پولشالىقتار نازارىنداعى جۇڭگو ورايى

  • كەلۋ قاينارى: ىلە گازەتى
  • 03:52:16 21/06/2016

    2011 – جىلى ستراتەگيالىق سەرىكتەستىك قاتىناس ورناتقاننان بەرى جۇڭگو مەن پولشانىڭ ءتۇرلى سالاداعى ىنتىماقتاستىعى ۇزدىكسىز تەرەڭدەدى. جۇڭگو – ورتا، شىعىس ەۆروپا ەلدەرى ىنتىماقتاستىق (16 + 1 ىنتىماقتاستىعى) مەحانيزمى جانە «ءبىر بەلدەۋ، ءبىر جول» دارىپتەمەسى ەكى ەلدىڭ ىنتىماقتاستىعىن اناعۇرلىم كۇشەيتۋگە ءتيىمدى شارت – جاعداي جاراتتى.

    پولشانىڭ تالداۋ جاساۋشى قايراتكەرلەرى بىلاي دەپ قارادى: پولشا – جۇڭگو ىنتىماقتاستىعىنىڭ بولاشاعى كەڭ. پولشا ورايدى مىقتى يگەرىپ، جۇڭگومەن ساۋدا، وقۋ – اعارتۋ سياقتى جاقتاردا ىنتىماقتاستىقتى كۇشەيتىپ، پولشانىڭ دامۋىنا سەرپىن بەرۋى كەرەك.

    جۇڭگو – پولشا ىنتىماقتاستىعى جەدەل دامۋ ارناسىنا ءتۇستى

    پولشا جاڭا جۇڭگونى ەڭ ەرتە مويىنداعان ءارى ديپلوماتيالىق قاتىناس ورناتقان ەلدەردىڭ ءبىرى. سوڭعى جىلداردان بەرى ەكى ەلدىڭ قاتىناسى بارعان سايىن جيىلەپ، ەكى جاقتى ساۋدا كولەمى بارىنشا ارتتى. جۇڭگونىڭ پولشاداعى باس ەلشىسى شۇي جيان بىلاي دەدى: جۇڭگو مەن پولشا ستراتەگيالىق سەرىكتەستىك قاتىناس ورناتقاننان بەرى ەكى ەل قاتىناسى جەدەل دامۋ ارناسىنا ءتۇستى. 2015 – جىلى ەكى جاقتى ساۋدا سوماسى 17 ميلليارد 100 ميلليون امەريكا دوللارىنا جەتىپ، 2004 – جىلداعىدان 6 ەسە ارتتى.

    سوڭعى جىلداردان بەرى ەكى ەل جوعارى جىكتەگىلەرىنىڭ ءوزارا ساپارلارى جيىلەدى. 2015 – جىلى قاراشادا پولشانىڭ زۇڭتۇڭى دۋدا جۇڭگودا ساپاردا بولىپ، ەكى ەل باسشىلارى كەڭ كولەمدى ورتاق تانىمعا كەلىپ، جۇڭگو مەن پولشانىڭ ستراتەگيالىق سەرىكتەستىك قاتىناسىنىڭ دامۋ دەڭگەيىن جوعارىلاتۋعا كۇش سالدى.

    جۇڭگو مەن پولشانىڭ جەرگىلىكتى ورىندارىنىڭ ىنتىماقتاستىعى ەكى ەل ۇكىمەتتەرىنىڭ كوڭىل ءبولۋى جانە قولداۋى ارقىلى جەدەل دامۋ ارناسىنا ءتۇسىپ، ەكى ەل قاتىناسىن ىلگەرىلەتەتىن ماڭىزدى كۇشكە اينالدى. ەكى ەل جەرگىلىكتى ورىندارىنىڭ ىنتىماقتاستىق تابىستارى قوماقتى، ماسەلەن، جۇڭگونىڭ چىڭدۋ قالاسىنان پولشانىڭ روز قالاسىنا تىكە قاتىنايتىن پويەز 2013 – جىلى رەسىمي ىسكە قوسىلۋى جۇڭگٶ مەن پولشانىڭ ساۋدا ىستەرىن جەبەۋدە بەلسەندى رول اتقارۋمەن بىرگە، سىچۋان مەن روز ولكەسىنىڭ ىنتىماقتاستىعىن ىلگەرىلەتۋدەگى كوپىرگە اينالدى.

    جۇڭگو پولشانىڭ ورايىنا اينالدى

    ەكى ەل قارىم – قاتىناسىنىڭ جيىلەۋىنە ىلەسە، ەكى ەل اراسىنداعى تۇسىنىستىك تە بىرتىندەپ ارتتى. ۆارشاۆا قوعامدىق پسيحولوگيا ينستيتۋتىنىڭ شىعىس ازيا وركەنيەتىن زەرتتەۋ ورتالىعىنىڭ مەڭگەرۋشىسى كريستوۆ گاۆليكوۆسكي بىلاي دەدى: «سوڭعى جىلدارى پولشا باسشىسىنىڭ ازيا ەلدەرى جونىندەگى تۇسىنىگى بىرتىندەپ ارتىپ، ازيا ەلدەرىمەن قارىم – قاتىناستى دامىتۋعا، وتە – موتە، ەكونوميكاسى قارقىندى دامىپ وتىرعان جۇڭگومەن قارىم – قاتىناستى دامىتۋعا دەگەن ۇمتىلىسى ارتتى».

    ول بىلاي دەدى: جۇڭگو ەكونوميكاسىنىڭ دامۋى جاقسى بولۋ، جۇڭگونىڭ ىرىقتى تۇردە ورتا، شىعىس ەۆروپا ەلدەرىمەن ىنتىماقتاستىق ورىستەتۋى سەبەپتى كەزەكتە پولشادا جۇڭگوعا دەگەن قىزىعۋشىلىق كۇشەيىپ كەلەدى. «16 + 1 ىنتىماقتاستىق» مەحانيزمى قۇرىلىپ جانە «ءبىر بەلدەۋ، ءبىر جول» دارىپتەمەسى ورتاعا قويىلعاننان كەيىن جۇڭگٶ مەن پولشانىڭ قارىم – قاتىناسى ءتىپتى دە قويۋلاستى.

جاۋاپتى رەداكتور: جازيرا بولاتباي قىزى