قازاقستان ۇكىمەتى مەملەكەتتىڭ بولاشاق بەس جىلداعى قارجى قوسۋ ستراتەگياسىن ماقۇلدادى

  • كەلۋ قاينارى: حالىق تورابى
  • 08:36:36 17/08/2017

   

    حالىق تورابى، 17 – تامىز، بەيجيڭ. قازاقستان ۇكىمەتى 15 – تامىز مەملەكەتتىڭ بولاشاق بەس جىلداعى قارجى قوسۋ ستراتەگياسىن ماقۇلدادى. بۇل ستراتەگياعا قاراعاندا، 2018 – جىلدان 2022 – جىلعا دەيىن قازاقستان ەنەرگيا سالاسىنا جاتپايتىن جاقتارعا شەتەلدەردى قارجى قوسۋعا بارىنشا باۋرايتىن بولادى.

    جەڭىس قاسىمبەك ۇلىنىڭ ايتۋىنشا، ەگەر بۇل ستراتەگيا تياناقتاندىرىلاتىن بولسا، 2022 – جىلعا بارعاندا، قازاقستانعا تىكەلەي قوسىلعان شەتەل قارجىسى 2016 – جىلداعىدان 26 پايىز ارتادى، ەكسپورت ەتۋ باعىتىنداعى وندىرىسكە تىكەلەي قوسىلاتىن شەتەل قارجىسى 2016 – جىلداعىدان 50 پايىز ارتادى.

    جەڭىس قاسىمبەك ۇلىنىڭ سىڭايىنا قاراعاندا، اتالعان ستراتەگيا 36 مەملەكەتتى قارجى قوسۋعا باۋرايتىن باستى مەملەكەت ەتىپ بەلگىلەپ وتىر، مۇندا ەڭ ماڭىزدى 11 مەملەكەتتىڭ ىشىندە جۇڭگو، رەسەي، ا ق ش قاتارلى مەملەكەتتەر بار.

    جەڭىس قاسىمبەك ۇلىنىڭ ويىنشا، بۇل قارجى قوسۋ ستراتەگياسىنىڭ اتقارىلۋى قازاقستاننىڭ قارجى قوسۋ سالاسىنداعى جالپى بەتتىك رەفورمانى ىلگەرىلەتىپ، قارجى قوسۋ كولەمىن كەڭەيتەدى، سونداي – اق، مەملەكەت ەكونوميكاسىنىڭ ورنىقتى دامۋىنا كەپىلدىك ەتۋدە ماڭىزدى رول اتقاراتىن بولادى.

جاۋاپتى رەداكتور: گۇلدەن ماقسات قىزى