بوساتۋ شارتىنا تولاتىن 31 مىڭ 527 قىلمىسكەر زاڭ بويىنشا بوساتىلدى

  • كەلۋ قاينارى: شينجياڭ زاڭ جانە تۇرمىس گازەتى
  • 04:04:23 17/03/2017

 

    جازا وتەپ جاتقان ءبىر ءبولىم قىلمىسكەرلەردى ەرەكشە كەشىرىممەن بولساتۋ - نەگىزگى زاڭداعى كەشىرىم ەتۋ ءتۇزىمى جارىققا شىققاننان بەرگى تۇڭعىش رەتكى جۇزەگە اسىرىلۋى. مەملەكەتتىك حالىق قۇرىلتايى تۇراقتى كوميتەتىنىڭ ەرەكشە كەشىرىم ەتۋ ۇيعارىمىمەن مەملەكەت ءتوراعاسىنىڭ ەرەكشە كەشىرىم ەتۋ جارلىعىنا ساي، بۇل رەت تومەندەگىدەي ءتورت تۇردەگى جازا اتقارىپ جاتقان قىلمىسكەرلەر ەرەكشە كەشىرىم ەتىپ قويا بەرىلگەن: ءبىرىنشى، جاپونعا قارسى توڭكەرىسكە، حالىق ازاتتىق توڭكەرىسىنە قاتىناسقاندار؛ ەكىنشى، جۇڭحۋا حالىق رەسپۋبليكاسى قۇرىلعاننان كەيىن مەملەكەتتىڭ بيلىگىن، حاۋىپسىزدىگىن جانە تەرريتوريا تۇتاستىعىن قورعاۋ ءۇشىن سىرتقى كۇشتەرمەن كۇرەس جۇرگىزۋگە قاتىناسقاندار؛ ءۇشىنشى، جاسى 75 جاسقا تولعان، اۋىر دارەجەدە مۇگەدەك بولىپ، تۇرمىسىن دەربەس قامداي المايتىندار؛ ءتورتىنشى، قىلمىس وتكىزگەن كەزدە 18 جاسقا تولماعان، ءۇش جىلدان تومەن مەرزىمدى قاماق جازاسى بەرىلگەن نەمەسە اسىپ قالعان جازا مەرزىمى 1 جىلدان تومەن بولعاندار.

    مەملەكەت بويىنشا جازا اتقارىپ جاتقان قىلمىسكەرلەردەن 31 مىڭ 527 ادام حالىق سوت مەكەمەسىنىڭ زاڭ بويىنشا كەسىم شىعارۋى ارقىلى ەرەكشە كەشىرىممەن قويا بەرىلدى. بۇنىڭ ىشىندە ءبىرىنشى تۇردەگى قىلمىسكەرلەردەن 50 ادام، ەكىنشى تۇردەگى قىلمىسكەرلەردەنءبىر مىڭ 428 ادام، ءۇشىنشى تۇردەگى قىلمىسكەرلەردەن 122 ادام، ءتورتىنشى تۇردەگى قىلمىسكەرلەردەن 29 مىڭ 927 ادام بولعان.

    ورتالىق پەن مەملەكەتتىك حالىق قۇرىلتايى تۇراقتى كوميتەتى وسى رەتكى ەرەكشە كەشىرىم ەتۋ قىزمەتىنە ايىرىقشا كوڭىل ءبولىپ، بۇل قىزمەتتى زاڭ بويىنشا قاتاڭ ورىستەتۋ، ءبىر ادامدى قاتە قويا بەرمەۋ، ءبىر ادامدى ەرەكشە كەشىرىم ەتۋدەن قالدىرىپ قويماۋعا كەپىلدىك ەتۋ ءۇشىن، ساياسي - زاڭداعى ءار قايسى ورگاندار جۇمىس ءبولىسىپ، جاۋاپتى بولۋ جونىندە تومەندەگىدەي التى ءتۇرلى قامالدى قاتاڭ ۇستاۋ جونىندە زاڭ بويىنشا ۇيعارىم جاسادى.

    ءبىرىنشى، تەكسەرىپ، پارىقتاندىرۋ قامالى. ءادىليا اكىمشىلىك تاراۋلارى، قوعام حاۋىپسىزدىگى تاراۋلارى مەن اسكەري قوسىننىڭ اماندىق قورعاۋ تاراۋلارى مەملەكەتتىڭ جەر - جەرىندەگى تۇرمە، قاماقحانادا جانە الەۋمەتتىك رايوندا جازا اتقارىپ جاتقان 2 ميلليون 350 مىڭ قىلمىسكەردىڭ احۋالىن قاداعالاي تەكسەرىپ، ولاردىڭ ارحيۆ ماتەريالدارىن، ۇكىمىن كورۋ، سالاۋاتىن انىقتاۋ سياقتى ماڭىزدى ينفورماتسيالارىنا تەكسەرۋ جۇرگىزگەن.

    ەكىنشى، تەكسەرىپ دالەل - ىسپات الۋ قامالى. قىلمىستىق ىستەر جازاسىن اتقارۋ ورگاندارى قىلمىسكەر تۇتقىندالۋدان بۇرىن تۇرعان قوسىن، قىزمەت ورىنى، قونىستانعان رايونى مەن قاتىستى تاراۋلارعا بارىپ اسىلگى ارحيۆ ماتەريالدارى مەن ءومىر بايان ەستەلىكتەرىن تەكسەرگەن. مەملەكەت بويىنشا تۇرمە جۇيەسىنىڭ ءوزى 2 مىڭ 500 دەن استام تەكسەرۋ گرۋپپاسىن شىعارىپ، 7 مىڭ 800 دەن استام مەكەمە - ورىنداردان ارالاپ جاعداي يەلەپ، 17 مىڭنان استام دالەل - ىسپات ماتەريالدارىن توپتاعان.

    ءۇشىنشى، حاۋىپ - قاتەردى باعالاۋ قامالى. قاتىستى تاراۋلار ءىشىنارا قىلمىسكەرلەردىڭ تۇرمەدەن شىققاننان كەيىن قوعامعا حاۋىپ جەتكىزۋ ىقتيمالدىعىنىڭ بار - جوقتىعىنا باعالاۋ الىپ بارىپ، كورىنىستە ەرەكشە كەشىرىم ەتۋ شارتىنا تولاتىنداي كورىنگەنمەن، ءالى دە قوعامعا قاتەر ءتوندىرۋ مۇمكىنشىلىگى بولعانداردىڭ قوعامعا شىعىپ كەتۋىنىڭ قاتاڭ الدىن الۋ شارالارىن ورىستەتۋ.

جاۋاپتى رەداكتور: گۇلدەن ماقسات قىزى