كوكقامىردىڭ سۇلۋ كەلبەتى كوزدى تۇندىرادى

  • كەلۋ قاينارى: ءتاڭىرتاۋ تورابى
  • 08:21:37 08/06/2017

 

    باعداۋلەت باتىربەك ۇلى فوتوسى.

 

 

    قۇلجا اۋداننىڭ كوكقامىر جايلاۋى قۇلجا قالاسىنا ەڭ جاقىن ورنالاسقان جاسىل القاپتاردىڭ ءبىرى. جىرا- جىلعالاردان مولدىرەپ اققان تاس بۇلاقتار جاعاداعى الۋان گۇلدەرمەن سىر شەرتىسىپ، كوك اسپان، اقشا بۇلتتارمەن جاراسىم تاۋىپ، اق قالپاق كيگەن ماڭعاز تاۋلار الىستان ولارعا كوز تاستايدى.

    وسىنداي ءبىر سۋرەتتەي كورىنىس ۇلى تابيعاتتىڭ، كەڭ بايتاق ساحارانىڭ سىرعا تولى سۇلۋلىعىن ايگىلەپ تۇرسا، اناۋ كوك بەلدىڭ ءدال ۇستىنە كىشكەنتاي «جاسىل كول» جاراسىمىن تاۋىپ، ورنالاسىپتى. بۇل شاعىن كولدى كوپ ادامدار بىلە بەرمەيدى ەكەن. مۇنداعى شارۋالاردىڭ ايتۋىنشا، بۇل كولدىڭ تاعى ءبىر اتى «اراسان كول» دەپ اتالىپ كەتىپتى. ويتكەنى، بۇل كولدىڭ سۋى ادام دەنەسىندەگى الاپەس، قوتىر، جاراقات سياقتى تەرى كەسەلدەرى بار ادامدارعا ەم بولاتىن كورىنەدى.

جاۋاپتى رەداكتور: گۇلدەن ماقسات قىزى