اۆتونوميالى رايوندىق حالىق ۇكىمەتىنىڭ پارتيا باسشىلىق گرۋپپاسى وزەكتى ۇيرەنۋ گرۋپپاسىنىڭ ۇيرەنۋىن ۇيىمداستىردى

  • كەلۋ قاينارى: ءتاڭىرتاۋ تورابى
  • 09:27:08 18/05/2017

 

    17 - مامىردا اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ شۋجيى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسى وزەكتى ۇيرەنۋ گرۋپپاسىنىڭ ۇيرەنۋىن باسقاردى. جيىندا باس شۋجي شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناسقاندا سويلەگەن ارقاۋ ءسوزى مەن ارناۋ ءسوزىن ۇيرەنىپ، اۆتونوميالى رايوندىق پارتكومنىڭ شۋجيى چىن چۋانگونىڭ جىبەك جولى ەكونوميكالىق بەلدەۋىندەگى شينجياڭنىڭ وزەكتى رايون قۇرىلىسىن جەدەل ىلگەرىلەتۋ جونىندە بەكىتپەسىن جەتكىزدى. «11 - مامىر» تاشقورعان تاجىك اۆتونوميالى اۋدانىنىڭ جەر سىلكىنىسىنە قاتىستى سىلكىنىسكە قارسى اتتانىپ، اپاتتان قۇتقارۋ قىزمەت جاعدايىنان جاسالعان مالىمەتتى تىڭداپ، اپاتتان كەيىن قايتا قۇرۋ قىزمەتىن اقىلداسىپ، ورنالاستىرىپ، «اۆتونوميالى رايوننىڭ <ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ەركىنە جىبەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ> رەفورما قىزمەتىن ىلگەرىلەتۋ پىكىرى»، «اۆتونوميالى رايوننىڭ لاس زاتتاردىڭ شىعارىلۋىن مەڭگەرۋ، رۇقسات ەتۋ ءتۇزىمىن اتقارۋ جوباسى» سياقتىلاردى اقىلداستى.

    جيىن مىنالاردى اتاپ كورسەتتى: باس شۋجي شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنە قاتىناسقاندا سويلەگەن ارقاۋ ءسوزى مەن ارناۋ ءسوزى تۇرعىسى بيىك، ۇزاق بولاشاقتى كوزدەگەن، اۋقىمدى يگەرىپ، تاريح پەن بۇگىندى جاپپاي ەسكەرگەن، جىبەك جولى رۋحىنىڭ ىشكى ءمانىن تەرەڭ ءتۇسىندىرىپ، «ءبىر بەلدەۋ، ءبىر جول» قۇرىلىسىنىڭ تابىستارىن جاپپاي قورىتىندىلاپ، «ءبىر بەلدەۋ، ءبىر جول» قۇرىلىسىنىڭ تاماشا بولاشاعى مەن العا باسۋ باعىتىن جوسپارلاعان، كىسىنى جەلپىندىرەدى جانە تاڭ قالدىرادى. شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە «ءبىر بەلدەۋ، ءبىر جول» قۇرىلىسىندا ەرەكشە ماڭىزدى ستراتەگيالىق ورىنعا يە، ىلۋدە ءبىر كەزىگەتىن تاريحي وراي الدىدا تۇر. چىن چۋانگو شۋجيدىڭ جىبەك جولى ەكونوميكالىق بەلدەۋىندەگى شينجياڭنىڭ وزەكتى رايون قۇرىلىسىن جەدەل ىلگەرىلەتۋ جونىندە بەكىتپەسى رايونىمىزدىڭ باس شۋجي شي جينپيڭنىڭ ارقاۋ ءسوزى مەن ارناۋ ءسوزىنىڭ رۋحىن مۇقيات دايەكتىلەندىرۋگە، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەل ىلگەرىلەتۋگە ءتىپتى جوعارى، تىڭ تالاپتار قويدى. جيىن مىنانى تالاپ ەتتى: باس شۋجي شي جينپيڭنىڭ ارقاۋ ءسوزى مەن ارناۋ ءسوزىنىڭ رۋحىن مۇقيات ۇيرەنىپ، تەرەڭ ءتۇسىنىپ، بەيبىتشىلىك جولى، گۇلدەنىپ - كوركەيۋ جولى، اشىق ۇستاۋ جولى، جاڭالىق اشۋ جولى، وركەنيەت جولى ەتىپ قۇرۋ تالابىنا ساي، جوسپارلاردى جاپپاي كەمەلدەندىرىپ، قىزمەتتەردىڭ تياناقتانۋىن مىقتاپ يگەرۋ كەرەك.

    جيىن مىنانى اتاپ كورسەتتى: 11 - مامىردا تاشقورعان اۋدانىندا جەر سىلكىنىسى تۋىلعاننان كەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى اپاتقا ۇشىراعان رايوننىڭ جاعدايىنا ەرەكشە كوڭىل ءبولىپ، نازار اۋداردى، ورتالىقتىڭ بىرنەشە باسشى جولداستارى سىلكىنىسكە قارسى اتتانىپ، اپاتتان قۇتقارۋ قىزمەتىنە ىلگەرىندى - كەيىندى ماڭىزدى بەكىپتە جازدى. اۆتونوميالى رايوندىق پارتكوم، ۇكىمەت شۇعىل جاعدايعا توتەپ بەرۋ ۇندەۋىن دەرەۋ ىسكە قوسىپ، بار كۇشپەن ادامداردى ىزدەستىرىپ، جارالىلاردى قۇتقاردى. قازىر اپاتقا ۇشىراعان رايونداعى بۇقارا ۇيلەسىمدى ورنالاستىرىلدى، اپاتقا ۇشىراعان رايوننىڭ قوعامدىق جاعدايى ورنىقتى، سىلكىنىسكە قارسى اتتانىپ، اپاتتان قۇتقارۋدىڭ سوڭعى قىزمەتتەرى ورنىقتى ىلگەرىلەتىلۋدە.

جاۋاپتى رەداكتور: جازيرا بولاتباي قىزى