حاۋىپسىزدىك القالار كەڭەسى ءار قايسى ەلدى ادامزات تاعدىرىنىڭ ورتاق تۇلعاسىن قالىپتاستىرۋعا ۇندەدى

  • كەلۋ قاينارى: ىلە كەشى گازەتى
  • 10:40:09 28/03/2017

    ب م ۇ نىڭ حاۋىپسىزدىك القالار كەڭەسى ناۋرىزدىڭ 17 – كۇنى 15 داۋىستىڭ قولداۋىمەن، اۋعانستان ماسەلەسى جونىندەگى 2344 – ءنومىرلى قاۋلىنى ماقۇلداپ، حالىقارالىق قوعامنىڭ اۋعانستانعا كومەكتەسۋدە ورتاق تانىم قالىپتاستىرىپ، «ءبىر بەلدەۋ، ءبىر جول» قۇرىلىسىندا وڭىرلىك ەكونوميكالىق سەلبەستىكتى كۇشەيتۋگە ۇندەپ، ءار قايسى جاقتى «ءبىر بەلدەۋ، ءبىر جول» قۇرىلىسىندا حاۋىپسىزدىكتى قامتاماسىزداندىرۋ ورتاسىمەن قامداپ، ساياسي ستراتەگيالىق توعىسۋدى دامىتىپ، ءوزارا سايكەسۋ مەن سەلبەسۋدى كۇشەيتۋدى جەبەدى.

    قاۋلىدا مىنالار باسا دارىپتەلدى: ءوزارا سەلبەسۋ تانىمى بويىنشا رايوندار ارا سەلبەستىكتى ىلگەرىلەتىپ، اۋعانىستان جانە وڭىرلەر حاۋىپسىزدىگىن، ورىنىقتىلىق پەن دامۋدى باياندى ىلگەرىلەتىپ، ادامزات تاعدىرىنىڭ ورتاق تۇلعاسىن قالىپتاستىرۋ كەرەك.

    قاۋلى ماقۇلدانعاننان كەيىن، ەلىمىزدىڭ ب م ۇ – دا تۇراتىن تۇراقتى ۋاكىلى ليۋ جيە -ي اقپارات دانەكەرلەرىنە مىنانى ءبىلدىردى: بيىل قاڭتاردا شي جينپيڭ ءتوراعا ب م ۇ – نىڭ جەنەۆاداعى باس شتابىندا ماڭىزدى لەكسيا سويلەپ، ادامزات تاعدىرىنىڭ ورتاق تۇلعاسىن قالىپتاستىرۋ تانىمىن تەرەڭ ءتۇسىندىرىپ، دۇنيە ءجۇزىنىڭ بەيبىتشىلىگى مەن ادامزات وركەنيەتىنىڭ اياق الىسىن ىلگەرىلەتۋدىڭ جۇڭگو جوباسىن ورتاعا قويدى. حاۋىپسىزدىك القالار كەڭەسى وسى رەت ماقۇلداعان 2344 – ءنومىرلى قاۋلى تۇڭعىش رەت «ادامزات تاعدىرىنىڭ ورتاق تۇلعاسىن قالىپتاستىرۋدا» ماڭىزدى تانىم ورناتىپ، حالىقارالىق قوعامنىڭ ورتاق تانىمىن ايگىلەپ، جۇڭگو تانىمى مەن جۇڭگو جوباسىنىڭ دۇنيە جۇزىنە قوسقان ماڭىزدى ۇلەسىن كورنەكتىلەندىردى.

    ەلىمىز ءارقايسى مۇشە ەلدەردىڭ حاۋىپسىزدىك القالار كەڭەسىنىڭ تالابىنا ساي، «ءبىر بەلدەۋ، ءبىر جول» قۇرىلىسىنا بەلسەندى ات سالىسىپ، ادامزات تاعدىرىنىڭ ورتاق تۇلعاسىن قالىپتاستىرۋدى ىلگەرىلەتۋدى ءۇمىت ەتتى.

جاۋاپتى رەداكتور: جازيرا بولاتباي قىزى