«ءبىر بەلدەۋ، ءبىر جول» ستراتەگياسى كاسىپورىنداردىڭ دامۋىن جەبەدى

  • كەلۋ قاينارى: ىلە گازەتى
  • 03:19:47 07/07/2017

 

    مەملەكەتتىڭ «ءبىر بەلدەۋ، ءبىر جول» ستراتەگياسىنىڭ ورنىقتى ىلگەرىلەۋىنە ىلەسە توعىزتاراۋ اۋدانىنداعى كاسىپورىندار ورايدى مىقتى يگەرىپ، وزىق ءوندىرىس جابدىقتارىن ەنگىزىپ، ونىمدەردىڭ ساپاسىن جوعارىلاتىپ، ساتىلۋ ارناسىن كەڭەيتىپ، دامۋ قۋاتىن نىعايتتى.

    ىلە المالى ازىق – تۇلىك شەكتى جاۋاپكەرلىك سەرىكتىگى 2015 - جىلى ورتا، شاعىن كاسىپورىندار باقشاسىنا ىرگە تەپكەن بولاتىن، اتالعان كاسىپورىن «ءبىر بەلدەۋ، ءبىر جول» سىراتەگياسى ورايىن مىقتى يگەرىپ، 15 ميلليون يۋان قارجى جۇمساپ، جىلىنا 600 توننا جەمىس – جيدەك قاعىن مانەرلەيتىن ءوندىرىس جەلىسى مەن سايكەستى قۇرىلعىلارىن سالىپ، بيىل قاڭتاردا سىناق رەتىندە وندىرىسكە قوسىلىپ، مامىر ايىندا ءوندىرىستى رەسمي باستاپ، ونىمدەرىن ەلىمىزدىڭ جەر – جەرىندەگى بازارلارعا شىعارىپ ساتا باستادى.

    جەرگىلىكتى ورىننىڭ بازار قاجەتىن قاناعاتتاندىرۋدان تىس، اتالعان سەرىكتىك مەملەكەتتىڭ «ءبىر جول، ءبىر بەلدەۋ» ستراتەگياسى مەن قورعاس وتكەلىنە سۇيەنىپ، حالىقارالىق بازارعا بەت الۋدى نىسانا ەتىپ، ونىمدەردى ەكسپورت ەتۋگە ءوتىنىش ەتىپ، ەكسپورت ەتۋ دايىندىق جۇمىستارىن ىستەپ، كەلەسى جارىم جىلدا جەرگىلىكتى ونىمدەردى شەتەلگە شىعارىپ، حالىقارالىق بازارلاردان ورىن الۋعا كۇش سالدى.

    ءوندىرىس سەحىنىڭ مەڭگەرۋشىسى شيە ياجۇن: «سەرىكتىگىمىزدىڭ رەسمي ءوندىرىس باستاعانىنا ايعا جۋىق ۋاقىت بولدى، ايىنا وندىرەتىن ءونىمى 50 تونناعا جەتەدى، ونىمدەرىمىز جەرگىلىكتى ورىننىڭ قاجەتىن قاناعاتتاندىرىپ قانا قالماستان، ەلىمىزدىڭ جەر – جەرىنە، ياعني بەيجيڭ، شاڭحاي سىندى ۇلكەن قالالارعا ساتىلۋدا. كەزەكتە ازىق – تۇلىكتى ەكسپورت ەتۋگە ءوتىنىش ەتىپ قويدىق، ءوتىنىش بەكىتىلسە كەلەسى جارىم جىلدان باستاپ 1 - توپتاعى ونىمدەردى سىرتقا ەكسپورت ەتەمىز.

    توعىزتاراۋ اۋدانى بيىل ورايدى مىقتى يگەرىپ، جەرگىلىكتى ورىنداعى كاسىپورىنداردى قازاقستان ساۋدا كورمەسىنە، ازيا – ەۆروپا ساۋدا كورمەسىنە قاتىناسۋعا ۇيىمداستىرىپ، ەلەكتروندى ساۋدا مەن ءداستۇرلى ساتۋ جولدارىنا جانە باعىتتامالى كومەك بەرۋ قىزمەتى ورايىنا سۇيەنىپ، ساياحات ونىمدەرى مەن جەرگىلىكتى ورىنداعى ەرەكشە ونىمدەردى سىرتقا تانىستىرىپ، بازار ءورىسىن كەڭەيتىپ، زالالسىز، ورگانيكالى اۋىل شارۋاشىلىق ونىمدەرى مەن ۇلتتىق قولونەر بۇيىمدارىن ورتا ازيا، ەۆروپا ەلدەرىنە ساتىپ شىعارىپ، كاسىپورىنداردىڭ ەكونوميكالىق قۋاتىن بارىنشا نىعايتتى.

 

    زايرا ءابىلوقاس قىزى

جاۋاپتى رەداكتور: گۇلدەن ماقسات قىزى