ستۋدەنت پارتيا مۇشەلەرى «اۆانگارد ۇلگى» بولۋى كەرەك

  • كەلۋ قاينارى: ىلە گازەتى
  • 03:57:18 19/04/2017

    

    حالىق گازەتىنىڭ ءتىلشىسى ديڭ ياسۇڭ

 

    تۇعىر مىقتى بولماسا تۋ جىعىلادى. ستۋدەنتتەر پارتيا ياچەيكاسى _ جوعارى مەكتەپتەگى نەگىزگى ساتى پارتيا ۇيىمى بولىپ، جاستارمەن تىعىز قارىم–قاتىناس جاساۋعا بولاتىن ۇيىم دەۋگە دە بولادى. ساندىق مالىمەتتەردە كورسەتىلۋىنشە، بىلتىر ماۋسىمعا دەيىن بۇكىل ەلىمىز بويىنشا جوعارى مەكتەپتەردەگى ستۋدەنت پارتيا مۇشەلەر سانى شامامەن 2 ميلليون 110 مىڭ بولىپ، بۇكىل ەلدەگى جوعارى مەكتەپ وقۋشىلار جالپى سانىنىڭ %7.7 ىن يەلەگەن، ستۋدەنتتەر پارتيا ياچەيكاسى 79 مىڭ 600 گە جەتكەن.

    سۋ باسىنان تۇنيدى دەگەندەي، ستۋدەنتتەردىڭ پارتياعا كىرۋ وتكەلىن قاتاڭ مەڭگەرىپ، ستۋدەنتتەر ياچەيكاسىنىڭ ۇيىمدىق تۇرمىسىن اقاۋسىزداندىرۋ، ستۋدەنتتەر پارتيا قۇرىلىسىن مىقتى يگەرۋ _ يدەيالىق ساياسي تاربيەنى مىقتى يگەرۋدەگى ءتۇيىن. 2016–جىلى ەلىمىز جوعارى مەكتەپتەردىڭ يدەيا–ساياسي قىزمەت ءماجىلىسىن اشىپ، ج ك پ ورتالىق كوميتەتى مەن مەملەكەتتىك كەڭەستىڭ «جاڭا جاعدايداعى جوعارى مەكتەپتەردىڭ يدەيا–ساياسي قىزمەتىن كۇشەيتۋ جانە جاقسارتۋ جونىندەگى پىكىردى» باسىپ تاراتۋى، «ادەتتەگى جوعارى مەكتەپ وقۋشىلارىنىڭ پارتيا قۇرىلىسى قىزمەت ولشەمىنىڭ» جاريالانۋى، ستۋدەنتتەر پارتيا ياچەيكاسى قۇرىلىسىن كۇشەيتىپ، نەگىزگى ساتى پارتيا ياچەيكاسىنىڭ جاۋىنگەر قورعاندىق رولىن ساۋلەلەندىرۋ _ جوعارى مەكتەپتەردىڭ يدەيا ساياسي قىزمەتىندەگى ماڭىزدى مازمۇنداردىڭ ءبىرى بولىپ كەلدى.

    قايتكەندە جوعارى ساپالى ستۋدەنت پارتيا مۇشەلەرىن باۋلۋعا، تاربيەلەۋگە بولادى؟ ستۋدەنتتەر پارتيا ۇيىمى قايتكەندە جاڭالىق جاراتۋ فورماسىنداعى قيمىلداردى ورىستەتە الادى؟ ستۋدەنت پارتيا مۇشەلەرى قايتكەندە جەتەكشىلىك، باستاماشىلىق رولدارىن ساۋلەلەندىرە الادى؟ بۇل ماسەلەلەر ءبىزدىڭ زەرتتەۋىمىزگە تاتيدى.

    پارتياعا مۇشە قابىلداۋ پرينسيبى: بىرەۋى پىسىپ–جەتىلسە بىرەۋىن قابىلداۋ.

    ۋنيۆەرسيتەتتە وقىپ جاتقان شاقتا «مەن ءوز ەركىممەن جۇڭگو كوممۋنيستىك پارتياسىنا كىردىم...» دەپ پارتيا تۋى استىندا سالتاناتتى سەرت بەرىپ، ناعىز پارتيا مۇشەسى بولۋ وپ–وڭاي قولعا كەلەتىن ءىس ەمەس.

    جىجياڭ ۋنيۆەرسيتەتىندە كانديدات پارتيا مۇشەلەرىن تاربيەلەۋدە تۇرلەر بويىنشا ءنومىر جيناقتاۋ ءتۇزىمى قولدانىلادى. توراپتا ۇيرەنۋ، ساباقحانادا ۇيرەنۋ، ارناۋلى دوكلاد بەرۋ، امالياتتىق قيمىل سىندى ۇيرەنۋدىڭ ءاربىر بۋىندارىنىڭ بارلىعىندا ءنومىر جيناقتاۋ فورماسىمەن باعالاۋ جۇرگىزىلەدى، ءاربىر كۋرسانت جيناقتاعان ءنومىر 10 نومىرگە تولعاندا عانا تولىمدىلىق كۋالىگىن الا الادى.

جاۋاپتى رەداكتور: گۇلدەن ماقسات قىزى