كومپيۋتەر سالاسىنىڭ «نوبەل سيلىعى» تاراتىلدى

  • كەلۋ قاينارى: ىلە كەشى گازەتى
  • 11:52:00 19/04/2017

    ا ق ش كومپيۋتەر قوعامى جۋىردا «دۇنيە ينفورماتسيا تورابىنىڭ» تاپقىرلاۋشىسى جانە قۇرۋشىسى ۇلى بريتانيالىق كومپيۋتەر عالىمى، ماسساچۋسەتس شتاتتىق جاراتىلىستىق عىلىم جانە ونەركاسىپ ينستيتۋتىنىڭ پروفەسسورى تيم بيرنيرستىڭ (1955 – جىلى تۋىلعان) 2016 – جىلعى «تۋريڭ سيلىعىنا» قول جەتكىزگەنىن، سيلىق سوماسىنىڭ ءبىر ميلليون امەريكا دوللارى ەكەنىن جاريالادى.

    بارشاعا ءمالىم، « دۇنيە ينفورماتسيا تورابى» ادامزات تاريحىنداعى ەڭ تەرەڭ، ەڭ كەڭ تاراتۋ دانەكەرى بولىپ، جاھانداعى ادامداردى عالامتور تورابى ارقىلى بايلانىس جانە اۋىس – كۇيىس جاساۋ ورايىنا يە ەتكەن.

    ۇعىسۋعا قاراعاندا، «تۋريڭ سيلىعىن» ا ق ش كومپيۋتەر قوعامى 1966 – جىلى قۇرعان بولىپ، ارناۋلى كومپيۋتەر ىستەرى ءۇشىن ەرەكشە ۇلەس قوسقان جەكە تۇلعالارعا بەرىلەدى ەكەن. سوندىقتان بۇل سيلىق كومپيۋتەر سالاسىنداعى «نوبەل سيلىعى» دەپ تە اتالادى.

جاۋاپتى رەداكتور: جازيرا بولاتباي قىزى