عاسىرلىق ينجەنەريا ءار ەل حالقىنا باقىت جاراتاتىن بولسىن

  • كەلۋ قاينارى: حالىق تورابى
  • 04:17:28 17/05/2017

 

    ــ ءتوراعا شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ اشىلۋ سالتىنداعى لەكسياسىنا تالداۋ

 

    جىبەك جولى كەڭ دۇنيەنى تۇتاستىرىپ، داۋىرمەن قاتار جارىسىپ جۇرتشىلىقتى تىلەگىن توعىستىردى. جانعا جايلى مامىردا «ءبىر بەلدەۋ، ءبىر جول» حالىقارالىق سەلبەستىك فورۋمى بەيجيڭ قالاسىندا اشىلدى. ەكى كۇننەن بەرى جۇزدەن استام مەملەكەتتەن كەلگەن سيلى قوناقتار «ءبىر بەلدەۋ، ءبىر جول» قۇرىلىسىن ىلگەرىلەتۋ جونىندە ۇسىنىس – پىكىرلەرىن بەردى، ال بىلايعى جۇرتشىلىق جۇڭگو دارىپتەمەسىنىڭ بۇكىل دۇنيە جۇزىنە جانە ونداعى حالىقتارعا باقىت سيلاۋىن ارماندادى.

    «<ءبىر بەلدەۋ، ءبىر جول> قۇرىلىسى ۇلى جۇمىس بولىپ، ۇلى امالياتتى قاجەت ەتەدى». «<ءبىر بەلدەۋ، ءبىر جول> قۇرىلىسىن كوپشىلىك ورتاق اقىلداسادى، قۇرىلىس تابىسىنان دا كوپشىلىك ورتاق يگىلىكتەنەدى». ءتوراعا شي جينپيڭ حالىقارالىق سەلبەستىك فورۋمىنىڭ اشىلۋ سالتىنداعى لەكسياسىندا بايىرعى جىبەك جولىنىڭ مايەگى بولعان جىبەك جولى رۋحىن تەرەڭ پايىمداپ، «ءبىر بەلدەۋ، ءبىر جول» قۇرىلىسىنىڭ 4 جىلدان بەرگى تابىسىن جۇيەلى قورىتىندىلاپ، «ءبىر بەلدەۋ، ءبىر جولدىڭ» بەيبىت، گۇلدەنگەن، اشىق، جاڭاشىل، وركەنيەتتى كوركەم كارتيناسىن سىزىپ شىقتى. كەلەلى مانگە يە وسى لەكسيادا نازار الىسقا تاستالىپ، شىندىق ءىس جۇزىنەن ىزدەلدى، «ءبىر بەلدەۋ، ءبىر جول» قۇرىلىسىنا ايقىن باعدار، جول سىلتەپ، حالىقارالىق قوعام كەزەكتە ءدۇپ كەلىپ وتىرعان سالماقتى ماسەلەلەرگە جاۋاپ قايتاردى، ادامزات تاعدىرىنىڭ ورتاق تۇلعاسىن قالىپتاستىرۋدى بەرىك نەگىزبەن قامدادى، شىعىستاعى ىرگەلى الىپ ەلدىڭ يدەيالىق قۋاتى مەن ارەكەت كۇشى ايگىلەنىپ، دامۋ ۇستىندەگى ءبىر ىرگەلى ەلدىڭ الەم بەيبىتشىلىگى مەن دامۋىن جەدەلدەتۋدەگى جاۋاپكەرشىلىگى مەن مىندەتى ءپاش ەتىلدى.

    قارت قۇرلىق، شالقار تەڭىز. جاڭ چيان تۇلپار ءمىنىپ باتىس وڭىرگە بارسا، جىڭ حىنىڭ جەلكەندى كەمەلەرى تولقىن جارىپ تۇستىككە بەتالدى، شەكارا اتتاعان الىس ساپار بوتەن ۇلت، بوگدە وركەنيەت، باسقا دىنمەن توعىسىپ جاتتى .... ءبىزدىڭ اتا – بابالارىمىز ادام بالاسىنىڭ دوستىق بارىس – كەلىسىندەگى كوپىرلىك رولىن ساۋلەلەندىرىپ، وركەنيەتتەر توعىسىنىڭ تاريحي داستانىن جازىپ قالدىردى. مىڭ جىلدىق جىبەك جولى رۋحى ادامزات وركەنيەتىنىڭ باعالى قازىناسىنا اينالدى. ءتوراعا شي جينپيڭ لەكسياسىندا «بەيبىتشىلىك - سەلبەستىك، اشۋ – كەڭ بولۋ، ءوزارا ۇيرەنىپ – ءوزارا ۇلگى الۋ، ءوزارا پايدا جەتكىزىپ – ورتاق يگىلىكتەنۋ» سىندى جىبەك جولى رۋحىن اناعۇرلىم اشالاپ ءتۇسىندىردى، تاريح پەن اماليات بىزگە مىنانى ۇعىندىردى: ارامىز قانشالىقتى الىس بولعانىمەن، قايراتقا كەلسەك ا دەگەن قادامىمىزدى باسا الامىز، باعدارىمىزبەن ۇدىرە تارتۋعا تاباندى بولساق، سىرلاسىپ دوستاسا الاتىن، ورتاق داميتىن، باقىت پەن جاراسىمدىلىقتىڭ داڭعىل جولىنا تۇسە الامىز.

جاۋاپتى رەداكتور: گۇلدەن ماقسات قىزى