رەسەي مەن تۇركيا قارىم – قاتىناسىندا بۇرىلىس تۋىلۋى مۇمكىن

  • كەلۋ قاينارى: حالىق تورابى
  • 11:04:56 16/06/2016

   ەردوعان رەسەيدىڭ مەملەكەت مەرەكەسىن قۇتتىقتاۋ بايلانىسىمەن پۋتينگە حات جولدادى

 

    تۇركيا ءمانساپتىسىنىڭ 14 – ماۋسىمدا راستاۋىنشا، تۇركيا پرەزيدەنتى ەرەجەپ تايىپ ەردوعان نەشە كۇننىڭ الدىندا رەسەي پرەزيدەنتى ۆلاديمير پۋتينگە رەسەيدىڭ مەملەكەت مەرەكەسى بايلانىسىمەن قۇتتىقتاۋ حاتىن جولداعان.

    12 – ماۋسىم ــ رەسەيدىڭ مەملەكەت مەرەكەسى. 1990 – جىلى 12 – ماۋسىمدا رەسەي سوۆەتتىك فەدەراتسيالىق سوتسياليستىك رەسپۋبليكاسىنىڭ ءبىرىنشى رەتكى حالىق قۇرىلتايىندا مەملەكەتتىڭ ەگەمەندىگى جاريالانىپ، سول كۇن رەسەيدىڭ مەملەكەت مەرەكەسى ەتىپ بەكىتىلگەن، 2002 – جىلدان بەرى «رەسەي كۇنى» دەپ اتالىپ كەلەدى.

    فرانسيا اقپارات اگەنتتىگىنىڭ تۇركيا ءمانساپتىسىنىڭ سوزىنەن سيتات كەلتىرە حابارلاۋىنشا، تۇركيا پرەزيدەنتى ەردوعان راسىندا پۋتينگە حات جازعان.

    بۇل ءمانساپتى: اقپارات قۇرالدارىنىڭ حابارى راس، پرەزيدەنت رەسەيدىڭ مەملەكەت مەرەكەسى بايلانىسىمەن رەسەي پرەزيدەنتى ۆلاديمير پۋتينعا حات جازعان، - دەيدى.

    رەيتەر اگەنتتىگىنىڭ تۇركيا پرەزيدەنت سارايىنداعى «ساققۇلاقتاردىڭ» سوزىنەن سيتات كەلتىرە وتىرىپ حابارلاۋىنشا، ەردوعان حاتىندا رەسەيمەن قارىم – قاتىناستى جاقسارتۋدى ءۇمىت ەتەتىنىن بايانداعان.

    مۇنان سىرت، تۇركيا اقپارات قۇرالدارىنڭ حابارلاۋىنشا، تۇركيانىڭ جاڭا كەزەكتى پرەمەر – مينيسترى بينالي ەردىلىم دە رەسەي پرەمەر – مينيسترى ديميتري مەدۆەدەۆكە رەسەيدىڭ مەملەكەت مەرەكەسى بايلانىسىمەن قۇتتىقتاۋ حاتىن جولداعان.

جاۋاپتى رەداكتور: بەرىك وقاباي ۇلى