پارتياعا قالتقىسىز ادال تولىمدى پارتيا مۇشەسى بولايىق

  • كەلۋ قاينارى: ىلە گازەتى
  • 03:40:17 03/05/2017

    جاقيا قىدىرمىش ۇلى

    

    «ەكىنى ۇيرەنىپ، بىردە تولىمدى بولۋ» جانە «پارتياعا قالتقىسىز ادال بولۋ» بارلىق پارتيا مۇشەسىنىڭ بورىشى. ٴار دارەجەلى پارتكومدار مەن نەگىزگى ساتى پارتيا ۇيىمدارى بۇل جونىندەگى ۇيرەنۋ، ۇگىتتەۋ، تياناقتاندىرۋ قىزمەتىن ويداعىداي ىستەپ، نەگىزگى ساتىداعى پارتيا قۇرىلىسى ىستەرىندە تىڭ وزگەرىستەر بولدى. پارتيا ىشىندە ورىن تەپكەن كىناراتتار مەن كەلەڭسىز جايتتەر وزگەرتىلىپ، تاماشا تابىستارعا قول جەتتى. پارتيا مەن حالىقتىڭ ەتەنە تىعىز بايلانىسى ٴتىپتى دە قويۋلاپ، پارتيا مۇشەلەرىنىڭ بەلسەندى، العاباسار رولى ۇزدىكسىز كۇشەيگەن جاڭا جاعداي جارىققا شىقتى. ءسويتىپ نەگىزگى ساتى پارتيا ۇيىمدارىنىڭ قۇرىلىسى كۇشەيتىلىپ، قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن جۇزەگە اسىرۋعا تاماشا ۇيىمدىق نەگىز قالاندى. الايدا جاڭا جاعدايدا باس شۋجي شي جينپيڭدى ۇيتقى ەتكەن پارتيا ورتالىق كوميتەتىنىڭ پارتيانى قاتاڭ باسقارۋ تالابى جانە جۇڭگو كوممۋنيستىك پارتياسىنىڭ ۋستاۆىنداعى پارتيا مۇشەلەرىنىڭ، ءسوزسىز، ورىندايتىن بورىشتارىمەن سالىستىرساق ٴىشىنارا پارتيا مۇشەلەرىندە ءالى دە ورىن تەپكەن جەتەرسىزدىكتەر بار. بۇكىل ىنتا–پەيىلىمەن حالىق ءۇشىن قىزمەت ىستەمەيتىن، حالىقتىڭ قامىن جەمەيتىن، ٴوز قامىن كۇيتتەيتىن، پارتيا تارتىبىنە قايشىلىق جاساپ، پارتيانىڭ وبرازىنا داق ءتۇسىرىپ وتىرعان پارتيا مۇشەلەرى جوق ەمەس. كەيبىر پارتيا مۇشەلەرىنىڭ ساياسي تارتىپكە، ەكونوميكالىق تارتىپكە قايشى ءىس–ارەكەتتەرى ٴتارتىپ تەكسەرۋ كوميتەتتەرى جاعىنان تەكسەرىلىپ، تەكتەلىپ وتىر. پارتيا مۇشەسىنە جات مۇنداي بۇرىس نىسايلار جۇڭگو جۇمىسشى تابىنىڭ ۇزدىك قوسىنى جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى بولعان جۇڭگو كوممۋنيستىك پارتياسىنىڭ وبرازىنا نۇقسان جەتكىزدى. جۇڭگو كوممۋنيستىك پارتياسىنىڭ جۇڭگوداعى ءار ۇلت حالقىنىڭ مۇددەسىنەن باسقا ەشقانداي مۇددەسى جوق دەيتىن قاعيداعا قايشى. بۇكىل ىنتا–پەيىلمەن حالىق ءۇشىن قىزمەت ىستەۋ ەڭ سوڭىندا كوممۋنيزمدى جۈزەگە اسىرۋ سىندى پارتيامىزدىڭ اۋەلگى ماقساتىنا ۇيلەسپەيدى. سوندىقتان بارلىق پارتيا مۇشەلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنە تىعىز توپتاسىپ، پارتياعا قالتقىسىز ادال بولىپ، ساياسى ساپاسىن قۇلشىنا جوعارىلاتۋلارى، اتى زاتىنا ساي تولىمدى پارتيا مۇشەسى بولۋى ٴتيىس. بۇل ءۇشىن مىناداي بىرنەشە جاقتان قۇلشىنىس جاساۋ كەرەك دەپ ويلايمىن.

    ٴبىرىنشى، پارتيا مۇشەلەرى ەڭ الدىمەن جۇڭگو كوممۋنيستىك پارتياسىنا قالتقىسىز ادال بولىپ، پارتيا ۋستاۆىنداعى بورىشتارىن ويداعىداي ورىنداۋ كەرەك. پارتيا ۇيىمىنا مالىمدەۋگە ءتيىستى ىستەردى، ٴسوز جوق، مالىمدەۋ كەرەك. سولقىلداقتىق ىستەۋگە بولمايدى. پارتيانىڭ ىنتىماعى مەن بىرلىگىن قورعاۋ، پارتياعا قالتقىسىز ادال بولۋ، ءسوزى مەن ٴىسى بىردەي بولۋ، كورىنىستە قولداپ، كومەسكى دە قارسى تۇراتىن ەكى جۈزدىلىككە جانە قاسكۇنەمدىك ايلا–شارعى اتاۋلىنىڭ بارلىعىنا قارسى تۇرۋ كەرەك. پارتيا مۇشەلەرى ٴار ۋاقىت پارتيا ۋستاۆىنداعى وتەۋگە ٴتيىستى بورىشتارىن وتەگەن–وتەمەگەندىگىن قاداعالاپ وتىرۋلارى، ەگەر وتەمەي قالسا ونىڭ سەبەبىن انىقتاپ شىعىپ، ٴسوزسىز، بورىشىن وتەۋى كەرەك.

جاۋاپتى رەداكتور: جازيرا بولاتباي قىزى