اۆتور جانە رەداكتور

  • كەلۋ قاينارى: ىلە گازەتى
  • 03:38:43 20/09/2017

    نۇراحىمەت اۋەتوۆ

    

    باس شۋجي شي جينپيڭ : «وتان _ حالىقتىڭ ەڭ بەرىك سۇيەنىشى، قاھارمان _ ۇلتتىڭ جاقۇتتاي جارقىراعان كورديناتاسى، وتاندى ءسۇيۋ، قاھارماندى القاۋ _ ەجەلدەن تارتىپ ادەبيەت–كوركەمونەر جاسامپازدىعىنىڭ ماڭگىلىك تاقىرىبى، سونداي–اق ەڭ اسەرلى تاراۋى. ءبىز وتانشىلدىق نەگىزگى اۋەندى اسقاقتاتىپ، جاندى ادەبيەت–كوركەمونەر ءتىلى مەن كوزدىڭ جاۋىن الاتىن كوركەمونەرلىك وبرازدان پايدالانىپ، وتاننىڭ كوركەم تاۋ–دالاسىن، وزەن–كولدەرىن ايشىقتاپ، جۇڭحۋا ۇلتتارىنىڭ وزگەشە دارىنىن بەينەلەپ، ءاربىر جۇڭگولىقتىڭ ۇلتتىق ماقتانىش سەزىمى مەن مەملەكەتتىڭ داڭق سەزىمىن اسقاقتاتۋىمىز كەرەك. جۇڭحۋا ۇلتتارىنىڭ قاھارماندارىن قادىرلەۋ، قاھارمانداردى كۇش سالا تۇلعالاپ، سومداپ، قاھارمانداردى ادەبيەت–كوركەمونەر تۋىندىلارىندا ۇزبەي ايگىلەپ، حالىقتى دۇرىس تاريح كوزقاراسىن، ۇلت كوزقاراسىن، مەملەكەت كوزقاراسىن، مادەنيەت كوزقاراسىن ورناتۋعا جەتەلەۋ ءتيىس. اتا–بابالاردى قومسىناتىن، كلاسسيك ەڭبەكتەردى الىمسىنبايتىن، قاھارمانداردى قوراشسىناتىن ىستەردى، استە، ىستەمەۋ كەرەك. رەفورما جاساۋ، ەسىك اشۋ مەن سوتسياليستىك وسىزامانداندىرۋ قۇرىلىسىنىڭ جالىندى امالياتىن، جارقىن جۇڭگونى ايشىقتى بەينەلەپ، بۇكىل ەلدەگى ءار ۇلت حالقىن بولاشاققا ارشىندى قادام تاستاۋعا ىنتالاندىرۋ كەرەك» دەپ اتاپ كورسەتكەن بولاتىن. مىنە، مۇنىڭ وزىنەن كۇللى ادەبيەت–كوركەمونەر جاسامپازدىقتارىنىڭ يەسى بولعان قالىڭ اۆتورلار قاۋىمى مەن ولاردىڭ الۋان تۋىندىلارىنىڭ اراسىنان ساراسىن تاڭداپ جاريالايتىن رەداكتورلار قوسىنىنا دا وتە جوعارى تالاپتار قويىلىپ وتىرعاندىعىن، بۇل تالاپتى ورىنداۋ ءۇشىن، ارينە، جوعارى دەڭگەيدەگى كەلەلى تاقىرىپتاردى وزەك ەتىپ، ءار ۇلت حالقىنىڭ جۇرەك تۇكپىرىنە تەرەڭ ورنايتىن شىعارما بەرەتىن ساپالى اۆتورلار شوعىرىن جەتىلدىرۋمەن قاتار، سارابدال رەداكتور، باسپا ءسوز قىزمەتكەرلەرىن دە باۋلۋ قاجەت ەكەنىن ايقىن كورىپ وتىرمىز.

    تومەندە مەن اۆتورلار مەن رەداكتورلاردىڭ قىزمەت ماقساتى، مىندەتى جونىندە ءوزىمنىڭ شاعىن كوزقاراسىمدى ورتاعا سالماقشىمىن.

    ءبىرىنشى، ولاردىڭ ماقساتى بىردەي. جاسامپازدىق بارىسىنان قاراعاندا، بارلىق ادەبيەت–كوركەمونەر تۋىندىلارىن تىڭنان جاراتۋشىلاردى العاشقى رۋحاني ءونىم وندىرۋشىلەر دەپ، وسى تۋىندىلاردى جان–جاقتى ەلەپ–ەكشەپ، كۇزەپ–تۇزەۋشى رەداكتورلاردى رۋحاني ءونىمدى العاشقى ساراپتاۋشىلار دەۋىمىزگە ابدەن بولادى. قالىڭ اۆتورلار قوسىنى بولسا، ءداۋىر ءۇنىن جىرلايتىن، حالىقتىڭ ارمان– تىلەگىن ايگىلەيتىن سان عىلىمدى شارپيتىن، الۋان جانرداعى تۋىندىلاردى جاسامپازدىقپەن جارىققا شىعارۋدى وزدەرىنىڭ باستى ماقساتى ەتەدى. ال وسى تۋىندىلاردى رەداكتورلار قوسىنى ءداۋىر اعىمى، ساياسي ولشەم، عىلمي كوزقاراس، تاريحي بولمىس تۇرعىسىنان ساراپتاپ، ەكشەپ، قالىپقا ءتۇسىرىپ، جارامدىلارىن جاريالاۋدى وزدەرىنىڭ قىزمەت قىبىلاناماسى ەتەدى. تۇڭعىش جاريالاناتىن شىعارما جونىنەن العاندا، رەداكتوردى سول شىعارمانىڭ ءارى تۇڭعىش وقىرمانىءارى تۇڭعىش ساراپتاۋشىسى دەۋىمىزگە بولادى. شىعارمانىڭ جاريالانۋ بارىسىنان قاراعاندا، اۆتورلار مەن رەداكتورلار اراسىندا ءبىرىن–ءبىرى جەبەيتىن، ءبىرىن– ءبىرى تولىقتىراتىن، ءبىرىن –ءبىرى العا جەتەلەيتىن تابيعي ورگانيكالى قاتىناس ورنايدى. جيىپ ايتقاندا، اۆتورلى شىعارمانىڭ رەداكتورسىز قوعامعا جول الۋى؛ ال رەداكتورلاردىڭ اۆتورلار شىعارماسىنسىز قىزمەت ورىستەتۋى مۇلدە مۇمكىن ەمەس. اۆتوردىڭ دا، رەداكتوردىڭ دا تۇپكى ماقساتى–كەڭ حالىق بۇقاراسىنا سارا تۋىندىلاردى مولىنان ۇسىنىپ، ولاردىڭ رۋحاني وركەنيەت قاجەتىن بارىنشا قاناعاتتاندىرىپ، ءار ۇلت وقىرمان جۇرتشىلىعىن ۇزدىك مادەنيەت ارقىلى ىنتىماقتاستىرا وتىرىپ العا باستاۋ.

جاۋاپتى رەداكتور: جازيرا بولاتباي قىزى