پارتياعا قالتقىسىز ادال تولىمدى پارتيا مۇشەسى بولايىق

  • كەلۋ قاينارى: ىلە گازەتى
  • 03:40:17 03/05/2017

    ەكىنشى، پارتيا مۇشەلەرى ساياسى تانىمىن ۇزدىكسىز جوعارىلاتىپ، شينجياڭ قىزمەتىنىڭ باس نىساناسىن توڭىرەكتەي وتىرىپ، ءتۇرلى قىزمەتتى ىلگەرىلەتۋدىڭ باستاماشىسى بولۋى كەرەك. شينجياڭ قىزمەتىنىڭ باس نىساناسى − قوعام ورنىقتىلىعى مەن باياندى تىنىشتىق. بۇعان، ٴسوز جوق، بۇلجىماي تاباندى بولۋ، ونى قاز–قالپىندا دايەكتىلەندىرۋ، تياناقتاندىرۋ كەرەك. پارتيا مۇشەلەرى، ٴسوز جوق، باس نىسانانى باعدارلاما، وزەكتى مىندەت، كوزدەۋ ٴتۇيىنى جانە كۇش سالۋ ٴتۇيىنى ەتىپ، ورنىقتىلىق − قۇت، ورنىقسىزدىق − جۇت، ورنىقتىلىق ٴبارىن باسىپ تۇسەدى دەيتىن يدەيانى بەرىك ورناتۋ ءتيىس ٴارى يدەيانى، تانىمدى، اياق الىستى بىرلىككە كەلتىرىپ، شينجياڭنىڭ ٴتۇرلى قىزمەتىن، باس نىساناسىن تىعىز ارقاۋ ەتە وتىرىپ، جوسپارلى ىلگەرىلەتۋدىڭ باستاماشىسىنا اينالۋ كەرەك.

    ءۇشىنشى، پارتيا مۇشەلەرى زاڭ–تۇزىمدەردى مۇقيات ۇيرەنىپ، زاڭعا بويسۇنىپ، زاڭ بويىنشا ٴىس كورىپ، زاڭمەن باسقارۋ ونەگەسىنە اينالۋ كەرەك. مەملەكەتىمىز زاڭمەن باسقارىلاتىن مەملەكەت. زاڭ–ءتۈزىم قۇرىلىسى ۇزدىكسىز كەمەلدەنۋدە. كەزەكتە زاڭمەن باسقارىلاتىن شينجياڭ قۇرۋ قۇرىلىسىن ىشكەرىلەي تەرەڭدەتۋ كەزەك كۇتتىرمەيتىن ماڭىزدى مىندەتتەردىڭ ٴبىرى. ويتكەنى ول شينجياڭنىڭ قوعام ورنىقتىلىعى مەن باياندى تىنىشتىعىن جۈزەگە اسىرۋدىڭ ماندىك تالابى، شينجياڭداعى ٴار ۇلت حالقىنىڭ ءتۇپ مۇددەسىن جۇزەگە اسىرۋدىڭ وبيەكتيۆ قاجەتى، سونداي–اق شينجياڭنىڭ ەكونوميكاسى مەن قوعامدىق ىستەرىن دامىتۋدىڭ كەپىلى. باس نىسانانى توڭىرەكتەي وتىرىپ، قوعام ورنىقتىلىعىن قورعاپ، جاراسىمدىلىقتى جەبەۋ العى شارتى استىندا ەكونوميكانى دامىتۋ، حالىقتىڭ ءال–اۋقاتىن جاقسارتۋ ىستەرىندە پارتيا مۇشەلەرى وزدەرىنىڭ بەلسەندى رولىن تولىق ساۋلەلەندىرۋ كەرەك.

    جۇڭگو كوممۋنيستىك پارتياسىنىڭ ۋستاۆبىندا پارتيا مۇشەلەرىنىڭ پارتيا تارتىبىنە سانالى بويسۇنۋ، مەملەكەتتىڭ زاڭدارىنا، سانالى بويسۇنۋ بورىشى بار ەكەندىگى انىق ورتاعا قويىلعان. پارتيا مۇشەلەرى، ءسوزسىز، زاڭدى ۇيرەنۋ، ۇگىتتەۋ، اتقارۋ، قورعاۋ جاعىندا ۇلگى بولۋى كەرەك. سوندا عانا پارتيا ۋستاۆىنداعى ٴوزىنىڭ بورىشىن ورىنداعان تولىمدى پارتيا مۇشەسى بولا الادى.

    ٴتورتىنشى، پارتيا مۇشەلەرى ورىستەتىلىپ وتىرعان ءتۇرلى ارناۋلى قيمىلدارعا بەلسەنە اتسالىسىپ، ونى ءوزىنىڭ قىزمەتىمەن تىعىز ۇشتاستىرىپ، باستاماشى، ۇلگى بولۋى كەرەك. پارتيا مۇشەسى جۇڭگو جۇمىسشى تابىنىڭ كوممۋنيستىك ساناعا يە ۇزدىك جاۋىنگەرى، ادەتتەگى جاي بۇقارا ەمەس. سوندىقتان ولار ورتالىق، اۆتونوميالى رايون، وبلىس جانە ٴار دارەجەلى پارتكومدار جۇرگىزىپ وتىرعان ارناۋلى قيمىلدارعا شىنايى اتسالىسۋى جانى وعان بەلسەنە قاتىناسۋى شارت. ايتالىق، بىرنەشە جىلدان بەرى «پارتيا مۇشەلەرىنىڭ العاباسارلىعى» ۇيرەنۋ تاربيە قيمىلى، «بۇقارالىق لۋشيان تاربيەسى» قيمىلى، «ۇشتە شىنايى، ۇشتە قاتاڭ بولۋ» ۇيرەنۋ تاربيە قيمىلى، «ەكىنى ۇيرەنىپ، بىردە تولىمدى بولۋ» قيمىلى، «پارتياعا قالتقىسىز ادال بولۋ» تاربيە قيمىلى، «ۇلتتار ىنتىماعىنىڭ بەرەكەلى شاڭىراعى» قيمىلى سياقتى كوپتەگەن ۇيرەنۋ تاربيە قيمىلدارى ورىستەتىلدى. كەزەكتە «ەكىنى ۇيرەنىپ، بىردە تولىمدى بولۋ»، «پارتياعا قالتقىسىز ادال بولۋ»، «ءۇشتى ءسۇيىپ، ۇشكە قارسى تۇرۋ» قيمىلى رايونىمىز كولەمىندە جاپپاي ورىستەتىلۋدە. پارتيا مۇشەلەرى مىنە وسىنداي قيمىلدارعا اتسالىسۋى جانە تولىق قاتىناسۋى، سونىمەن بىرگە ساياسي ساناسىن جوعارىلاتۋ، پارتيالىق جاقتا شىڭدالىپ، ءوز بويىنان كىنارات بايقالسا تازالانىپ، ساپالىلانىپ، باس نىسانانى ورىنداۋعا ءوزىنىڭ ەسەلى ۇلەسىن قوسۋى كەرەك.

جاۋاپتى رەداكتور: جازيرا بولاتباي قىزى