تەگىن دەنساۋلىق تەكسەرتۋ ينجەنەرياسىنان بۇقارا تولىق يگىلىكتەندى

  • كەلۋ قاينارى: ىلە گازەتى
  • 08:52:31 14/10/2017

    

    2–كەزەكتى جالپى حالىقتىق دەنساۋلىق تەكسەرتۋ ينجەنەرياسى باستالعاننان بەرى بۋرىلتوعاي اۋدانى ءارقايسى اۋىل –قالاشىق، الاڭداردا 9 تەكسەرۋ ورنىن قۇرىپ، 200 دەن استام ەمدەۋ قىزمەتكەرىن دەنساۋلىق تەكسەرۋ قىزمەتىنە ۇيىمداستىرىپ، قازىرگە دەيىن جالپى حالىقتىق دەنساۋلىق تەكسەرتۋ قىزمەت مىندەتىن نەگىزىنەن ورىندادى.

    تۇرعىن ۋاڭ يۇيحۇڭ تىلشىگە بىلاي دەدى: «ءبىز جايشىلىقتا شيپاحاناعا بارىپ تەكسەرىلسەك نەشە ءجۇز يۋان جۇمسايمىز، قازىر تەگىن دەنساۋلىق تەكسەرتۋگە قاتىناسىپ جاتىرمىز، بۇل بۇقاراعا وتە ءتيىمدى بولدى، قىزمەتكەرلەردىڭ قىزمەت وتەۋى دە وتە جاقسى.

    جالپى حالىقتىق دەنساۋلىق تەكسەرۋ ينجەنەرياسى اتقارىلعاننان بەرى، بۋرىلتوعاي قالاشىق شيپاحاناسى 35 ەمدەۋ قىزمەتكەرلەرىن اتتانىسقا كەلتىرىپ، ءار كۇنى 300 دە 400 ادامنىڭ دەنساۋلىعىن تەگىن تەكسەردى.

    بۋرىلتوعاي قالاشىق شيپاحاناسىنىڭ باستىعى شاڭ حاييۇن تىلشىگە: «قازىرگە دەيىن 20 مىڭ 380 ادام تەكسەرۋگە قاتىناستى، جالپى تەكسەرىلۋگە ءتيىستى ادام 21 مىڭ 991، 35 ەمدەۋ قىزمەتكەرى مىندەت وتەۋدە، ءار كۇنى 300 دە 400 ادام تەكسەرىلۋگە قاتىناسادى، ەندى تەكسەرىلەتىن ءبىر مىڭ 600 ادام بار، دەنساۋلىق تەكسەرۋ قىزمەتى اياقتالۋ الدىندا تۇر. شيپاحاناداعى قىزمەتكەرلەر بارىنشا كۇش شىعارىپ، مىندەتتى ورىنداۋعا قۇلشىنامىز»،–دەدى.

    مەيرانبەك قالياسقار ۇلى

    مەرەكە قاليقان ۇلى

جاۋاپتى رەداكتور: جازيرا بولاتباي قىزى