جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ ورتالىعىنان 300 - كەزەكتى پويەزى قاتىنادى

  • كەلۋ قاينارى: حالىق تورابى
  • 04:19:14 17/05/2017

   

    «ءبىر بەلدەۋ، ءبىر جول» دارىپتەمەسىنىڭ جەمىسى

 

    16 - مامىر كۇنى ساعات 12 دەن 10 مينۋت وتكەندە، پويەزدىڭ گۋدەگىمەن X9081 كەزەكتى جۇك پويەزى جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ ورتالىعىنان شىعىپ، قازاقستاننىڭ الماتى قالاسىنا اتتاندى. بۇل 2016 - جىلى مامىردا ىسكە قوسىلعاننان بەرى جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ ورتالىعىنان باتىسقا قاتىناعان 300 - كەزەكتى پويەز ەدى.

    ءۇرىمجى تەمىر جول مەكەمەسى «ءبىر بەلدەۋ، ءبىر جول» قۇرىلىسى مەن اشىق ەكونوميكانىڭ جاڭا ءتۇزىلىسىن ورناتۋدى استار ەتە وتىرىپ، وسىزاماندانعان جۇڭگو - ەۆروپا كەزەكشى پويەزدەرىنىڭ ءۇرىمجى شوعىرلاندىرۋ ورتالىعىن قۇرىپ، ەلىمىزدىڭ جەر - جەرىنەن كەلگەن ساۋداگەرلەرگە تۇتاس بارىستىق حالىقارالىق زات تاسىمالىمەن، زات اينالىمىمەن قىزمەت كورسەتىپ، جۇڭگو - ەۆروپا كەزەكشى پويەزدەرىمەن جانە ەلىمىزدىڭ جەر - جەرىندەگى زات اينالىمى كاسىپورىندارىمەن سەلبەستىكتى كۇشەيتىپ، باسىمدىقتارمەن ءبىر - ءبىرىن تولىقتايتىن، بولەك - سالاق زاتتاردى شوعىرلاندىرىپ جونەلتەتىن تيجارات ءتاسىلىن قالىپتاستىرىپ، تاسىمال ۇيىمىن ۇزبەي كۇشەيتىپ، كەزەكشى پويەزدەردى جونەلتۋ ءتاسىلىن جەدەل ارتتىرىپ، كەزەكشى پويەزدەردىڭ قاتىناۋ جيىلىگىن ۇزبەي كوبەيتىپ، باستاپقى اپتاسىنا ءبىر رەت، كۇنىنە ءبىر رەت قاتىناۋدان قازىر 2 كۇندە 3 رەت قاتىناۋعا مولايتىپ، ايتارلىقتاي دامۋ بەتالىسىن قالىپتاستىردى.

    قازىرءۇرىمجى تەمىر جول مەكەمەسى ۇيىمداستىرعان باتىسقا قاتىنايتىن حالىقارالىق جۇك تاسىمال كەزەكشى پويەزدەرىنىڭ كاسىپ اۋماعى شينجياڭنان تارتىپ بۇكىل ەلدى قامتىپ، شينجياڭدى تياناق ەتىپ، بۇكىل ەلگە قىزمەت كورسەتۋدىڭ شوعىرلاندىرۋ ءتۇيىنى رولىن كۇن سايىن كورنەكتىلەندىردى، جۇك ءتۇرى كۇندەلىكتى بۇيىمداردان ءوندىرىس اسپاپتارىنا دەيىن 200دەن استام تۇرگە جەتىپ، باتىسقا قاتىنايتىن كەزەكشى پويەز «ءبىر بەلدەۋ، ءبىر جول» بويىنداعى ەلدەر مەن ەۆروپاداعى ءار ەلگە «جۇڭگو جاساعان» تاۋارلاردى جەتكىزىپ قانا قويماي، ولاردىڭ جۇڭگو تاۋارلارىن ەكسپورت ەتۋىنە قولايلى تۇعىر ورناتىپ، جەلى بويىنداعى ەلدەردىڭ ءوزارا توعىسۋىن، ءوزارا بايلانىس جاساۋىن پارمەندى تۇردە ىلگەرىلەتتى.

جاۋاپتى رەداكتور: گۇلدەن ماقسات قىزى