حابار–ماقالانىڭ جەتەكشى يدەياسى جونىندە

  • كەلۋ قاينارى: ىلە گازەتى
  • 06:52:45 25/03/2017

      ەركىن سۇلتانوۆ

 

    اقپاراتتىڭ جانى شىندىق. اقپارات ءارقاشان شىندىقتان اۋىتقي المايدى. شىندىقتان تايعان اقپاراتتى اقپارات دەۋگە بولمايدى. ويتكەنى ول پارتيانىڭ كەزەكتەگى جۇرگىزىلىپ وتىرعان ءتۇرلى باعىت–ساياساتتارىن ۇنامدى جاقتان ۇگىتتەپ، حالىققا مەملەكەتتىڭ ءتۇرلى زاڭ–ەرەجەلەرى مەن ءتيىمدى نۇسقاۋلارىن دەركەزىندە جەتكىزىپ وتىراتىن ماڭىزدى ۇگىت قۇرالى. سوندىقتان ءار دارەجەلى ۇگىت بولىمدەرىنىڭ ءارقايسى ورىنداعى اقپارات دانەكەرلەرىنە قويعان تالابى وتە اۋىر. اقپارات سالاسى باسقا سالاعا قاراعاندا شارپيتىن كولەمى كەڭ، ۇستاعان ورنى مەن رولى دا وتە جوعارى، ساياسي قىراعىلىعى كۇشتى ورىن. ول سەزگىرلىكتى، سەرگەكتىكتى، تاباندىلىقتى، اسىرەسە، جان–جاقتى جەتىلگەن ساياسي مايدانى بەرىك، تۋى ايقىن قابىلەتتى دارىن يەلەرىن قاجەت ەتەدى. ولاي بولسا وسىعان وراي اقپارات قىزمەتكەرلەرى نە ىستەۋى كەرەك؟ ولار وزدەرىنىڭ قوعامداعى ورنى مەن رولىن قالاي تانۋى كەرەك؟ جاڭا داۋىردەگى اقپارات قىزمەتىنىڭ تالابى نە؟ ۇگىت قىزمەتى مەن اقپارات قىزمەتىنىڭ مىندەتى نە؟ دەگەن سۇراۋلار ۇستىندە ءوزىمنىڭ ويعا تۇيگەندەرىمدى ورتاعا سالماقپىن.

    1. ءبىز اقپارات قىزمەتىنىڭ ماڭىزدىلىعىن جەتە تانىپ، اقپارات قىزمەتىن جاقسى ىستەۋدەگى داڭق سەزىمىمىز بەن جاۋاپكەرلىك سەزىمىمىزدى جوعارىلاتۋىمىز ءتيىس. اقپارات قىزمەتى– ۇگىت قىزمەتىمىزدەگى ماڭىزدى بۋىن. اقپارات شەبى–ءبىزدىڭ كۇندەلىكتى جۇرگىزىلىپ وتىرعان جۇمىسىمىزداعى ماڭىزدى شەپ. بۇل ەكەۋى پارتيا قىزمەتىندە ەجەلدەن بەرى توتەنشە ماڭىزدى ورىندى ۇستاپ كەلەدى. بۇل ءبىزدىڭ نىسانانى ىسكە اسىرۋ جولىندا تىنباي قۇلشىنىس جاساۋىمىزعا، حالىقتى جۇمىلدىرۋداعى، ۇيىمداستىرۋداعى، تاربيەلەۋدەگى، جىگەرلەندىرۋدەگى جاماعات پىكىرىندىك شەبىمىز بولىپ تابىلادى. بۇل قىزمەتتى ويداعىداي يگەرۋدىڭ سوتسياليستىك وسىزامانداندىرۋدى العا ىلگەرىلەتۋدە توتەنشە كەلەلى ماڭىزى بار. سوندىقتان اقپارات قىزمەتى پارتيا مەن حالىقتىڭ ءىسىن ۇگىتتەۋدە كەم بولسا بولمايتىن ماڭىزدى قىزمەت. مۇنىڭ ماڭىزدىلىعىن مىنا جاقتاردان تۇسىندىرۋگە بولادى. ءبىرىنشى، اقپارات قىزمەتى پارتيانىڭ ءتىلى، حالىقتىڭ كوز–قۇلاعى. ول ءتىل بولىپ وتىرعان ەكەن، پارتيا مەن ۇكىمەتتىڭ قۋاتتامالارىن حالىققا دەركەزىندە جەتكىزۋ، پارتيانىڭ باعىت–ساياساتتارىن دايەكتى تياناقتاندىرۋ رولىن اتقارادى. مۇندا يدەيالىق جاقتا شىندىقتى ءىس جۇزىنەن ىزدەۋ، ساياسي جاقتا پارتيا ورتالىق كوميتەتىمەن ءبىر اۋىزدىلىقتى ساقتاۋ، ۇيىمدىق جاقتا پارتيا باسشىلىعىنا تاباندى بولۋ تالاپ ەتىلەدى. ەكىنشى، اقپارات قىزمەتى–پارتيانىڭ حالىق بۇقاراسىمەن بولعان بايلانىسىن قويۋلاتۋداعى التىن كوپىر. ول حالىق بۇقاراسىنىڭ تىلەگىن، تالابىن، ءۇنىن جەتكىزۋ مىندەتىن ءوز ۇستىنە الىپ، جوعارىنىڭ جاعدايىن تومەنگە، تومەننىڭ جاعدايىن جوعارىعا جەتكىزۋ رولىن اتقارادى. ءۇشىنشى، اقپارات قىزمەتى _ ىشكى–سىرتقى حابارلاردى (ينفورماتسيالاردى) حالىققا دەركەزىندە جەتكىزەتىن قۇرال. ول ينفورماتسيا ارقىلى حالىقتىڭ اڭساعان قاجەتىن قاناعاتتاندىرا الادى ءارى ەكونوميكالىق قىزمەتتىڭ دامۋىنا دا تىكەلەي دەم بەرۋ رولىن اتقارادى. ءتورتىنشى، اقپارات شەبى–يدەيالىق–ساياسي قىزمەتتەگى ماڭىزدى بۋىن. ول بەلەڭ بەرگەن بۇرىس نىسايلاردى دەركەزىندە تۇزەتىپ، يدەيانى ازات ەتىپ، تانىمدى بىرلىككە كەلتىرىپ، بۇقارانىڭ ساياسي قىراعىلىعىن ارتتىرىپ، العا ۇمتىلۋعا جىگەرلەندىرىپ، ءار الۋان قىزمەتتىڭ ءساتتى، اقاۋسىز جۇرگىزىلۋىن قامتاماسىز ەتۋ رولىن اتقارادى.

جاۋاپتى رەداكتور: جازيرا بولاتباي قىزى