ا ق ش - نىڭ قازىنا مينيسترى اقشا سايىسىنىڭ دۇنيە ەكونوميكاسىن زياندايتىندىعىن ەسكەرتتى

  • كەلۋ قاينارى: ىلە گازەتى
  • 04:09:15 18/05/2016

    

    ا ق ش - نىڭ قازىنا مينيسترى ياگبۋ رۋ مامىردىڭ 13-كۇنى مىنانى ەسكەرتتى: «اقشا سايىسى» دۇنيە ەكونوميكاسىن زياندايدى. ول 7 ەل توبىنا مۇشە ەلدەردى وسىدان بۇرىنعى اقشا سىندىرىلىمى ساياساتى جونىندە بەرگەن ۋادەلەرىندە تاباندى تۇرىپ، اقشا سىندىرىلىمى باسەكەسىن كوزسىزدىكپەن ورىستەتۋدەن تۋىندايتىن اقشانىڭ قۇنسىزدانۋى جاعدايىنان ساقتانۋعا ۇندەدى.

    رۋ سول كۇنى «كاتوليك ءدىنى تاعىلىمى گازەتى» وتكىزگەن قيمىلدا بىلاي دەدى: ا ق ش ءارقايسى ەكونوميكالىق تۇلعالاردى 7 ەل توبى مەن 20 ەل توبى ماجىلىسىندە بەرگەن اقشا سىندىرىلىمى ساياساتى جونىندەگى ۋادەسىندە بەرىك تۇرۋعا قۋزايدى. ول تاعى بىلاي دەدى: «ەگەردە، ءبىر ەل باسەكە سيپاتتى اقشا قۇنسىزداندىراتىن بولسا، بۇل بۇكىل جەرشارى ەكونوميكاسىنا اۋىر ىقپال جاسايدى».

    رۋ بىلاي دەدى: جاپونيانىڭ اقشا ساياساتىنا تىم كوپ يەك سۇيەپ وتىر، جاپونيا ەل ءىشى سۇرانىسىن ىنتالاندىراتىن شالالار قولدانۋى، قۇرىلىمدىق رەفورمانى ىلگەرىلەتىپ، ەكونوميكالىق ونىمدىلىكتى جوعارىلاتۋى كەرەك. ول تاعى بىلاي دەدى: جاقىندا جاپونيا يەنىنىڭ قۇنى ارتقانىمەن، ءبىراق كەزەكتەگى بازار جاعدايى ءتارتىپتى جۇرىلۋدە. رۋ جاپونيانى 20 ەل توبى ماجىلىسىندە بەرگەن ۋادەسىندە بەرىك تۇرۋعا قۋزادى.

    جاپونيانىڭ قازىنا ءۋازىرى ماشىڭ تايلاڭ جۋىقتا بىلاي دەدى: ەگەردە جاپونيا يەنىنىڭ قۇنى تەز قارقىنمەن جوعارىلايتىن بولسا، بۇعان ءبىز كيلىگۋ ساياساتىن قولدانامىز. ول بىلاي دەدى: جاپونيا ۇكىمەتى شەتەل اقشا بازارىنىڭ ۋشىعۋىن قالامايدى. بۇل ساۋدا، ەكونوميكا جانە قازىنا ساياساتىنا اۋىر ىقپال جاسايدى.

    (شينحۋا اگەنتتىگى)

جاۋاپتى رەداكتور: جازيرا بولاتباي قىزى