جۇڭگو قوعامدىق عىلىمدار اكادەمياسى: ماركسيزم نازارياسى بازاسىن قۇرۋعا كۇش سالۋ كەرەك

  • كەلۋ قاينارى: ىلە گازەتى
  • 04:00:12 21/06/2017

    40 جىلدىڭ الدىنداعى مامىردىڭ 7–كۇنى پارتيا ورتالىق كوميتەتىنىڭ ۇيعارىمىمەن جۇڭگو قوعامدىق عىلىمدار اكادەمياسى رەسمي قۇرىلعان ەدى. سودان بەرى جۇڭگو قوعامدىق عىلىمدار اكادەمياسىنىڭ نەشە ۇرپاق وقىمىستىلارى رەفورما جۇرگىزىپ، قاقپانى اشىق ۇستاۋمەن تەڭ قادام تاستاپ، اقىل–پاراساتتىق تولعانۋىن، ىستىق ىقىلاسىن ەلدى دامىتىپ، ۇلتتى قايتا كوركەيتۋ سىندى ۇل ىسكە ارناپ، جۇڭگوشا سوتسياليزم قۇرۋ جولىنداعى شەشۋشى تۇيىندەردىڭ بارىنە وزدەرىنىڭ وي ىزدەرىن قالدىردى.

    دەگەنمەن ءداۋىر قالاي وزگەرىپ، زەرتتەۋ سالاسى قالاي كەڭەيسە دە ءبىر قىزىل ءتۇستى نەگىزگى ارقاۋ باستان–اياق قوعامدىق عىلىمدا اكادەميانىڭ ءتۇرلى قىزمەتتەرىمەن قابىسىپ جاتتى، ول − ماركسيزم نازارياسى بازاسىن قۇرۋعا كۇش سالىپ، ماركسيزمنىڭ جۇڭگوشالانۋىن ىلگەرىلەتىپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحي قوزعاۋشى كۇش جانە پاراساتتىق تياناق ازىرلەۋ ەدى.

    ەكى ءتۇيىندى ءسوز

    جۇڭگو قوعامدىق عىلىمدار اكادەمياسى زەرتتەۋ قۇرىلىمىنىڭ كەستەسىندە ماركسيزمدى زەرتتەۋ ينستيتۋتى مەن وسى زامانعى جۇڭگونى زەرتتەۋ ورنى باستان – اياق الدىڭعى قاتاردان ورىن العان. «ماركسيزم» مەن «وسى زامانعى جۇڭگو» ءدال وسى جۇڭگو فيلوسوفيالىق جانە قوعامدىق عىلىمداردى وزىق زەرتتەۋ ورنىنىڭ ەرەكشەلىگىمەن نازار اۋداراتىن ماڭىزدى تۇيىنىنە اينالعان. جۇڭگو قوعامدىق عىلىمدار اكادەمياسىنىڭ اكادەميگى، پارتگرۋپپاسىنىڭ شۋجيى ۋاڭ ۋيگۋاڭ بىلاي دەدى: «ءدال شي جينپيڭ باس شۋجي اتاپ كورسەتكەندەي، ماركسيزمدى جەتەكشى ەتۋگە تاباندى بولۋ − وسى زامانعى جۇڭگو فيلوسوفيالىق، قوعامدىق عىلىمدارىن وزىق زەرتتەۋ ورنىنىڭ باسقا فيلوسوفيالىق، قوعامدىق عىلىمداردى زەرتتەۋ ورىندارىنان پارىقتالاتىن ءتۇبىرلى بەلگىسى، وعان تۋى ايقىن تۇردە تاباندى بولۋ كەرەك، جۇڭگو قوعامدىق عىلىمدار اكادەمياسىنىڭ باستى مىندەتى − ماركسيزمدى زەرتتەۋ جانە ونى دامىتۋ بولىپ تابىلادى بۇل ءارى ءبىزدىڭ باستى ورىنداعى ساياسي مىندەتىمىز، ءارى دەربەس ەرەكشەلىك الاتىن باسىمدىعىمىز».

    ماركسيزم − اقيقات. ەگەر اقيقاتتى زەرتتەۋدە وتكىر كورەگەندىك ايگىلەنەدى دەسەك، وندا اقيقاتتى كورنەكتىلەندىرۋگە تاباندى بولۋ اسقان باتىلدىق ەسەپتەلەدى.

    جۇرتقا ايان، 20–عاسىردىڭ 70–جىلدارىنىڭ سوڭىندا «اقيقاتتىڭ ولشەمى جايىنداعى زەرتتەۋ - تالقى» ورىستەتىلدى. ءبىراق ەڭ العاشىندا اماليات اقيقاتتى سىننان وتكىزەتىن بىردەن–ءبىر ولشەم دەگەندى دارىپتەۋشى، سول كەزدە قوعامدىق عىلىمدار اكادەمياسى مۇراعاتتى زەرتتەۋ ورنىنىڭ باستىعى بولىپ تۇرعان شيا ديڭ ەكەندىگىن كوپ ادام بىلە بەرمەسە كەرەك، ونىڭ كوزقاراسى «حالىق گازەتىندە» ايتىلىپ وتىرعان اقيقاتتىڭ ولشەمى جايىنداعى زور تالقىدان تۇپ – تۋرا ءۇش اي بۇرىن جاريالانعان بولاتىن. سودان تارتىپ قوعامدىق عىلىمدار اكادەمياسىنداعى قىرۋار وقىمىستىلار اقيقاتتىڭ ولشەمى ماسەلەسى جونىندەگى زەرتتەۋ مەن تالقىنى بەلسەنە ورىستەتىپ، پارتيانىڭ يدەيانى ازات ەتىپ، شىنشىل بولۋ سىندى يدەيالىق لۋشياندى قايتا تۇراقتاندىرۋدا ماڭىزدى رول اتقاردى.

جاۋاپتى رەداكتور: جازيرا بولاتباي قىزى