شىڭگىل اۋدانىنىڭ العاشقى جارىم جىلداعى ساياحات كاسىبى جانداندى

  • كەلۋ قاينارى: ءتاڭىرتاۋ تورابى
  • 09:03:46 21/07/2017

    گۇلنار ءاۋساي قىزى حابارلايدى. جاقىنعى جىلداردان بەرى، شىڭگىل اۋدانى «وركەنيەتتى ساياحات قاينارىن اشۋ، مادەنيەت جانە ساياحاتتى سايكەستى دامىتۋ جاڭا جولىن قاراستىرۋدى» تىعىز توڭىرەكتەپ، «ەكولوگيا، قار-مۇز، ۇلتتىق عۇرىپ-ادەت، شەكارا» ابزالدىلىعىن كورنەكتىلەندىرىپ، قىسقى ساياحات، شەكارا اتتاعان ساياحات، ءوز اۆتوكولىگىمەن ساياحاتتاۋ قاتارلى ساياحات ءتۇرىن بار كۇشپەن دامىتىپ، ساياحات كاسىبىن جانداندىرىپ، اۋدانىمىزدىڭ تانىمالىلىعىن ارتتىرعان.

    اۋدانىمىزدىڭ بيىلعى العاشقى جارىم جىلدا قابىلداعان ساياحاتشى سانى 144 مىڭ 700 ادام، ساياحات كىرىسى 64 ميلليون 820 مىڭ يۋان بولىپ، ۇقساس مەزگىلمەن سالىستىرعاندا جەكە-جەكە 9.62٪، 14.03٪ ارتقان. بۇندا ماۋسىم ايىندا قابىلداعان ساياحاتشى سانى 30 مىڭ 100 ادام بولىپ، ۇقساس مەزگىلمەن سالىستىرعاندا 1.01٪، ساياحات كىرىسى 1 ميلليون 600 مىڭ يۋان بولىپ، ۇقساس مەزگىلمەن سالىستىرعاندا 7.38٪ ارتقان.

    شارۋالار ساياجايىنىڭ قوجايىنى تىلەك تىلشىگە بىلاي دەدى: «ۇشكول جاز ماۋسىمىندا سالقىن، كورىنىسى دە كوركەم بولعاندىقتان، ساياحاتشىلار كوپ كەلىپ دەمالىپ قايتادى. ءبىزدىڭ دە ساۋدامىز كۇسەت بولادى».

    ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور: بەرىك وقاباي ۇلى