شەتەلدەردەن 29 پرەزيدەنت، پرەمەر - مينيستر «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناساتىندارىن تۇراقتاندىردى

  • كەلۋ قاينارى: حالىق تورابى
  • 09:39:37 13/05/2017

   

    11 – مامىر، بەيجيڭ (ءتىلشى جاڭ حۇيجۇڭ). سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 11 – مامىردا وتكىزىلگەن كەزەكتى تىلشىلەردى قابىلداۋ ماجىلىسىندە تانىستىرىپ بىلاي دەدى: قازىرگە دەيىن شەتەلدەردەن 29 پرەزيدەنت، پرەمەر - مينيستردىڭ جانە ب م ۇ – نىڭ باس حاتشىسى قاتارلى 3 ماڭىزدى حالىقارالىق ۇيىم جاۋاپتىسىنىڭ «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ باسشىلار دوڭگەلەك ۇستەل ءماجىلىسى سياقتى قيمىلدارىنا قاتىناساتىنى ءمالىم بولدى.

    گىڭ شۋاڭ بىلاي دەدى: 130 دان استام مەملەكەتتەن ءار سالا بويىنشا 1500 گە جۋىق سيلى قوناق فورۋمعا رەسمي ۋاكىل رەتىندە قاتىناسادى، دۇنيە ءجۇزىنىڭ جەر – جەرىنەن 4 مىڭنان استام ءتىلشى وسى رەتكى فورۋمدى حابارلاۋعا تىزىمگە الىنعان، مۇنداي سالتاناتتى جاعداي بۇرىن بولماعان.

    وسى رەتكى فورۋمنىڭ مازمۇنى باي، نەگىزىنەن اشىلۋ سالتى، دوڭگەلەك ۇستەل ءماجىلىسى جانە جوعارى جىكتەگىلەردىڭ ءماجىلىسى سىندى 3 بولەكتى قامتيدى. مۇنىڭ ىشىندە 14 – مامىر تۇستەن بۇرىن ءتوراعا شي جينپيڭ اشىلۋ سالتىنا قاتىناسىپ ارقاۋ تاقىرىپتا لەكسيا جاسايدى، اشىلۋ سالتىنان كەيىن جوعارى جىكتەگىلەردىڭ جالپى ءماجىلىسى وتكىزىلەدى، 14 – مامىر تۇستەن كەيىن «بەستى توعىستىرۋدى»، اقىل – پاراسات قويماسى اۋىس – كۇيىسىن نەگىزگى تاقىرىپ ەتكەن 6 مايدان سالالاس نەگىزگى تاقىرىپ ءماجىلىسى وتكىزىلەدى؛ 15 – مامىردا ءتوراعا شي جينپيڭ دوڭگەلەك ۇستەل ءماجىلىسىن باسقارىپ اشادى، بۇل ەكى ساتىداعى ءماجىلىس پەن قىزمەت تۇسكى اسىن قامتيدى. ءتوراعا شي جينپيڭ وسىدان كەيىنگى تىلشىلەردى قابىلداۋ ماجىلىسىندە فورۋمنىڭ باستى تابىسىن تانىستىرادى.

جاۋاپتى رەداكتور: گۇلدەن ماقسات قىزى