سايرام كولىن اينالاتىن 61 كيلومەترلىك ۆەلوسيپەد جولى سالىندى

  • كەلۋ قاينارى: حالىق تورابى
  • 04:49:30 28/08/2017

    حالىق تورابى، 25 – تامىز، بەيجيڭ. ءتىلشىنىڭ كەشە سايرام كولى ايگىلى كورىنىس رايونىنىڭ باسقارۋ كوميتەتىنەن ۇعىسۋىنشا، بيىل كورىنىس رايونىنىڭ نەگىزدىك قۇرىلعىلار قۇرىلىسى مەن قىزمەت وتەۋ قۇرىلعىلارى قۇرىلىسىنا ءبىر ميلليارد 200 ميلليون يۋان قارجى قوسۋ ارقىلى، كورىنىس رايونىن كوركەيتۋ اياق الىسىن جەدەلدەتپەكشى.

    تانىستىرۋعا قاراعاندا، بيىلعى قۇرىلىستىڭ باستى مازمۇندارى __ كولدىڭ اينالاسىنا اۆتوكولىك توقتاتۋ الاڭىن جاساۋ، ساياحاتشىلار ورتالىعى ينجەنەرياسىن سالۋ، كولدى اينالاتىن جول سالۋ، سونداي-اق، كەڭەيتىپ سالۋ ينجەنەرياسى، قىزمەت وتەۋ بازاسىن جاسىلداندىرۋ ينجەنەرياسى، زاريادتاۋ باعاناسى قۇرىلىسى، بەزەندىرۋ ينجەنەرياسىنىڭ قۇرىلىسى، ۋنيۆەرسال قىزمەت وتەۋ بازاسى كورىنىس اۋماقتارىنىڭ قۇرىلىسى، كورىنىس رايونىنداعى ءتۇيىندى ورىنداردى قورشاۋ قۇرىلىسى قاتارلىلار.

    ۇعىسۋعا قاراعاندا، سايرام كولى ايگىلى كورىنىس رايونىنىڭ قۇرىلىسى نىسانىنا جالپى 6 ميلليارد 200 ميلليون يۋان قارجى قوسىلادى، بۇندا، ساياحات نەگىزدىك قۇرىلعىلار نىسانىنا 2 ميلليارد 358 ميلليون يۋان قارجى قوسىلادى. بيىل ءبىر ميلليارد 200 ميلليون يۋان قارجى قوسىلاتىن قۇرىلىستى ورىنداماقشى. قازىر، سايرام كولى ۋنيۆەرسال قىزمەت وتەۋ بازاسى قۇرىلىسىنىڭ سولباسى باستاپقى قادامدا ورىندالىپ، 200 مۋلىق جاساندى كولدىڭ ورنى قازىلىپ بولعان، كولدەگى 99 مەتر بيىكتىكتەگى مۋزىكالى فونتان شىلدەدەن باستاپ ىسكە قوسىلعان؛ كولدى اينالاتىن 60 كيلومەترلىك ۆەلوسيپەد جولىنىڭ قۇرىلىسى دا اياقتالۋ الدىندا.

جاۋاپتى رەداكتور: بەرىك وقاباي ۇلى