شينجياڭداعى جوعارى مەكتەپتەردە جاڭادان 29 تولىق كۋرس كاسىپ ءتۇرى كوبەيتىلدى

  • كەلۋ قاينارى: ىلە كەشى گازەتى
  • 11:40:57 19/04/2017

    ءساۋىردىڭ 10-كۇنى ءتىلشىنىڭ اۆتونوميالى رايوندىق وقۋ-اعارتۋ مەڭگەرمەسىنەن ۇعىسۋىنشا، مەملەكەتتىك وقۋ-اعارتۋ مينيسترلىگىنىڭ بەكىتىپ، ەستەلىككە الۋى ارقىلى شينجياڭداعى جوعارى مەكتەپتەر جاڭادان 29 تولىق كۋرس كاسىپ ءتۇرىن كوبەيتىپ، 3 تولىق كۋرس كاسىبىن كۇشىنەن قالدىرعان. جاڭادان كوبەيتىلگەن بۇل تولىق كۋرس كاسىبى تۇرلەرىنە بيىلدان باستاپ وقۋشى قابىلدانىپ، كاسىپ ءتۇرىنىڭ اتى، ۋاكىلدىك ءنومىرى، جىل شەكتەمەسى، عىلمي اتاق بەرىلەتىن كاسىپ تۇرلەرى بىردەي وقۋ-اعارتۋ مينيسترلىگى جاريالاعان مازمۇندى ولشەم ەتەدى ەكەن.

    جوعارى مەكتەپتەردىڭ كاسىپ تۇرلەرىن رەتتەۋدە قوعام دامۋىنىڭ دارىندىلارعا قاجەتىن قامتاماسىزداندىرۋ باستى ماقسات ەتىلگەن. بۇل رەت شينجياڭداعى 12 جوعارى مەكتەپ جاڭا كاسىپ تۇرلەرىن كوبەيتكەن. مۇنىڭ ىشىندە، شينجياڭ ۋنيۆەرسيتەتى كيىم-كەشەك جوبالاۋ كاسىبىن، شينجياڭ ينجەنەريا ينستيتۋتى ماتەماتيكا مەديا كوركەمونەرى كاسىبىن، شينجياڭ پەداگوگيكا ۋنيۆەرسيتەتى وردو ءتىلى كاسىبىن، شينجياڭ كوركەمونەر ينستيتۋتى كوركەمونەر وقۋ-اعارتۋى كاسىبىن، شينجياڭ اۋىل شارۋاشىلىق ۋنيۆەرسيتەتىنىڭ عىلىم-تەحنيكا ينستيتۋتى مۋزيكادان ونەر كورسەتۋ كاسىبىن، ىلە پەداگوگيكا ينستيتۋتى وسىمدىك قورعاۋ كاسىبىن، قاشقار ۋنيۆەرسيتەتى ازىق-تۇلىك ساپاسى جانە حاۋىپسىزدىگى كاسىبىن كوبەيتكەن. جاڭادان كوبەيتىلگەن بۇل كاسىپ تۇرلەرى كاسىپ تۇرلەرىنىڭ دامۋ بەتالىسىن جانە قوعامنىڭ دارىندىلارعا قاجەتىندەگى وزگەرىستى تولىق بەينەلەگەن. بۇدان تىس، شينجياڭ ۋنيۆەرسيتەتىندەگى بارلاۋ-جوبالاۋ تەحنيكاسى جانە ينجەنەرياسى، كيىم جوبالاۋ جانە تەحنولوگيا وقۋ-اعارتۋى، ەلەكتروندى ينفورماتسيا عىلىمى جانە تەحنيكا كاسىبى سياقتى 3 كاسىپ كۇشىنەن قالدىرىلعان. جوعارى مەكتەپتەردە جاڭادان كوبەيتىلگەن كاسىپ تۇرلەرىنىڭ مازمۇندىق قۇرىلىسىن قامتاماسىزداندىرىپ، وقۋشى قابىلداۋ اۋماعىن ۇيلەسىمدى تۇردە تەجەپ، دارىندى تاربيەلەۋدەگى ساپانى مىقتى يگەرۋ ءۇشىن، اۆتونوميالى رايوندىق وقۋ-اعارتۋ مەڭگەرمەسى ۇيلەسىمدى مەزگىلدە جاڭادان كوبەيتىلگەن كاسىپ تۇرلەرىن تەكسەرىپ، باعالاۋ جۇرگىزەدى ەكەن.

جاۋاپتى رەداكتور: جازيرا بولاتباي قىزى