دۇنيە جۇزىلىك دەنساۋلىق ساقتاۋ ۇيىمىنىڭ ەڭ جاڭا ساندى مالىمەتىندە كورسەتىلۋىنشە، دۇنيە جۇزىندە ٪80 تەن استام قالانىڭ اۋاسىنىڭ لاستانۋى كورسەتكىشتەن اسىپ كەتكەن

  • كەلۋ قاينارى: ىلە كەشى گازەتى
  • 09:15:55 20/05/2016

    

    دۇنيە جۇزىلىك دەنساۋلىق ساقتاۋ ۇيىمىنىڭ مامىردىڭ 12 – كۇنى جاڭالاعان قالالاردىڭ اۋا ساپاسى ساندى مالىمەت قامباسىندا كورسەتىلۋىنشە، دۇنيە جۇزىندەگى 103 ەل مەن رايونداعى 3 مىڭنان استام اۋا ساپاسى تەكسەرىپ باقىلانعان قالادا، ٪80 تەن استام قالانىڭ اۋا ساپاسىندا شاڭ – توزاڭ جانە ۇساق شاڭ – توزاڭ بولىپ، لاستانۋ ورەسى دۇنيە جۇزىلىك دەنساۋلىق ساقتاۋ ۇيىمىنىڭ ولشەمىنەن اسىپ كەتكەن. وتە – موتە، جۇڭگوداعى قالالاردىڭ اۋا ساپاسىنىڭ لاستانۋى ادامدى الاڭداتادى.

    ساندى مالىمەتتە كورسەتىلۋىنشە، ورتا، تومەن كىرىستى مەملەكەتتەگى قالالاردا اۋا ساپاسىنىڭ لاستانۋى جوعارى كىرىستى ەلدەردەن دە اۋىر بولعان. حالىق سانى 100 مىڭنان اساتىن قالالاردىڭ اۋا ساپاسىنىڭ لاستانۋ ورەسى دۇنيە جۇزىلىك دەنساۋلىق ساقتاۋ ۇيىمىنىڭ ولشەمىندەگى قالالارمەن سالىستىرعاندا، ورتا، تومەن كىرىستى ەلدەردىكى ٪98 كە، جوعارى كىرىستى ەلدەردىكى ٪56 كە جەتكەن.

    دۇنيە جۇزىلىك دەنساۋلىق ساقتاۋ ۇيىمى مىنانى دارىپتەدى: شاڭ – توزاڭ مەن ۇساق شاڭ – توزاڭنىڭ شوعىرلى توپتالۋى سالدارىنان تۋىلاتىن ورتانىڭ لاستانۋى – دەنساۋلىق اقاۋسىزدىعىنا ىقپال جەتكىزەتىن حاۋىپتى فاكتور. وسى سەبەپتى دۇنيە جۇزىندە جىلىنا 3 ميلليون ادام دۇنيەدەن ەرتە وتۋدە. شاڭ – توزاڭ سالدارىنان لاستانۋدىڭ ءار تەكشە مەترى 70 ميكروگرامنان 20 ميكروگرامعا تومەندەتىلسە، اۋانىڭ لاستانۋى سالدارىنان ادامنىڭ قازا بولۋ شاماسىن ٪15 تومەندەتۋگە بولادى.

جاۋاپتى رەداكتور: جازيرا بولاتباي قىزى