ جىلاعان داۋىسىن» ەستىپ تۇسىنە الاتىن APP تاپقىرلادى

  • كەلۋ قاينارى: حالىق تورابى
  • 09:54:40 17/05/2016

    حالىق تورابى، 17 – مامىر، بەيجيڭ. جاقىندا، جاپونيانىڭ بالالاردى تاربيەلەۋ قولفون جۇمساق بولشەگىن (APP) جاسايتىن First-Ascent سەرىكتىگى جاڭا ءبىر تەحنيكانى تاپقىرلاعان، بۇل جۇمساق بولشەك بوبەكتەردىڭ جىلاعان داۋىسىنا تالداۋ جاساۋ ارقىلى بوبەكتىڭ نە سەبەپتى جىلاعانىن پارىقتايتىن بولعان. مەجەمەن 2016 – جىلدىڭ كۇزىندە بۇل جاڭا تۇردەگى تەحنيكا قازىرگى بار APP ــ «بالانى اكەسىمەن بىرلىكتە باعىپ - ءوسىرۋ» جۇمساق بولشەگىنىڭ ىشىنە قوسىلماق.

    «جاپونيا ەكونوميكا حابارىنىڭ» حابارلاۋىنا قاراعاندا، بۇل APP بوبەكتەردىڭ جىلاعان داۋىسىن پارىقتاي الۋىنىڭ سەبەبى، ونىڭ ءتۇزىلىسى گۋگولدىڭ «AlphaGo» بولشەگىمەن ۇقساس بولىپ، ىشكەرىلەي زەرتتەي الاتىن نەگىزگى پروگرامماعا يە بولعان. ادام ميىنىڭ ينفورماتسيانى ءبىرجايلى ەتۋ ءادىسى بويىنشا، جۇمساق بولشەك كوپتەگەن ساندىق مالىمەتتەردىڭ ىشىنەن زاڭدىلعىن تاۋىپ شىعاتىن بولعان ءارى ىشكەرىلەي زەرتتەي الاتىن بولعان. جۇمساق بولشەكتى ىستەتۋشى قولفونعا جىلاعان بالانىڭ داۋىسىن ءتۇسىرىپ العاننان كەيىن، جۇمساق بولشەك بوبەكتىڭ جىلاۋ سەبەبىنە وزدىگىنەن تالداۋ جاسايدى. بوبەكتىڭ جىلاۋ سەبەبىن مۇمكىندىگىنە قاراي قاتارعا ءتىزىپ شىعارادى، ماسەلەن: جايالىعى بىلعانسا %70، قارىنى اشسا %25 بولۋ قاتارلى. مۇنداي بولعاندا، تۇڭعىش پەرزەنتتى بولعان انالار دا بالاسىنىڭ نە سەبەپتى جىلاعانىن ءبىلىپ، ءدال كەزىندە قامقورلىق جاساي الاتىن بولادى.

جاۋاپتى رەداكتور: بەرىك وقاباي ۇلى