قۇربان ايت مەزگىلىندە شينجياڭداعى اقى الىناتىن تاس جولداردا شاعىن اۆتوكولىكتەر اقىسىز قاتىنايدى

  • كەلۋ قاينارى: ءتاڭىرتاۋ تورابى
  • 09:25:54 29/08/2017

   

    1- قىركۇيەكتەن باستاپ، شينجياڭداعى ءار ۇلت بۇقاراسى قۇربان ايت مەرەكەسى بايلانىسىمەن 5 كۇن دەمالادى. ءتىلشىنىڭ اۆتونوميالى رايوندىق تاس جول باسقارۋ مەكەمەسىنەن ۇعىسۋىنشا، مەرەكە قارساڭىندا، 7 ادامدىق (7 ادامدى قامتيدى) شاعىن اۆتوكولىكتەردەن تاس جولدا قاتىناۋ اقىسى الىنبايدى. اقىسىز قاتىناۋ ۋاقىتى: 2017 - جىلى 1- قىركۇيەك بەيجيڭ ۋاقىتى ساعات 00:00 دەن 5 - قىركۇيەك ساعات 24:00 گە دەيىن. اقىسىز قاتىناۋ ارالىعىندا، اقى تاپسىرۋ پۋنكتىندە كارتچكا بەرىلمەيدى ءارى اشىق بولادى. اقىسىز قاتىناۋ ۋاقىتى باستالۋ جانە اياقتالۋدان بۇرىن، ەكى مەزگىلدىك ۋاقىتقا ءبولىپ قاتىناۋ قاعاز بەلەتىن تاراتادى. مەرەكە قارساڭىندا، ETC جولى قالىپتى قىزمەت ىستەيدى.

    اۆتونوميالى رايوندىق تاس جول باسقارۋ مەكەمەسى بەلسەندىلىكپەن قوعام حاۋىپسىزدىگى قاتىناس ساقشىسى، تاس جول تاسىمالى، تاس جول ىستەرىن باسقارۋ، اۋا رايى ستانسياسى قاتارلى مەكەمەلەرمەن سەلبەستىكتى قانات جايدىرىپ، مەرەكە كەزىندە اقىسىز قاتىناۋ احۋالى ارقىلى قاراستى رايونداعى اقىلى تاس جولدىڭ جاعدايىنا جالپى بەتتىك تالداۋ جاساپ، ماڭىزدى جول بولەكتەرىن ناقتى باقىلاپ، تاس جولدىڭ بويىنداعى LED ەكراندى قاتىناس ينفورماتسياسى، قاتىناس راديوسى قاتارلى مەديالار ارقىلى قۇربان ايت كەزىندەگى تاس جول جاعدايىنان دەر كەزىندە حاباردار ەتىپ، اقىسىز قاتىناۋ مەن تاس جولداعى قاتىناستىڭ ىركىلىسسىز بولۋ قىزمەتىن جاقسى ىستەپ، ءار ۇلت بۇقاراسىنا «قولايلى، ىركىلىسسىز، جانعا جايلى، مادەنيەتتى، بەرەكەلى» قاتىناۋ ورتاسىن جاراتۋعا قۇلشىنادى.

جاۋاپتى رەداكتور: گۇلدەن ماقسات قىزى