اق مونشاق تاعىنعان ارايلى ىلە

  • كەلۋ قاينارى: ءتاڭىرتاۋ تورابى
  • 04:02:21 22/01/2017

 

     باعداۋلەت باتىربەك ۇلى فوتوسى.

    سۋلۋلىعىمەن، سىڭعىرلاعان بۇلاعىمەن، ورمان – توعايى، باۋ – باقشاسىمەن، الىپ اسقار تاۋ، دالاسىمەن جەر ءجانناتى اتالعان ىلەنىڭ ءتورت ماۋسىمى كىسىنى قايران قالدىرىپ، جاندى ەلىتەدى. وسى ءتورت ماۋسىم سايىن توتىداي تۇرلەنىپ تۇراتىن ىلەنىڭ قىس مەزگىلىندەگى اقپان، قاڭتار ايلارىنداعى كوركەم كورىنىسى ەرەكشە سەزىمگە بولەيدى.

    ىلەنىڭ كۇنەس، قاس، تەكەس وزەندەرىنىڭ توعىسقان جەرىن ءۇش بۇرىل دەپ اتايدى. قوسىلعاننان كەيىنگى ۇلكەن وزەندى ىلە وزەنى دەپ اتايدى. وزەننىڭ جاعاسى تابيعي ورمان توعايمەن كومكەرىلگەن بولىپ، وسى مەزگىلدەردە وزەن جاعالاۋىنداعى ورمان- توعاي اق مونشاق تاعىنىپ، كۇمىستەي اپپاق قىراۋ بۇرشىكتەرمەن كومكەرىلىپ، كۇن ساۋلەسى استىندا كوزدىڭ جاۋىن الادى. ماڭىنداعى ۇساق قاراسۋ بويلارى بۋسانىپ كونمەن شاعىلىسىپ جارقىرايدى.

    مىنە، وسىناۋ اق مونشاق تاعىنعان ىلەنىڭ ارايلى ولكەسى، اپپاق كەڭ دالا بەينە قيال قالاسىنىڭ ايناسى ىسپەتتى جانىڭىزدى ەلىتىپ، جۇرەگىڭىزگە شابىت سيلايدى.

جاۋاپتى رەداكتور: بەرىك وقاباي ۇلى