عالامتور بارشاعا قولايلىلىق جاراتتى، دەسە دە

  • كەلۋ قاينارى: ىلە كەشى گازەتى
  • 10:56:42 04/07/2017

       گۇلباھار قۇرمانعالي قىزى

 

    2016-جىلى ناۋرىزدا مەملەكەتتىك كەڭەستىڭ زۇڭليى لي كىچياڭ ۇكىمەت قىزمەتىنەن جاساعان بايانداماسىندا «ينتەرنەت + ۇكىمەت قىزمەتىندەگى قىزمەت وتەۋدى زور كۇشپەن ىلگەرىلەتىپ، تاراۋلار اراسىنداعى ساندى مالىمەتتەن ورتاق يگىلىكتەنۋدى جۇزەگە اسىرۋدى» ورتاعا قويدى. جۇڭگو ينتەرنەت ينفورماتسيا ورتالىعىنىڭ جۋىردا جاريالاعان «جۇڭگوداعى ينتەرنەتتىڭ دامۋ جاعدايى جونىندەگى 38-رەتكى تەكسەرۋ دوكلاتىنا» نەگىزدەلگەندە، 2016-جىلى ماۋسىمنىڭ سوڭىنا دەيىن جۇڭگوداعى تور ابونتتارى 710 ميلليونعا جەتىپ، تۇتاس ءبىر جىلدا جاڭادان كوبەيگەن تور ابونتتارى 40 ميلليونعا تاياپ، تۇتاس جەر شارىنىڭ ورتاشا ورەسىنەن 3.1 پايىز، ازيانىڭ ورتاشا ورەسىنەن 8.1 پايىز جوعارى بولعان. اۋىل-قىستاقتاعى تور ابونتتارى جالپى تور ابونتتارىنىڭ ٪31.7 ىن يەلەپ، قالا-قالاشىقتاردا ينتەرنەتتىڭ جالپىلاسۋ سالىستىرماسى اۋىل-قىستاقتاردا ٪35.6 جوعارى بولىپ، قالا مەن اۋىل-قىستاق اراسىنداعى پارىق كورنەكتى بولعان. 2015-جىلدىڭ سوڭىنا دەيىن جۇڭگوداعى تور ايالدامالارى 4 ميلليون 230 مىڭعا، كاسىپورىنداردىڭ كومپيۋتەر ارقىلى توردا جۇمىس ءبىتىرۋ سالىستىرماسى ٪95.2 كە جەتكەن. مەيلى دۇنيەنىڭ جەر-جەرىن جانە ەلىمىزدىڭ ءىرى، قالالارى مەن ۇلان-بايتاق اۋىل-قىستاق، ساحاراسىن ارالاساڭىز، ينتەرنەتتىڭ شارپىماعان جەرى جوق. ءارقايسى ەل اراسىنداعى بارىس-كەلىس، ساۋدا ايىرباسىنان تارتىپ، ۇكىمەت قىزمەتى، وقۋ-اعارتۋ، دەنساۋلىق ساقتاۋدى قامتىعان سان-سالالى كاسىپتىڭ ءبارى تور ارقىلى ءبىتىپ جاتادى. كۇنى بويى بازار ارالاپ تابانىنان تاۋسىلاتىن بازارشىلار ازايىپ، ۇيىندە وتىرىپ-اق كومپيۋتەردەن ءتۇرى بازارداعىدان الدە قايدا كوپ ءارى ساپالى زاتتاردى ساتىپ الاتىن بولدى. قوعامداعى ءار سالاداعى قىزمەتكەرلەردەن تارتىپ ورتا، باستاۋىش مەكتەپ، جوعارى مەكتەپ وقۋشىلارى بولسىن قاي سالادا قانداي ماسەلەگە جولىقسىن، عالامتوردان ءبارىن ىزدەپ تاباتىن بولدى. ينتەرنەتتىڭ كەڭىنەن تارالعان قىزمەت وتەۋ تۇرلەرى ىشىندە ۋيچاتتىڭ جالپىلاسۋ سالىستىرماسى جوعارى بولدى. سەبەبى ول مەيلى دۇنيەنىڭ قاي بۇرىشىندا بولسىن سىمسىز تور بولعان جاعدايدا كەز كەلگەن ۋاقىتتا بىرەۋمەن سويلەسىپ، سۋرەت، كەسكىن جولداۋعا بولادى ءارى وعان كەتەتىن اقشا وتە از. وسىلايشا ۋيچات جالاڭ فورماداعى جاڭالىق اشۋ فورماسىنداعى قولفون جۇمساق دەتالى عانا ەمەس، جۇڭگونىڭ ەلەكترون توڭكەرىسىنىڭ ۋاكىلىنە اينالدى. قازىر تۇتاس ەلىمىزدە زەردەلى قولفوننىڭ جالپىلاسۋ سالىستىرماسى ٪90 تەن اسىپ، ول ادامداردىڭ تۇرمىسىندا كەم بولسا بولمايتىن ماڭىزدى دانەكەرگە اينالدى. ۋيچات ابونتتارى ىشىندە ەرلەردىڭ سالىستىرماسى ٪64.3 تى، ايەلدەردىڭ سالىستىرماسى ٪35.7 تى يەلەپ، جاسى جاعىندا ۋيچات ابونتتارىنىڭ ورتاشا جاس شاماسى 26، ال، جالپى ابونت سانىنىڭ ٪97.7 ىنىڭ جاسى 50 دەن تومەن، باسىم كوبى 18 جاس پەن 36 جاس ارالىعىنداعىلار بولعان. كاسىپ قۇرىلىمنا تالداۋ جاساعاندا كاسىپورىن، ءىسورىنداعىلار مەن ەركىن كاىسپتەگىلەر، وقۋشىلار ٪80 تى يەلەسە، قالعان ٪10 ىن جوعارى كىرىستەگىلەر يەلەگەن. جالپى ۋەيۋات ابونتتارىنىڭ ٪20 ى ۋيچاتتى كۇنىنە 30 رەت كورسە، ٪52.2 ابونت 10 رەت اشىپ كورەدى ەكەن. ٪57.3 ادام ارقىلى جاڭا دوستارمەن تانىسقان ءارى كونە دوستارىن تاۋىپ العان.

 

جاۋاپتى رەداكتور: جازيرا بولاتباي قىزى