شي جينپيڭ مەن پۋتين جۇڭگو - رەسەي بيلىك باسىنداعى پارتيالارىنىڭ مەحانيزمدەنگەن اۋىس - كۇيىس قيمىلىنا قۇتتىقتاۋ حات جولدادى

  • كەلۋ قاينارى: ىلە گازەتى
  • 06:24:19 25/03/2017

    شينحۋا اگەنتتىگىنىڭ 23 - ناۋرىزدا رەسەيدىڭ قازان قالاسىنان بەرگەن حابارى. جۇڭگو - رەسەي بيلىك باسىنداعى پارتيالارىنىڭ تىلدەسۋ مەحانيزمىنىڭ 6 - ءماجىلىسى مەن جۇڭگو - رەسەي بيلىك باسىنداعى پارتيالارىنىڭ 5 - كەزەكتى تالقى مىنبەرى 23 - ناۋرىزدا رەسەيدىڭ قازان قالاسىندا ءوتتى. ج ك پ ورتالىق كوميتەتىنىڭ باس شۋجيى شي جينپيڭ مەن رەسەي فەدەراتسياسىنىڭ زۇڭتۇڭى پۋتين جەكە - جەكە قۇتتىقتاۋ حاتىن جولدادى.

    شي جينپيڭ قۇتتىقتاۋ حاتىندا ءماجىلىس پەن تالقى مىنبەرىنىڭ اشىلعاندىعىن قىزۋ قۇتتىقتادى. ول بىلاي دەپ اتاپ كورسەتتى: ستراتەگيالىق سەلبەستىك رۋح پەن بايىرعى دوستىق تانىمىنان جازباي، جۇڭگو مەن رەسەيدىڭ جاپپاي ستراتەگيالىق سەلبەستىك سەرىكتەستىك قاتىناسىن بۇلجىتپاي تەرەڭدەتۋ − پۋتين زۇڭتۇڭ ەكەۋىمىزدىڭ بىرلىككە كەلگەن ماڭىزدى ورتاق تانىمىمىز. جۇڭگو كوممۋنيستىك پارتياسى مەن «بىرلىككە كەلگەن رەسەي» پارتياسىنىڭ مەحانيزمدەنگەن ءجيى اۋىس - كۇيىستى ساقتاۋى ەكى پارتيانىڭ وزىندىك قۇرىلىسىن كۇشەيتۋدە، تاراپتاردىڭ ستراتەگيالىق سەنىمدىلىگىن نىعايتۋدا، ەكى ەلدىڭ ناقتى سەلبەستىگىن ىلگەرىلەتۋدە، دۇنيە ءجۇزىنىڭ بەيبىت دامۋىن قورعاۋدا بەلسەندى رول اتقاردى.

    شي جينپيڭ مىنانى باسا دارىپتەدى: 10 جىلعا جۋىق دامۋ ارقىلى جۇڭگو - رەسەي بيلىك باسىنداعى پارتيالارىنىڭ تىلدەسۋ مەحانيزمى ءماجىلىسى مەن جۇڭگو - رەسەي بيلىك باسىنداعى پارتيالارىنىڭ تالقى مىنبەرى ەكى پارتيانىڭ مەحانيزمدەنگەن اۋىس - كۇيىسىنىڭ ماڭىزدى دانەكەرىنە اينالدى. وسى رەتكى ءماجىلىس پەن تالقى مىنبەرى جەكە - جەكە «بيلىك باسىنداعى پارتيانىڭ وزىندىك قۇرىلىسىن كۇشەيتۋ جاڭا يدەياسى، جاڭا شاراسى» مەن «<ءبىر بەلدەۋ، ءبىر جول> جانە ەۆروپا - ازيا ەكونوميكالىق وداعى قۇرىلىسىن ۇشتاستىرۋ سەلبەستىگىندەگى جۇڭگو - رەسەي جەرگىلىكتى سەلبەستىگىن» تاقىرىپ ەتىپ، ەكى پارتيانىڭ يدەيا جاعىندا پىكىر اۋىستىرۋىنا تيىمدىلىك جاساپ، ەكى ەلدىڭ ءتىپتى جاقسى ناقتى سەلبەستىك جاساۋىن جەبەيدى.

    پۋتين قۇتتىقتاۋ حاتىندا بىلاي دەدى: رەسەي - جۇڭگو قاتىناسى بۇرىن - سوڭدى بولىپ كورىلمەگەن جوعارى دەڭگەيگە كوتەرىلىپ، بۇگىنگى دۇنيە جۇزىندەگى ءىرى ەلدەر اراسىنداعى ءوزارا سەنىمدىلىك سەلبەستىگىنىڭ ۇلگىسىنە اينالدى. ماسكەۋ مەن بەيجيڭ وڭىرلىك جانە الەمدىك كەلەلى ماسەلەلەردى شەشۋدە تىزە قوسا قۇلشىنىپ، حالىقارالىق ورنىقتىلىق پەن حاۋىپسىزدىكتى قورعاۋدىڭ شەشۋشى فاكتورىنا اينالدى. رەسەي - جۇڭگو بيلىك باسىنداعى پارتيالارىنىڭ اۋىس - كۇيىسى − ەكى ەلدىڭ جاپپاي ستراتەگيالىق سەلبەستىك سەرىكتەستىك قاتىناسىنىڭ ماڭىزدى قۇرامداس بولىگى. تاراپتار تىلدەسۋ جانە تالقى مىنبەرى جۇلگەسىندە زاڭ شىعارۋ جانە پارتيا قۇرىلىسى سالالارىندا اسا ناتيجەلى تاجىريبە اۋىستىردى ءارى تاراپتاردىڭ ءار سالاداعى ءوزارا پايدا جەتكىزۋ سەلبەستىك نىساندارىن بەلگىلەدى. وسى رەتكى ءماجىلىستىڭ جانە تالقى مىنبەرى قيمىلىنىڭ باي مازمۇندى، سۇبەلى ناتيجەلى وتەتىنىنە، رەسەي مەن جۇڭگو ەكى ەل حالقى اراسىنداعى ءوزارا تۇسىنىك پەن دوستىقتى اناعۇرلىم بەكەمدەۋگە ءتيىمدى بولاتىنىنا سەنەمىن.

جاۋاپتى رەداكتور: جازيرا بولاتباي قىزى