وبلىسقا توتە قاراستى ورىنداردا 3 جاراتىلىستىق قورعاۋ رايونى مەملەكەت دارەجەلى قورعاۋ رايونى قاتارىنا ەنگىزىلدى

  • كەلۋ قاينارى: ىلە كەشى گازەتى
  • 09:23:36 13/03/2017

    ىلە شەتەن اعاشى، شينجياڭ قورعاس ءتورت اياقتى قۇرىلىق تاسباقاسى تىرشىلىك ەتەتىن مەملەكەت دارەجەلى جاراتىلىستىق قورعاۋ رايونىنىڭ 1 - مەرزىمدىك قۇرىلىسى بيىل باستالدى

 

    ءوز حابارىمىز. ناۋرىزدىڭ 1-كۇنى وبلىستىق ورمان شارۋاشىلىعى تاراۋلارىنان ۇعىسۋىمىزشا، بيىل وبلىسقا توتە قاراستى ورىندار ەكولوگيالىق ورتا قۇرىلىسى، بايلىق قاينارىن قورعاۋ، كاسىپ تۇرلەرىن دامىتۋ، ورمان شارۋاشىلىعىنداعى كىرىستى ارتتىرۋ جاقتارىندا تىڭ ىلگەرىلەۋشىلىككە قول جەتكىزگەن. بيىلعى ورمان شارۋاشىلىعى قىزمەتىندە جابايى وسىمدىكتەردى قورعاۋ مەن جاراتىلىستىق ورتا قۇرىلىسى بارشانىڭ نازارىن اۋدارعان. بيىل وبلىسقا توتە قاراستى ورىندار ىلە شەتەن اعاشى مەملەكەت دارەجەلى جاراتىلىستىق قورعاۋ رايونى مەن شينجياڭ قورعاس ءتورت اياقتى قۇرىلىق تاسباقاسى تىرشىلىك ەتەتىن مەملەكەت دارەجەلى جاراتىلىستىق قورعاۋ رايونىنىڭ 1-مەرزىمدىك قۇرىلىسىن باستاپ، موڭعۇلكۇرە ءتاڭىر تاۋى ارشا اعاشى جاراتىلىستىق قورعاۋ رايونى جانە نىلقى قاس وزەنى سازداۋىت جەر جاراتىلىستىق قورعاۋ رايونىنىڭ دارەجەسىن جوعارىلاتىپ، اۆتونوميالى رايون دارەجەلى جاراتىلىستىق قورعاۋ رايونى ەتىپ قۇرۋدىڭ سوڭعى قىزمەتىن تامامدايدى. مۇنىڭ ىشىندە ىلە شەتەن اعاشى مەملەكەت دارەجەلى جاراتىلىستىق قورعاۋ رايونى، شينجياڭ ءتورت اياقتى قۇرىلىق تاسباقاسى تىرشىلىك ەتەتىن مەملەكەت دارەجەلى جاراتىلىستىق قورعاۋ رايونىنىڭ 1-مەرزىمدىك قۇرىلىسى بارشانىڭ نازارىن اۋدارۋدا. وتكەن جىلى مەملەكەتتىك كەڭەس ىلە شەتەن اعاشى مەملەكەت دارەجەلى جاراتىلىستىق قورعاۋ رايونى، شينجياڭ قورعاس ءتورت اياقتى قۇرىلىق تاسباقاسى تىرشىلىك ەتەتىن مەملەكەت دارەجەلى جاراتىلىستىق قورعاۋ رايونىن قۇرۋدى بەكىتىپ، وبلىسقا توتە قاراستى ورىنداردا باتىس ءتاڭىر تاۋى مەملەكەت دارەجەلى جاراتىلىستىق قورعاۋ رايونىن قامتىعان 3 مەملەكەت دارەجەلى جاراتىلىستىق قورعاۋ رايونى قالىپتاستى. تىلگە تيەك ەتۋگە تاتيتىنى، ىلە اڭعارىنىڭ جابايى حايۋانات، جابايى وسىمدىك قاينارى وتە مول بولىپ، 363 ءتۇرلى جابايى حايۋانات بار، مۇنىڭ ىشىندە مەملەكەت جاعىنان ءتۇيىندى قورعاۋ وبيەكتى ەتىلگەندەرى 59 عا جەتىپ، جوعارى دارەجەلى وسىمدىك ءتۇرى 2 مىڭنان، ءدارى جاساۋعا ىستەتىلەتىن وسىمدىك ءتۇرى مىڭنان اسادى. وسىلايشا، وبلىسقا توتە قاراستى ورىندار ەكى ورىندا مەملەكەت دارەجەلى، 8 ورىندا اۆتونوميالى رايون دارەجەلى جابايى حايۋاناتتاردى جۇقپالى ىندەتتەن ساقتاۋ، تەكسەرۋ، باقىلاۋ پۋنكتىن قۇرىپ، وبلىسقا توتە قاراستى ورىنداردىڭ جابايى حايۋاناتتاردى جۇقپالى ىندەتتەن ساقتاۋ جانە تەجەۋ جۇيەسىن قالىپتاستىرىپ، ىندەتكە توتەپ بەرۋ جانە ودان ساقتانۋ قۋاتىن اناعۇرلىم جوعارىلاتتى.

    بۇدان تىس، وبلىسقا توتە قاراستى ورىندار ىلە اڭعارىندا ىركىلىسسىز ارنا قۇرىلىسىن اتقارىپ، ساپالى، كورىنىسى كوركەم، زالالسىز جاسىل القاپ قالىپتاستىرىپ، ساياحات، كورىنىس رايوندارىنىڭ ەكولوگيالىق ورتا قۇرىلىسىنىڭ جالپى دەڭگەيىن اناعۇرلىم جوعارىلاتىپ، بيىلدىڭ سوڭىنا دەيىن 283.7 كيلومەتر تاس جولدىڭ اينالاسىن، جالپى 20 مىڭ مۋ جەردى جاسىلداندىرۋدى جوسپارلادى. ىلە اڭعارىنداعى سازداۋىت جەر __ شينجياڭداعى باعالى ەكولوگيالىق بايلىقتىڭ ماڭىزدى قۇرامداس ءبولىمى بولىپ، جالپى اۋماعى 2 ميلليون 330 مىڭ مۋعا جەتىپ، وبلىسقا توتە قاراستى ورىندارداعى جالپى جەر اۋماعىنىڭ ٪2.76 ىن يەلەيدى. مۇنىڭ ىشىندە 2 ميلليون 90 مىڭ مۋ جەر قورعاۋ رايونى اۋماعىنا ەنگىزىلدى. بيىل ىلە وبلىسى شينجياڭ بويىنشا وزەن ارناسىن جۇيەلى جونگە سالۋدى الدىمەن اتقارىپ، ىلە اڭعارىنداعى سازداۋىت جەردى قورعاۋ تەبىنىن بارىنشا ارتتىرىپ، جاراتىلىستىق ورتانى قورعاۋ قىزمەتىن بارىنشا جاقسارتادى.

جاۋاپتى رەداكتور: جازيرا بولاتباي قىزى