باس شۋجيدىڭ ادەبيەت–كوركەمونەر تۋرالى ءسوزىن وقىعاننان كەيىن

  • كەلۋ قاينارى: ىلە گازەتى
  • 03:37:52 03/05/2017

    نۇرلان سارسەنبايەۆ

    

    باس شۋجي شي جينپيڭنىڭ 2014–جىلى 15–قازانداعى «ادەبيەت–كوركەمونەر قىزمەتى جونىندەگى اڭگىمە ماجىلىسىندە سويلەگەن ءسوزى» جۇڭگوداعى ءار ۇلت ادەبيەت–كوركەمونەر قايراتكەرلەرى اراسىندا ۇلكەن اڭىس قوزعاعان ەدى. باس شۋجيدىڭ بۇل ماڭىزدى ءسوزى «شينجياڭ گازەتىنىڭ» 2015–جىلعى 21–قازان كۇنگى سانىندا (ءۇش بەتكە تولىق بەرىلگەن) قازاق تىلىندە جاريالاندى. بۇل ۇلتىمىزدىڭ ادەبيەت–كوركەمونەر قىزمەتكەرلەرى، ادەبيەت–كوركەمونەرشىلەرى، زيالى قاۋىم، سونداي–اق بارشا وقىرمان اراسىندا قىزۋ تالقى قوزعادى.

    مەن قازاق ۇلتىنان شىققان قالامگەر رەتىندە باس شۋجي شي جينپيڭنىڭ بۇل ماڭىزدى بايانداماسىن بىرنەشە رەت قايتالاي وقىپ شىققاننان كەيىن قاتتى قايران قالدىم. قايران قالاتىنىم قولىما قالام ۇستاعان 30 جىلدان بەرى مەملەكەت باسشىسىنىڭ ادەبيەت–كوركەمونەر قىزمەتى جونىندەگى مۇنداي كەمەلدى دە جۇيەلى بايانداماسىن تۇڭعىش وقۋىم. ەندى ءبىر تاڭعالعانىم باس شۋجيدىڭ پاراساتتى ويلارى، ۇشان–تەڭىز ءبىلىمى مەن ونىڭ دۇنيەدەگى ايگىلى، عۇلاما ۇستازداردىڭ كىتابىن وقۋى بولدى. بۇل ماڭىزدى ءسوزدى مۇقيات زەر سالا قايتا–قايتا بىرنەشە رەت وقىپ شىقتىم. وقىپ بولىپ قاراپايىم قالامگەر رەتىندە باس شۋجيدىڭ پاراساتتى ويلارىنا قۇرمەتىم شەكسىز ارتتى. سونىمەن ءوزىمنىڭ شاما–شارقىما قاراي ودان العان اسەرىمدى قاعاز بەتىنە تۇسىرۋگە تىرىستىم.

    بۇل سوزدە جالپى 5 ۇلكەن ماسەلە ورتاعا قويىلىپ، جان–جاقتى مۇقيات تالداۋ جاسالعان. ول «ادەبيەت–كوركەمونەر ءىسى _ پارتيا مەن حالىقتىڭ ماڭىزدى ءىسى، ادەبيەت–كوركەمونەر مايدانى _ پارتيا مەن حالىقتىڭ ماڭىزدى مايدانى» دەدى. اسىرەسە، پارتيا 18–قۇرىلتايىنىڭ رۋحىن دايەكتى تياناقتاندىرۋدا، سوتسياليستىك وزەكتى قۇن كوزقاراسىن قالىپتاستىرۋدا، جۇڭحۋا ۇلتتارىنىڭ ۇلى گۇلدەنۋى مەن جۇڭگو ارمانىن جۇزەگە اسىرۋدا، وتاننىڭ، شينجياڭنىڭ، ىلەنىڭ قوعام ورنىقتىلىعى مەن باياندى تىنىشتىعىن ساقتاۋدا باس شۋجي شي جينپيڭنىڭ ادەبيەت–كوركەمونەر قىزمەتى جونىندە سويلەگەن ءسوزىنىڭ رۋحىن ىشكەرىلەي ۇيرەنۋ، تالداۋ جاساۋ، ونى زەرتتەۋ توتەنشە ماڭىزدى ءمان الادى.

    باس شۋجي شي جينپيڭ «مادەنيەت _ ۇلتتىڭ ءومىر ءسۇرۋى مەن دامۋىنىڭ ماڭىزدى كۇشى. ادامزات قوعامىنىڭ ءار رەتكى ورلەۋى، ادامزات وركەنيەتىنىڭ ءار رەتكى كوتەرىلۋى قاشان دا مادەنيەتتىڭ تاريحي ۇردىسىنەن ىرگە بولگەن ەمەس. جۇڭحۋا ۇلتىنىڭ وركەنيەت تاريحى 5 مىڭ جىلعا جەتەدى. تاياۋ زامانعا دەيىن جۇڭگو الەمدەگى كۇشتى ەلدەردىڭ ءبىرى بولىپ كەلگەن» دەدى. سونداي–اق ەجەلگى گرەكيادا ادامزات وركەنيەتىنە تەرەڭ ىقپال ەتكەن ميفتەر مەن مىسالدار، ءمۇسىن، ساۋلەت ونەرىنىڭ ومىرگە كەلۋى تۋرالى ءسوز قوزعاۋمەن بىرگە شەتەلدەگى ءار ەلدىڭ ونەر الەمىندەگى ۇلى ۇستازدار مەن ەلىمىزدەن شىققان ءبىر توپ ۇلى ويشىل، اتاقتى مادەنيەت قايراتكەرلەرىنىڭ ەسىمىن تىلگە الادى. وسىعان قاراپ باس شۋجيدىڭ دۇنيە وركەنيەتىنە دەن قويۋ، ءبىلىم ۇيرەنۋ جاعىنداعى ىزدەنىسىنىڭ تىم تەرەڭدە جاتقانىن بايقاۋعا بولادى.

    باس شۋجي شي جينپيڭ ءداۋىر ءۇمىتىن اقتايتىن تاڭداۋلى تۋىندىلار جاراتۋ تۋرالى توقتالا كەلىپ، «تاڭداۋلى ادەبيەت–كوركەمونەر تۋىندىلارى ءبىر مەملەكەتتىڭ، ءبىر ۇلتتىڭ مادەنيەت جاسامپازدىعى قابىلەتى مەن ورەسىن بەينەلەيدى. ادامداردى باۋراۋ، جەتەكتەۋ، ولارعا شابىت بەرۋ ءۇشىن، ءسوزجوق، جاقسى تۋىندى بولۋى، جۇڭحۋا مادەنيەتىنىڭ الەمگە بەت الۋى ءۇشىن دە، ءسوزجوق، جاقسى تۋىندى بولۋى كەرەك» دەدى. مىنە، بۇل باس شۋجيدىڭ تاڭداۋلى تۋىندى جاراتۋ جونىندە بىزگە قويعان تالابى.

جاۋاپتى رەداكتور: جازيرا بولاتباي قىزى