نەگىزگى ساتى راديو حابارلارىنىڭ ساپاسىن جوعارىلاتۋ جونىندە

  • كەلۋ قاينارى: ىلە گازەتى
  • 02:48:05 18/05/2017

        نۇرداۋلەت شايمەن ۇلى

 

    تاراتىلۋ ارناسى – دىبىس بولعان راديونىڭ اقپارات سالاسىنداعى رولى ەرەكشە ماڭىزدى. راديو تەلەۆيزيا، گازەت – جۋرنال سياقتى اقپاراتتىڭ ورتاق نەگىزگى ەرەكشەلىكتەرىنە يە مەديا. باستى مىندەتى ـ پارتيا مەن ۇكىمەتتىڭ ۇگىت – ءناسيحاتىن ويداعىداي ىستەۋ. راديو باسقا اقپارات باسپا – ءسوز، مەديالارىمەن سالىستىرا ايتقاندا تارالۋى تەز، تارالۋ اۋماعى كەڭ بولۋداي دارالىق ەرەكشەلىككە يە. جۋىرداعى جىلداردان بەرى عىلىم – تەحنيكانىڭ دامۋىنا ىلەسە راديونىڭ جالعاپ تاراتۋ، ۋاعىندا، تەز تاراتۋى ىسكە اسىرىلىپ، حالىق بۇقاراسىن اقپار جانە جاڭالىقتارمەن قامداۋ نەگىزىنەن ورىندالدى. راديونىڭ ابزالدىلىعىنان تولىق پايدالانىپ، نەگىزگى ساتىدا تەز جازۋ، دەر كەزىندە ناق مايداننان حابارلاۋ سياقتى تىڭدارمانداردىڭ ەڭ باستى تالابىن قاناعاتتاندىرۋدى ىسكە اسىرىپ، راديو ارقىلى نەگىزگى ساتىداعى جاڭالىقتاردى حابارلاۋ قىزمەت شارت – جاعدايىن جاقسارتىپ، اۋىل – قىستاقتارداعى دۇرىس جاماعات پىكىرىنە جەتەكشىلىك ەتىپ، نەگىزگى ساتى راديو حابارلارىنىڭ ساپاسىن جاقسارتۋدا تومەندەگىدەي بىرنەشە ءتۇيىندى مىقتى يگەرۋ كەرەك.

    ءبىرىنشى، نەگىزگى ساتى اقپارات قىزمەتكەرلەرى اقپاراتتىق قوعامدىق پىكىر قىزمەتىنىڭ بورىشى مەن مىندەتىن ارقاۋلاعا تاباندى بولىپ، پارتيانىڭ اقپاراتتىق قوعامدىق پىكىر قىزمەتى تالابىن ەستە بەرىك ساقتاپ، دۇرىس جاماعات پىكىرىنە جەتەكشىلىك ەتىپ، راديونىڭ اقپارت ۇگىت سالاسىنداعى رولىن ساۋلەلەندىرۋ تانىمى ايقىن بولۋ كەرەك. نەگىزگى ساتى پارتيا، ۇكىمەتتىڭ ساياساتى تياناقتاتىن، حالىق ءۇشىن ناقتى جۇمىس ىستەيتىن ورىن. نەگىزگى ساتىدان حابارلايتىن اقپارات قىزمەتكەرى اقپاراتتىق ساياسي تانىمدى ايقىنداپ، ماركىستىك اقپاراتتىق كوزقاراسىنا تاباندى بولىپ، حابارلاۋدا اقپاراتتىق قوعامدىق پىكىر قىزمەتىنىڭ ورنىن پارتيا قىزمەتىنىڭ جالپى جاعدايى تۇرعىسىنان انىقتاپ، دۇرىس ساياسي باعىتتان جازباي، حالىقتى وزەك ەتىپ، ءادىس – امالداردى جاڭالاپ، پارتيانىڭ اقپاراتتىق قوعامدىق پىكىرىنىڭ تارالۋىنا، پارتيانى باسشىلىققا الۋعا، ۇنامدى جاقتان ۇگىتتەۋدى نەگىز ەتۋگە، ەل اۋانىن يگەرۋگە تاباندى بولۋ كەرەك.

    ەكىنشى، راديو حابارلارىنىڭ ساپاسىن جاقسارتۋدا، ءسوز جوق، يدەياعا، مازمۇنعا، جانرعا، فورماعا، قالىپقا، مازمۇنعا جاڭالىق ەنگىزىپ، قالىڭ حالىق بۇقاراسىنىڭ راديو اقپارتتىق قىزمەتى جانە حابارلار جونىندەگى كوزقاراسىن جاڭالاۋعا قۇلشىنۋ كەرەك. راديو حابار باعدارلارىنىڭ مازمۇنى مول، ساياسيلىعى، ۋاقىت سيپاتتىلىعى كۇشتى، جاماعات پىكىرىنە جەتەكشىلىك ەتۋ كولەمى كەڭ. سوندىقتان ديكتورلاردىڭ ادەمى داۋىسى ارقىلى تىڭدارماندارعا جاڭالىقتاردى دەر كەزىندە جەتكىزۋگە كەپىلدىك ەتىپ، جاماعاتتى جەكتەۋ، تاربيەلەۋ، اسەرلەندىرۋدەگى ماڭىزدى رولىن شىنايى ساۋلەلەندىرۋ كەرەك. راديو سيگنالىنىڭ تارالۋ اۋماعى كەڭ ءارى كۇشتى بولعاندىقتان ادەتتە شەكتەمەلىككە ۇشىرامايدى. تىڭدارمان قانداي ورىن، ورتادا دا تىڭداي الادى. سوندىقتان راديونىڭ وسى ابزالدىلعىنان ۇتىمدى پايدالانىپ، ۇگىت مەديالارى اراسىنداعى باسەكەدە ىرىقتى ورىنعا ءوتۋ، مازمۇن، فورمالىق جاقتان جاسامپازدىق جاراتۋدى يگەرۋ كەرەك.

 

جاۋاپتى رەداكتور: جازيرا بولاتباي قىزى