رەسەي مەن ۋكراينا سوعىس تۇتقىندارىن اۋىستىردى

  • كەلۋ قاينارى: حالىق تورابى
  • 09:24:00 27/05/2016

    حالىق گازەتى، 26 – مامىر، بەيجيڭ. رەسەي كرەمل سارايى تورابى 25 – مامىردا پرەزيدەنت پۋتيننىڭ رەسەيگە تۇتقىن بولعان ۋكراينالىق ايەل ۇشقىش ساۆچەنكوعا ەرەكشە كەشىرىم جاساۋ تۋرالى بۇيرىعىن جاريالادى. رەسەي مەن ۋكراينا اراسىنداعى «تۇتقىن اۋىستىرۋ» ءىسى وسىمەن اقىرلاستى.

    رەسەي پرەزيدەنتىنىڭ اقپاراتقا جاۋاپتى حاتشىسى پەسكوۆتىڭ راستاۋىنشا، رەسەيلىك ەكى تۇتقىن اسكەردى وتىرعىزعان ۇشاق سول كۇنى ۋكراينادان ماسكەۋدىڭ ۆنۋكوۆ اۋەجايىنا جەتكەن، ساۆچەنكودا ۇشاقپەن كيەۆكە قايتقان. پەسكوۆتىڭ ايتۋىنشا، رەسەي پرەزيدەنتى سول كۇنى 2014 – جىلى رۋگانسكيدە قۇربان بولعان رەسەيلىك ەكى ءتىلشىنىڭ وتباسىنداعىلارمەن كەزدەسىپ، ولاردىڭ ساۆچەنكوعا ەرەكشە كەشىرىم جاساۋ ىسىنە دەگەن ادامگەرشىلىك تۇرعىسىنا راحىمەت ايتقان، ەرەكشە كەشىرىم ەتۋ بەكىمىنىڭ ەكى جاق اراسىنداعى جاۋلاسۋدى باسەيتىپ، وسى تەكتەس زياندى ىستەردىڭ تۋىلۋىنان ساقتاندىرۋعا پايدالى بولۋىن ءۇمىت ەتكەن.

    رەسەي دۋماسى ءتوراعاسىنىڭ ورىنباسارى، ەركىن دەموكراتتار پارتياسىنىڭ مۇشەسى لەبەد: ساۆچەنكوعا ەرەكشە كەشىرىم ەتۋ ءىسى رەسەيدىڭ ۇيلەسىمدى ۋاقىتتا جاساعان دۇرىس شەشىمى بولدى، ءارى بۇل رەسەيدىڭ باتىس ەلدەرىنىڭ رەسەيگە قاراتقان جازالاۋىن كۇشىنەن قالدىرۋىنا قاراي اتتاعان تاعى ءبىر قادامى بولىپ، رەسەي مەن ەۆروپا ەلدەرىنىڭ قارىم – قاتىناسىن جاقسارتۋعا پايدالى بولادى، - دەپ قارادى.

جاۋاپتى رەداكتور: بەرىك وقاباي ۇلى