ەۆروپا چەمپيوناتىندا لاڭكەستىك شابۋىل تۋدىرماق بولعان فرانسيالىق جىگىت ۋكراينا شەكاراسىندا ۇستالدى

  • كەلۋ قاينارى: حالىق تورابى
  • 12:04:11 07/06/2016

    حالىق تورابى، 7 – ماۋسىم، بەيجيڭ. ۋكراينا حاۋىپسىزدىك مەكەمەسى 6 – ماۋسىم كۇنى فرانسيالىق ءبىر جىگىتتى ۇستاعانىن جاريالادى، اتالعان جىگىتتە قىرۋار قارۋ – جاراق بار بولىپ، 2016 – جىلعى ەۆروپا چەمپيوناتى كەزىندە فرانسيا شەكاراسىندا لاڭكەستىك شابۋىل تۋدىرماق بولعان.

    ۋكراينا حاۋىپسىزدىك مەكەمەسىنىڭ باستىعى ۆاسيلي حەريشاكدىڭ ايتۋىنشا، سالاۋاتى بەلگىسىز فرانسيالىق بۇل جىگىت فرانسيانىڭ ءارقايسى جەرلەرىندەگى كوپىر، جوعارى قارقىندى تاسجول سياقتى نەگىزدىك قۇرىلعىلاردى پارتىلاتپاق بولعان، ول تاعى دا «مەشت، ەۆرەي شىركەۋى، باجى ورگانى، ساقشى مەكەمەسى قاتارلى باسقا جەرلەردى دە» پارتىلاتپاقشى بولىپ جوسپارلاعان.

    حەريشاك مەديالاردىڭ سۇحباتىن قابىلداعان كەزدە، اتالعان جىگىتتە «5 دانا AK47 مىلتىعى، 5000 دانا وق، تانكە اتاتىن ەكى قارۋ، 125 كيلوگرام TNT قوپارعىش ءدارى، 100 بىلتە، 20 بەت قالقالاعىش جانە باسقا دا زاتتار» بار ەكەنىن ايتقان.

    ۋكراينا حاۋىپسىزدىك مەكەمەسى 21 – مامىر كۇنى اتالعان جىگىتتى ۋكراينانىڭ شەكاراسىنان پولشا شەكاراسىنا وتپەكشى بولعاندا ۇستاعان، ءبىراق 2015 – جىلى جەلتوقسان ايىنان باستاپ ۋكراينا حاۋىپسىزدىك مەكەمەسى بۇل ادامعا نازار سالا باستاعان، سول كەزدە اتالعان جىگىت ەرىكتىلەر قىزمەتىن سىلتاۋ ەتىپ ۋكراينا شەكاراسىنا كىرگەن، امالياتتا ول ۋكراينا شەكاراسىنداعى قارۋلى كۇشتەرمەن بايلانىس جاساپ، ولاردان قارۋ – جاراق، وق – ءدارى العان.

    قازىرگە بۇل جىگتتىڭ لاڭكەستەر ۇيىمىمەن قاتىناسى بار - جوقتىعى نەمەسە بۇل جولعى ارەكەتتىڭ تەك ونىڭ جەكە قيمىلى ەكەنى بەيمالىم. ءبىراق ۋكراينا حاۋىپسىزدىك مەكەمەسى اتالعان قىلمىس كۇماندىسىنىڭ «فرانسيا ۇكىمەتىنىڭ قونىس اۋدارۋشىلار مەن شەتەلدىك ازاماتتاردىڭ فرانسياعا قونىس تەبۋ ساياساتىنا، ءىسلام دىنىنىڭ تارالۋى مەن جاھاندانۋىنا نارازى ەكەنىن» ءارى «ءوزىنىڭ لاڭكەستىك شابۋىل تۋدىرىپ نارازىلىعىن بىلدىرمەكشى بولعانىن مويىنداعانىن» مالىمدەگەن.

جاۋاپتى رەداكتور: بەرىك وقاباي ۇلى