«ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ دوڭگەلەك ۇستەل باسشىلار ءماجىلىسى وتكىزىلدى

  • كەلۋ قاينارى: ىلە گازەتى
  • 03:30:08 17/05/2017

    

    ءماجىلىستى شي جينپيڭ باسقاردى ءارى ءسوز سويلەدى

    ساياساتتاردى سايكەستىرۋدى كۇشەيتىپ، دامۋ ستراتەگيالارىن ءتۇيىلىستىرىپ، ناقتى سەلبەستىكتى تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلىپ،

    «ءبىر بەلدەۋ، ءبىر جول» قۇرىلىسى سەلبەستىگىن بىرگە جەبەپ، تىنباي تىڭ ىلگەرىلەۋشىلىكتەرگە قول جەتكىزۋدى باسا دارىپتەدى

 

    شينحۋا اگەنتتىگىنىڭ 15-مامىردا بەيجيڭنەن بەرگەن حابارى. «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرى 15–مامىردا بەيجيڭدەگى يانشي كولى حالىقارالىق ءماجىلىس ورتالىعىندا دوڭگەلەك ۇستەل باسشىلار ءماجىلىسىن وتكىزدى. 30 مەملەكەتتىڭ باسشىسى جانە ب م ۇ–نىڭ، دۇنيە بانكەسىنىڭ، حالىقارالىق اقشا قورى ۇيىمىنىڭ جاۋاپتىلارى دوڭگەلەك ۇستەل باسشىلار ماجىلىسىنە قاتىناسىپ، «حالىقارالىق سەلبەستىكتى كۇشەيتىپ، <ءبىر بەلدەۋ، ءبىر جولدى> بىرگە قۇرىپ، تەڭ يگىلىككە كەنەلە دامۋ» اتتى باستى تاقىرىپتى ارقاۋ ەتىپ، دامۋ ستراتەگيالارىن ۇلاستىرۋ، ءوزارا بايلانىس جاساۋدى، توعىسۋدى العا ىلگەرىلەتۋ، گۋمانيتارلىق بارىس–كەلىستى جەبەۋ سياقتى تالقى تاقىرىپتارى جونىندە پىكىر اۋىستىرىپ، بىرىككەن مالىمدەمەنى ماقۇلدادى.

    ءماجىلىستى جۇڭگونىڭ مەملەكەت ءتوراعاسى شي جينپيڭ باسقاردى. جاڭ گاۋلي ماجىلىسكە قاتىناستى.

    جازعاسالىمعى يانشي كولى بويىندا الۋان گۇلدەر شەشەك اتىپ، توتىدايىن تۇرلەنىپ تۇر. بايىرعى جىبەك جولى گۇلدەنىپ–كوركەيگەن داۋىردەگى جۇڭگونىڭ حان، تاڭ ۇلگىسىندەگى قۇرىلىس ەرەكشەلىگىنە ساي جوبالانعان يانشي كولى حالىقارالىق ءماجىلىس ورتالىعى قوس قاناتىن جايعان قازدان اۋمايدى.

    تۇستەن بۇرىنعى ساعات 9دان 40 مينۋت مولشەرىندە، ماجىلىسكە قاتىناساتىن باسشىلار مەن حالىقارالىق ۇيىمداردىڭ جاۋاپتىلارى ىركەس–تىركەس كەلىپ جەتتى. شي جينپيڭ زالدا كوپشىلىكتى ىستىق ىقىلاسپەن قارسى الىپ، ءبىر–بىرلەپ قول الىسىپ امانداستى.

    تۇستەن بۇرىنعى ساعات 10دا شي جينپيڭ اعاش بالعا ۇرىپ، دوڭگەلەك ۇستەل باسشىلار ءماجىلىسىنىڭ باستالعاندىعىن جاريالادى.

    شي جينپيڭ ءماجىلىستىڭ باستالۋ سوزىندە بىلاي دەپ اتاپ كورسەتتى: ءار ەل ءبىر–بىرىنە سۇيەنگەن، الەمدىك سىن–سايىستار تولاسسىز تۋىلعان بۇگىنگى كۇندە، ءار ەل ءوزارا ساياساتتى ۇلاستىرۋى، دۇنيە جۇزىندە ەكونوميكالىق فاكتورلار مەن دامۋ بايلىعىن اناعۇرلىم كەڭ كولەمدە رەتتەۋى كەرەك، تەك سوندا عانا بىرىككەن كۇش قالىپتاستىرىپ، دۇنيە ءجۇزىنىڭ بەيبىتشىلىگىن، تىنىشتىعىن جەبەۋگە جانە بىرگە دامۋعا بولادى. مەن 2013-جىلى «ءبىر بەلدەۋ، ءبىر جول» دارىپتەمەمدى العا قويدىم، ونىڭ وزەكتى مازمۇنى نەگىزدىك قۇرىلعى قۇرىلىسى مەن ءوزارا بايلانىس جاساۋدى، توعىسۋدى جەبەۋ، ءار ەلدىڭ ساياساتى مەن دامۋ ستراتەگياسىن ۇلاستىرۋ، ناقتى سەلبەستىكتى تەرەڭدەتۋ، سايكەسە بىرگە دامۋدى جەبەۋ، بىرگە گۇلدەنىپ–كوركەيۋ.

جاۋاپتى رەداكتور: گۇلدەن ماقسات قىزى