بالانى بابىمەن باۋليىق

  • كەلۋ قاينارى: شينجياڭ زاڭ جانە تۇرمىس گازەتى
  • 02:59:30 28/08/2017

    ۇرپاق- ءومىردىڭ جالعاسى، ۇرپاق بولعاندا عانا ارمان - تىلەگىمىز ۇرپاقتان - ۇرپاققا جالعاسىپ، ءۇمىت الاۋىن بولاشاققا جالعاۋعا بولادى. سوندىقتان دا ۇرپاقتى تاربيەلەۋدىڭ ءوزى - بايلىق بولماق.

    اتا - انا بالاسىنىڭ ءوز قۇربىسىنىڭ الدى، ءومىر جولىنىڭ داڭعىل بولۋى ءۇشىن اسپانداعى ايدى الىپ بەرۋگە دە دايىن

    ءبىز ۇنەمى «بارلىعى بالا ءۇشىن» دەيمىز، بالانىڭ زاتتىق قاجەتىن ءار ۋاقىت قاناعاتتاندىرىپ وتىرامىز، الايدا، ءبىز بالاعا نەنىڭ قاجەت ەكەنىن ەسكەرۋسىز قالدىرىپ جاتامىز.

    باستاۋىش مەكتەپ وقۋشىلارىن ءار اپتانىڭ سوڭىندا ٴتۇرلى اۋەستىككە تاربيەلەۋ كىلاسىنا تىزىمدەتىپ، ولاردى ۇلكەندەردەن بەتەر قاربالاستىققا سالىپ قويامىز، الايدا بالانىڭ بال داۋرەن بالالىق شاعىن ويران ەتىپ جاتقانىمىزدى ەسكەرمەيمىز؛ ايگىلى وقىتۋشى ۇسىنىس ەتىپ، جولىن تاۋىپ ٴتۇرلى پىسىقتاۋ كىلاستارىنا تىزىمدەتىپ جاتامىز، الايدا، بۇل بالانىڭ وزدىگىنەن ۇيرەنۋ رۋحى مەن ۇيرەنۋ قىزعىندىلىعىن جەتىلدىرۋگە پايداسىز، كەرىسىنشە بالانى وقۋدان ىعىر ەتىپ، ۇيىرەنۋدەن جالىقتىرىپ الامىز.....

    بالالىق مەزگىل __ بالا ومىرىندەگى ەڭ ۇمىتىلماس، قىمباتتى شاق ەكەنىن ەسكەرىڭىز، بالالىق شاق ادام عۇمىرىنىڭ العاشقى وركەن جايار ءساتى، باي مازمۇندى، كوڭىلدى بالالىق شاقتى وتكەرگەن بالانىڭ كوكەيىندە مول قىزىقتى ەستەلىكتەر قالادى.

    «تەڭىزدىڭ سىرى تامشىدا» دەگەندەيىن. وسىزامانعى زەرتتەۋگە نەگىزدەلگەندە، ادامنىڭ ءومىر جولىن قالاي باسۋى سول ادامنىڭ بالالىق داۋىرىندە قالىپتاستىرعان مىنەز - قۇلقىمەن تىكە قاتىستى ەكەن.

    دۇنيەدە كەزدەيسوقتىق بولمايدى، بارلىق ءىستىڭ باستاماسى بولادى. ول بولاشاقتاعى باعىت - باعدارىڭدى الدىن - الا بولجاپ بەرەدى. ءبىر ادامنىڭ ءومىر جولىنداعى باعىت - باعدارىن ونىڭ وقىعان مەكتەبى ەمەس، كەرسىنشە ونىڭ بالالىق شاعى بەلگىلەيدى.

    شىنتۋايتىندا، ۇرپاق ءۇشىن ناعىز بايلىق __ باي مازمۇندى بالالىق شاق، ونى اقشامەن ساتىپ تا الا المايسىز.

    بالا كىشكەنتايىنان كىتاپتى سەرىك ەتۋ ءتيىس

    «داۋىستاپ وقۋ قولدانباسىنداعى» ءبىر ابزاتىس سوزدە: «سەندە تاۋسىلىپ بولمايتىن بايلىق، ساندىق - ساندىق التىن - جاقۇت بار بولسا دا، مەن سەكىلدى باي ەمەسسىڭ، ويتكەنى مەندە ماعان سەرىك بولىپ كىتاپ وقيتىن انام بار» دەلىنگەن.

    سۋ دۇڭپونىڭ 10 جاسىندا اكەسى الەم كەزىپ ءبىلىم قۋىپ كەتەدى، ال اناسى چىڭ شىسۋ دۇڭپۋدى كىتاپ وقۋعا باۋلىپ، ونى ارلى، ۇجداندى بولۋعا تاربيەلەيدى.

    وۋياڭ شيۋدىڭ 4 جاسىندا اكەسى دۇنيەدەن وتەدى، وتباسى تۇرمىسى ناشار بولعاندىقتان وقۋ ەمەس، قاعاز، قارىنداش تا ساتىپ الا المايدى ەكەن، الايدا ونىڭ اناسى ءشوپ شىرپىسىمەن جەرگە ءارىپ جازىپ، وعان حات تانۋدى ۇيرەتكەن.

جاۋاپتى رەداكتور: جازيرا بولاتباي قىزى