سۋجۇقپاستىڭ سىرى

  • كەلۋ قاينارى: ىلە گازەتى
  • 09:17:00 31/08/2016

سول جولى سۋجۇقپاس وسىنىڭ الدىندا عانا وتكەن چارليز ديككەنستىڭ «جارلىنىڭ مەنشىكتى تابىس ۇقىعى» اتتى شىعارماسىمەن شاتاستىرىپ العانىن بايقاۋ قيىن ەمەس ەدى، «اۋزىنان ءسوزى، قوينىنان ءبوزى ءتۇسىپ» دەگەندەي ءبىر ساعاتتىق ساباعىن ءبىتىردى–اۋ ايتەۋىر، قوڭىراۋ شالىنعاندا بارىپ جان شاقىرعانداي بولعان ول كۇلبەتتەنىپ كلاستان شىقتى.

    ساباق تىڭداعانداردىڭ ىشىندە مەكتەپتىڭ وقۋ–وقىتۋعا جاۋاپتى باسشىسى مەن قالالىق وقۋ–اعارتۋ مەكەمەسىنىڭ ينسپەكتورى دا بار ەكەن، ولاردىڭ ءجۇرىپ بارا جاتىپ باس شايقاعاندارىن ءوز كوزىممەن كورىپ، سۋجۇقپاس مۇعالىم قالايدا وسى جولى سورلايدى–اۋ دەپ ءتۇيدىم. ءبىراق سۋجۇقپاستىڭ تىرەگى مىقتى بولعاسىن با؟ بۇل جولعى داۋىل ونى شارپىماق تۇگىل قىلشىعىن دا قيسايتا الماعان.

    سۋجۇقپاستىڭ ءبىر ەرەكشەلىگى _ وزىنەن شەنى جوعارىلاردىڭ الدىندا قۇرشا جورعالايتىن يبالىعى مەن مال سويۋ ونەرى بولاتىن، سول جىلدارى ول مەكتەپ مەڭگەرۋشىسىنىڭ كۇندەلىك جۇمىستارىنا قولعابىس ەتۋدەن، ايت–مەرەكە–مەيرامداردا قوي سويۋ، تاباق تارتۋ، مەيمان كۇتۋ جۇمىستارىنا دەيىن جاردەمدەسىپ زىر جۇگىرەتىن.

    سۋجۇقپاس وسى ونەرىنىڭ ارقاسىندا قوس مەكەندى جاندىكتەردەي، ودان ىعىسسا بۇدان شىعىپ، ول الماسسا بۇنى جاعالاپ دەگەندەي ءوز ەڭبەگىنىڭ يگىلىگىن كورىپ، كوپ جىلداردان بەرى اۋپىرىممەن جان ساقتاپ كەلگەن بولاتىن.

    ءبىر عاجابى، وسىنداي جانداردىڭ تاسى ورگە دومالايتىنىن كوپ جەردەن كوردىم. كەزىندە ءبىر ساعاتتىق ساباعىن جوندەپ وتە المايتىن سۋجۇقپاس بۇل كۇندەرى مۇعالىم دا، مەكتەپ باستىعى دا ەمەس، قايتا وقۋ–اعارتۋ مەكەمەسىنىڭ باستىعى بولعاندىعى ءسىزدى ويلاندىرماس پا؟

    «اقشاسى جوق تالانت _ ايرانسىز كۇبى، قاڭعىرلاۋى كوپ، قاڭسۋى وڭاي» زاماندا تالانتتىڭ كەيدە كادەگە جارامايتىن كەزدەرى دە بولاتىنى شىندىق، دەسە دە بۇنداي جاعداي ەندى قانشا جالعاسار دەيسىز، الدا «سۋ جۇقپاستاردىڭ» ىنىنە دە سۋ قۇيىلار، سول كۇندەردەن ءۇمىتتىمىز.

جاۋاپتى رەداكتور: جازيرا بولاتباي قىزى