جەمىس ءدامدى جۇگەرى تۇقىمىن ەگۋ تەحنيكاسى

  • كەلۋ قاينارى: ىلە گازەتى
  • 09:27:23 13/05/2017

    جەمىس ءدامدى جۇگەرى تۇقىمىنىڭ قانت مولشەرى جوعارى، كراحمال مولشەرى ادەتتەگى جۇگەرىدەن كورنەكتى تومەن بولىپ، ومىرشەڭدىك كۇشى دە سالىستىرمالى تۇردە تومەن بولادى. تۇقىمنىڭ ءسىڭىرىلۋ تەرەڭدىگى تالاپقا ساي بولماسا مايسانىڭ شىعۋىنا ىقپال جاسايدى دا مايسانىڭ بىركەلكى بولۋ–بولماۋى ءونىم مولشەرىمەن تىعىز قاتىستى بولادى. سوندىقتان جەمىس ءدامدى جۇگەرى تۇقىمىنىڭ ءسىڭىرىلۋ تەرەڭدىگى تالاپقا ساي بولۋى كەرەك، وسىلاي بولعاندا عانا تامىرى تەرەڭگە بويلاپ، جاپىرىلۋعا قارسىلىق قۋاتى كۇشتى بولادى.

    وڭتۇستىك شينجياڭ جەمىس ءدامدى جۇگەرىسىنىڭ ءونىم مولشەرىن جوعارىلاتىپ، ساپاسى مەن ءدامىنىڭ ءتىل ۇيىرۋىنە كەپىلدىك ەتۋ ءۇشىن تومەندەگى تۇيىندەرگە كوڭىل ءبولۋ كەرەك.

    جەمىس ءدامدى جۇگەرىنىڭ «تايلۇڭ _ 1» ءنومىرلى سورتىنىڭ تۇقىمىن اتىزدا سىڭىرگەندە تەرەڭدىگى 3 سانتيمەتر بولسا مايساسىنىڭ شىعۋى ءبىرشاما تەز بولادى، ءبىراق اياقتاۋى ءبىرشاما كەش بولىپ، شىعۋ مولشەرى تومەن بولادى. ال تەرەڭدىگى 6 سانتيمەتر بولسا مايسانىڭ شىعۋى جايىراق بولىپ، مايساسى بىركەلكى شىعىپ، شىعۋ مولشەرى جوعارى بولادى. وڭتۇستىك شينجياڭدا ەگىلەتىن جەمىس ءدامدى جۇگەرىنىڭ تۇقىمى وتە تەرەڭ نەمەسە وتە تاياز سىڭىرىلسە ءونىم مولشەرىنە ىقپال جاسايدى، سوندىقتان 6 سانتيمەتر تەرەڭدىكتە سىڭىرىلسە ەڭ ۇيلەسىمدى بولادى.

 

                                      حانزۋشادان اۋدارعان شۇعىلا لاشىن قىزى

جاۋاپتى رەداكتور: جازيرا بولاتباي قىزى