لوندوندىقتار اپتاسىنا ورتا ەسەپپەن 33.5 ساعات قىزمەت ىستەيدى

  • كەلۋ قاينارى: حالىق تورابى
  • 11:05:33 26/05/2016

    حالىق تورابى، 25 – مامىر، لوندون. فينانس شونجارى شۆەتساريا بانكە توبىنىڭ دۇنيە جۇزىلىك زەرتتەۋ ناتيجەسىنە قاراعاندا، لوندوندىقتار ورتا ەسەپپەن اپتاسىنا 33.5 ساعات قىزمەت ىستەيدى، كۇنىنە ورتا ەسەپپەن 8 ساعاتقا جەتپەيدى.

    اقپارات قۇرالدارىنىڭ حابارلاۋىنشا، شۆەتساريا بانكە توبىنىڭ تەكسەرۋىنە قاتىناسقان 71 قالانىڭ ىشىندە، لوندون 17 – ورىنعا تابان تىرەگەن. مۇنان سىرت، تەكسەرۋ ناتيجەسىنە قاراعاندا، لوندوندىقتاردىڭ ەڭبەكاقىلى دەمالىسى جىلىنا ورتا ەسەپپەن 25 كۇن بولىپ، دۇنيە ءجۇزىنىڭ ورتاشا ورەسىنەن ەكى كۇن ارتىق.

    تەكسەرۋ ناتيجەسىنە قاراعاندا، پاريجدىقتاردىڭ اپتاسىنا قىزمەت ىستەۋ ۋاقىتى ەڭ از بولىپ، ورتا ەسەپپەن 30 ساعات 50 مينۋت بولعان، قىزمەت ىستەۋ ۋاقىتى ەڭ ۇزاق بولعان قالا ــ جۇڭگونىڭ شياڭگاڭ قالاسى بولىپ، ورتا ەسەپپەن اپتاسىنا 50 ساعاتقا جەتەدى ەكەن. شياڭگاڭ قالاسىنىڭ ەڭبەكاقىلى دەمالىس كۇنى جىلىنا ورتا ەسەپپەن تەك 17.2 كۇن عانا بولعان.

    شۆەتساريا بانكەسىنىڭ زەرتتەۋ كولەمى سەسترادان تارتىپ بانكەرگە دەيىن 15 ءتۇرلى كاسىپتى قامتىعان.

جاۋاپتى رەداكتور: بەرىك وقاباي ۇلى