داقىلداردى اڭىز اۋىستىرىپ ەگۋ جانە كىرىستىرىپ ەگۋ جونىندە

  • كەلۋ قاينارى: ىلە گازەتى
  • 09:25:05 13/05/2017

   بيىك ساباقتى داقىلدار مەن الاسا ساباقتى داقىلداردى كىرىستىرىپ ەگۋ. مىسالى، جۇگەرى مەن سويابۇرشاقتى، كوك بۇرشاقتى كىرىستىرىپ ەگۋگە بولادى. جۋان ساباقتى داقىلدار مەن جىڭىشكە ساباقتى داقىلداردى كوپ بۇتاقتى جايىلىپ وسەتىن داقىلدار مەن بۇتاقسىز نەمەسە از بۇتاقتى داقىلداردى كىرىستىرىپ ەگۋگە بولادى. مىسالى، جۇگەرى مەن كارتوپتى، ءتاتتى كارتوپ پەن قوناقتى كىرىستىرىپ ەككەندە اۋانىڭ الماسۋىنا، كۇن نۇرىنىڭ تۇسۋىنە پايدالى بولادى.

    جالپاق جاپىراقتى داقىلدار مەن ۇشكىل جاپىراقتى داقىلداردى كىرىستىرىپ ەگۋ. مۇنداي كىرىستىرىپ ەگۋ ءتاسىلى ءونىمدى ىلگەرى–كەيىندى جيناۋعا ءتيىمدى بولىپ، ءوسىپ–جەتىلۋدىڭ سوڭعى مەزگىلىندە نەگىزگى داقىلعا كۇن نۇرى تولىق تۇسەتىن بولادى. مىسالى، ءتاتتى كارتوپ، تۇيە بۇرشاق سياقتى جالپاق جاپىراقتى داقىلدارعا ءبيداي، جۇگەرى سياقتى ۇشكىل جاپىراقتى داقىلداردى كىرىستىرىپ ەگۋگە بولادى. نەگىزگى داقىل جاي پىساتىن بولۋى، قوسىمشا كىرىستىرىپ ەگىلگەن داقىل ەرتە پىساتىن بولۋى شارت. وسىلاي ىستەگەندە ءونىمدى ىلگەرىندى–كەيىندى جيناۋعا ءتيىمدى بولىپ، ءوسىپ–جەتىلۋدىڭ سوڭعى مەزگىلىندە داقىلعا كۇن نۇرى تولىق تۇسەدى دە ويداعىداي پىسىپ–جەتىلەدى.

    ەرتە پىساتىن داقىلدار مەن جاي پىساتىن داقىلداردى كىرىستىرىپ ەگۋ. مۇندا ەگىلگەن نەگىزگى داقىل جاي پىساتىن بولۋى، قوسىمشا كىرىستىرىپ ەگىلگەن داقىل ەرتە پىساتىن بولۋى شارت. وسىلاي ىستەگەندە ءونىمدى ىلگەرىندى–كەيىندى جيناۋعا ءتيىمدى بولىپ ءوسىپ–جەتىلۋدىڭ سوڭعى مەزگىلىندە نەگىزگى داقىلعا كۇن نۇرى تولىق تۇسەدى دە ويداعىداي پىسىپ–جەتىلەدى.

    تىك وسەتىن داقىلدار مەن جايىلىپ وسەتىن كوكونىستى كىرىستىرىپ ەگۋ. مىسالى، جۇگەرى مەن اسقاباقتى كىرىستىرىپ ەككەندە ءبىر–بىرىنە ەشقانداي اسەر جەتكىزبەيدى. بۇدان تىس، بيىك ساباقتى داقىلدار مەن ورالىپ وسەتىن كوكونىستى كىرىستىرىپ ەگۋگە بولادى. مىسالى، جۇگەرى مەن قياردى كىرىستىرىپ ەككەندە قياردا بولاتىن الاجاپىراق دەرتىنەن ساقتانۋمەن بىرگە، جۇگەرى ساباعىن قيار ورالىپ وسەتىن اعاش سورەسى رەتىندە پايدالانۋعا بولادى. ۇقساماعان داقىلداردى كىرىستىرىپ ەگۋ ءادىسىن ءارقايسى ەگىنشىلىك وڭىرلەر وزدەرىنىڭ جەرگىلىكتى جاعدايىنا قاراي قولدانسا بولادى، مىسالى، اۋا كليماتى، داقىل ءتۇرى، جەر ءتۇزىلىسى سياقتى ناقتى جاعدايعا قاراي قولدانۋ كەرەك. مۇندا، سول جەرگە كىرىستىرىپ ەگۋگە ۇيلەسەتىن داقىل تۇرلەرىن ويداعىداي تاڭداۋ ءتيىس. عىلمي نەگىزى جوق، ءىس جۇزىندىككە ۇيلەسپەيتىن كىرىستىرىپ ەگۋ ءتاسىلىن قولدانۋعا بولمايدى.

جاۋاپتى رەداكتور: جازيرا بولاتباي قىزى