اۆتونوميالى رايون اۋىل - قىستاقتاردا قوس ءتىل بالالار باقشاسى قۇرىلىسىن ىلگەرىلەتۋ ءماجىلىسىن اشىپ، اۋىل - قىستاقتاردا ءتىلاشار اعارتۋىن جالپىلاستىرۋ سىندى تاريحي سيپاتتى نىسانالى مىندەتتى ءساتتى جۇزەگە اسىرۋعا شىنايى كەپىلدىك ەتۋدى تالاپ ەتتى

  • كەلۋ قاينارى: ىلە كەشى گازەتى
  • 09:17:01 13/03/2017

  «شينجياڭ گازەتىنىڭ» ناۋرىزدىڭ 2-كۇنگى حابارى. ناۋرىزدىڭ 2-كۇنى اۆتونوميالى رايوندىق پارتكوم اۋىل-قىستاقتاردا قوس ءتىل بالالار باقشاسى قۇرىلىسىن ىلگەرىلەتۋ ءماجىلىسىن اشىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ 2-رەتكى شينجياڭ قىزمەتى جونىندەگى اڭگىمە ءماجىلىسىندە جانە شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن، اۆتونوميالى رايوندىق 9-كەزەكتى پارتيا قۇرىلتايىنىڭ رۋحىن دايەكتى تياناقتاندىرىپ، اۋىل-قىستاقتاردا قوس ءتىل بالالار باقشاسى قۇرىلىسىن زور كۇشپەن ىلگەرىلەتىپ، اۋىل-قىستاقتاردا 3 جىلدىق ءتىلاشار اعارتۋىن جالپىلاستىرۋ سىندى تاريحي نىسانالى مىندەتتى ءساتتى ورىنداۋعا شىنايى كەپىلدىك ەتۋدى تالاپ ەتتى. اۆتونوميالى رايوندىق پارتكومنىڭ ورىنباسار شۋجيى، باس حاتشى، اۆتونوميالى رايوندىق پارتكوم وقۋ-اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق پارتكوم وقۋ-اعارتۋ قىزمەتى كوميتەتىنىڭ ورىنباسار شۋجيى ەركىن تۇنياز ءماجىلىستى باسقاردى.

    لي پىڭشين مىنالاردى اتاپ كورسەتتى: اۋىل-قىستاقتارداعى 3 جىلدىق ءتىلاشار اقىسىز قوس ءتىل اعارتۋ قىزمەتىن ورىستەتۋ __ اۆتونوميالى رايوندىق پارتكومنىڭ جالپى جاعدايدى كوزدە ۇستاپ، وسكەلەڭ ستراتەگيالىق تۇرعىدان جاساعان ماڭىزدى ورنالاستىرۋى. قىسقا عانا ەكى ايدان استام ۋاقىتتان بەرى، شينجياڭدا 5 مىڭ 453 بالا باقشاسى (ءتۇيىنى) شۇعىل قۇرىلىپ، 434 مىڭ 600 بالا بالا باقشاسىنا كىرىپ، شينجياڭ كولەمىندەگى بالا باقشاسىنداعى ورەندەر ءبىر ميلليوننان اسىپ، بالا باقشاسىنا قابىلداۋعا ءتيىستى بالانىڭ ءبارىن باقشاعا قابىلداۋ نىسانالى مىندەتى تابىستى ورىندالدى. ءىس جۇزىندىك اماليات اۆتونوميالى رايوندىق پارتكومنىڭ بۇل شەشىمىنىڭ ارقاسىندا ءار ۇلت حالقى ءۇشىن زور، يگى جۇمىستىڭ تىندىرىلىپ، بۇقارانى زور تيىمدىلىككە كەنەلتكەندىگىن، بۇدان بىلاي دا بۇل جۇمىستى تابىلجىماي، ويداعىداي اتقارۋدىڭ اسا قاجەتتىلىگىن دالەلدەدى. الداعى جەردە اۆتونوميالى رايونىمىزداعى جەر-جەر 2017-جىلدىق نىسانالى مىندەتتى ورىنداۋعا كۇش سالىپ، بارلىق نىسانالاردى بيىل تامىزدىڭ سوڭىنان بۇرىن تامامداپ، قىركۇيەكتەگى جاڭا وقۋ ماۋسىمىندا تولىق پايدالانۋعا بەرۋگە كەپىلدىك ەتۋى، مەملەكەت ءتىلى اعارتۋىن اۋىل-قىستاقتارداعى ءتىلاشار وقۋ-اعارتۋىنىڭ جالپى بارىسىنا ءسىڭىرىپ، وقىتۋشىلار قوسىنى قۇرىلىسىن نىعايتۋى، باسشىلىقتى شىنايى كۇشەيتىپ، پارتيانىڭ وقۋ-اعارتۋدا حالىققا تيىمدىلىك جاساۋ ساياساتىن شىنايى تياناقتاندىرۋى كەرەك. تەلەۆيزيا-تەلەفون ءماجىلىسى فورماسىندا اشىلعان بۇل رەتكى ماجىلىستە اۆتونوميالى رايوندىق وقۋ-اعارتۋ مەڭگەرمەسى شينجياڭنىڭ 2016-جىلعى اۋىل-قىستاقتارداعى ءتىلاشار قوس ءتىل اقىسىز اعارتۋ قىزمەتىنىڭ ىلگەرىلەتىلۋ جاعدايىنان ماجىلىسكە قاتىناسقانداردى حابارلاندىرىپ، اۆتونوميالى رايوندىق دامۋ، رەفورما كوميتەتى، قازىنا مەڭگەرمەسى، تۇرعىن ءۇي جانە قالا، اۋىل - قىستاق قۇرىلىسى مەڭگەرمەسى سىندى ورىنداردىڭ جاۋاپتىلارى لەبىز ءبىلدىردى. قاشقار، اقسۋ، تارباعاتاي ايماقتىق اكىمشىلىك مەكەمەسى قاتارلى ورىندار ءارقايسى بولىمشە ءماجىلىس الاڭدارىندا تاجريبە تانىستىردى. اۆتونوميالى رايوندىق حالىق ۇكىمەتى شينجياڭداعى 14 ايماقتىق (وبلىس، قالا) ۇكىمەتپەن نىسانالى جاۋاپكەرلىك حاتىنا قول قويىستى.

جاۋاپتى رەداكتور: جازيرا بولاتباي قىزى